MATHI 20:30 - AMÜSÜH HÜM CL Bible (BSI)

³⁰ Tüsho kheahang, limro yean binkhi müktukrü mahnenü Jisu tsahhochoh de sobah zhide tha, “O Atungpuh, David tsührü, ike muzhoang!”

MATHI 20:30 Iomraidhean Croise

MUNGSHIKHÜN 146:8

Atungpuhnü müktukrü mükbo khimshuhjihchoh; Atungpuhnü mükhüma larü bemusuchoh; Atungpuhnü thiyuro-lungkirü muzhochoh.

ISAIA 29:18

Ju nimung nükhünpeangrünü thrütqiu yubo sobah, tüsho azhingdokhi tüsho amiting chingnü müktukrü müknü angübah.

ISAIA 42:16

Inü müktukrü arünü mümükheahkhi limronü abebah, arünü mümükheahkhi tsahpung ching limbebah. Inü arü müngüh amitingnü ayin kamshihbah, mutromutruk dangpungbo alo arih kamshihbah. Harü ha inü arhimobebo lah tüsho inü harü mübahyuk.

ISAIA 42:18

Aniang, nüsa nükhünpeangrübo; kheahang, nüsa müktukrübo, junangde nüsanü angübah!

ISAIA 59:10

Isa müktukrü nangde rhü yande ajamchoh, mük mülarü nangde ajamchoh; shuhyini ching nangde animuro isa jing mükhechoh, sühmüh larü bolung isa asherü nangde lah.

MATHI 13:4

Tüsho apinü ahiuchoki, khürü limmungyean hiuyuk, tüsho wuhnubo arübah jurü tsühabah.

MATHI 15:22

Tüsho kheahang, Kanan liberü khülang ju mükeak chingnü arü tüsho api ki zhide tha, “I kheak amüthsüm laang, O Atungpuh, David tsührü! I tsührübe khitode amünean me yüzah-a lah.”

MATHI 20:31

Judüki botonü ane thürüh tüsho malanpü tha; tüshe anenü alü thsüde zhi, “O Atungpuh, David tsührü, ike muzhoang!”

MATHI 21:14

Müktukrü le jingkikrü arüngyam ching api kilim arü, tüsho apinü arü thsüngu.

MATHI 21:9

Judüki müngühlim yükhi tüsho dunglim yankhi botonü zhide tha: “Hosanna, David tsührü! Shepü Atungpuh mung chingnü arüchonü müngühmühi thsang! Achangbe chingnü shiang!”

MATHI 22:42

“Nüsanü Khrista dünkheak tümü lümcho? Api shepü tsührü a?” Arünü api ki alo, “David tsührü ah.”

MARK 10:46

Jushu arünü Jirikho lim arü. Tüsho apinü ajingyanrübo le yimto ato lungnü Jirikho chingnü wukhiukde alachoki, Tima tsührü kakheangrü, müktukrü Bartima limro ching binde alakheah.

LUKNÜ ATHRÜTKHI THIYUSHEAK-ATSÜ HUHTANYU 4:18

“Atungpuh Me I kheak lah tümütüsho zhochihrü ki thiyusheak atsü thsangyuthsangrapü apinü I mujude-müsühkhit. Apinü I aramrübo dükhepü zhiyukpü tüsho müktukrü ngüshihpü, junoa larü zuzu kamshihpü,

LUKNÜ ATHRÜTKHI THIYUSHEAK-ATSÜ HUHTANYU 7:21

Ju kim ching apinü tukthsürübo ahihdo, arümbo, amünean mebo thsüngu, tüsho müktukrü ahihdo ngüde kamshih.

YUNIRÜBO RHIMO 2:30

Jumonü wukihrü thsümonü, tüsho api kiulongthsü-binkiu kheak anihbuh tsühsoniuso bolungnü khülang binshihpü Thrünpuhnü api ki thiyuchihchimkhi mükheahde,