MATHI 20:34 - AMÜSÜH HÜM CL Bible (BSI)

³⁴ Jumonü Jisunü muzho tüsho ane mükbo qiu. Judüchokinü anenü ngü, tüsho api dunglim yan.

MATHI 20:34 Iomraidhean Croise

MUNGSHIKHÜN 119:67

I müthsünüde alachoki I tsokhia lakheah, tüshe kheakü inü nü yu zochoh.

MUNGSHIKHÜN 119:71

I thsümüchikhi ju I thsungkheaknü atsü lakheah, tümütüsho hanü I nü yukhümbo anikhitshih.

MUNGSHIKHÜN 145:8

Atungpuh a mihmüthsüm tüsho amuzhonü mide lah, arünnü bukakhiukchoh tüsho amüthsüm ching tolah.

MATHI 14:14

Jisunü wukhiukbah yimto ato ngüchoki, apinü arü muzhode lüm tüsho arü tukthsü thsüngujih.

MATHI 15:32

Jisunü ajingyanrübo api kilim jibah tha, “Inü harü mihtsürübo kheah-a muzholah; arübo I lung nimung mahsam mungdo tüsho arü atsühpü tümü müla. Inü arü khümde muwulungshihne, jude yungsho arü limro ching angakbah.”

MATHI 20:33

Anenü api ki alo, “Atungpuh, ike mükbo khimshuhshihnelah.”

MATHI 21:1

Küyimki arünü Jirusalem thüninde arübah Oliv Müzüng ching lakhi Bethphage khiungkhea, Jisunü jingyanrü mahne thiyide,

MATHI 8:15

Apinü alibe khah qiu, tüsho anihbe kheaknü phütsak tsoabah. Jushu alibe asürü tüsho arü mozümodoa kip.

MATHI 9:29

Judüki apinü ane mükbo qiude tha, “Nükenü akinkhi nangde nüke kheak rhimoshang.”

MATHI 9:36

Küyimki apinü botobo ngükhea, apinü arü muzhode lüm, tümütüsho arübo aneakrü mülakhi namfimihnubo nangde thsümütsüde tüsho arungrü mülade alakheah.

MARK 7:33

Apinü boto chingnü anihbuh ju bemuwuh, tüsho anükhünbo ching ayingkhingbo chungyuk, tüsho apinü mükeke mukhiuk tüsho amulo qiu.

LUKNÜ ATHRÜTKHI THIYUSHEAK-ATSÜ HUHTANYU 18:43

Tüsho judüchokinü api mük khimshuh, tüsho Thrünpuh mung shide api dunglim yan. Tüsho mihtsürü alalanü ju ngüchoki Thrünpuh shijih.

LUKNÜ ATHRÜTKHI THIYUSHEAK-ATSÜ HUHTANYU 22:51

Tüshe Jisunü tha, “Ju lang thsang!” Tüsho apinü mihtsürü nuku ju qiu tüsho api thsüngujih.

LUKNÜ ATHRÜTKHI THIYUSHEAK-ATSÜ HUHTANYU 7:13

Tüsho küyimki Atungpuhnü alibe ngükhea, apinü anihbe muzhode lüm tüsho alibe ki tha, “Dütrip.”

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

IBRI 2:17

Jumonü mihtsürübo neak dün shaklopü thsüde, api ju mihmüthsüm tüsho Thrünpuh tankihpü ching thiyuro achangbe amükeamrü kampü lüpdükhi ching keoniorübo nangde apinü kam.

1 PETER 3:8

Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang.