MATHI 21:13 - AMÜSÜH HÜM CL Bible (BSI)

¹³ Tüsho apinü arü ki tha, “Ha thrüta lah, ‘I yam ki tamkhüntamnü yam de ajibah,’ tüshe nüsanü jangkhijangrarü jikpung kamshihchoh.”

MATHI 21:13 Iomraidhean Croise

MUNGSHIKHÜN 93:5

Nü yakzanbo akheam müla, O Atungpuh , tüsho nü arüngyam amüsüh lah, lünnü akheam müla.

ISAIA 56:7

harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah.

JEREMIA 7:11

Ha yam, I mungnü tamde ajikhi nüsa mük ki jangkhijangrarü jikpung kamdü de? Nüsanü mükheahlah, inü she kheahde lah, Atungpuhnü thachoh.

MATHI 2:5

Jumonü arünü api ki alo, “Judea ching lakhi Bethlehem ching ah, tümütüsho wukihrübonü ha thrüta lah:

MARK 11:17

Judüki apinü arü ki thsangyude tha, “ ‘Trükshih alala thsungkheak I yam ki tamkhüntamnü yam de ajihbah’ de thrüta müla de? Tüshe nüsanü ju ahührü jikpung kamshihdo.”

LUKNÜ ATHRÜTKHI THIYUSHEAK-ATSÜ HUHTANYU 19:45

Judüki apinü arüngyam ching yüzah tüsho shothsümolorü yankhitpü tankihde,

LUKNÜ ATHRÜTKHI THIYUSHEAK-ATSÜ HUHTANYU 19:46

arü ki tha, “Ha thrüta lah, ‘I yam ju tamkhüntamnü yam ah, tüshe nüsanü jangkhijangrarü jikpung kamshihdo.’ ”

JOHAN 15:25

Tüshe ha yakzan ching, ‘Amütsan mülade arünü I thraneando,’ de thrüta lakhi yu dünjipü lakheah.