MATHI 20:21 - AMÜSÜH HÜM CL Bible (BSI)

²¹ Tüsho apinü alibe ki tha, “Nü tümü lunela?” Alibenü api ki alo, “I tsührü mahne ha nü kiulongthsü ching khülang nü khah tsülim tüsho püpü nü khah huzulim binpü mülüjang.”

MATHI 20:21 Iomraidhean Croise

1 KIULONG THSÜRÜ 2:19

Jumonü Bathshebanü Adonija thsung thsüde athajihpü kiulongthsüpuh Solomon ki yü. Kiulongthsüpuhnü alibe shorupü asürü, tüsho alibe ki khukning; jushu apinü anihbuh kiulongthsü-binkiu kheak bin, tüsho kiulongthsüpuh abe khilim kiulongthsü-binkiu püpü lubah arü, tüsho alibenü anihbuh tsülim peang bin.

1 KIULONG THSÜRÜ 3:5

Gibeon ching Atungpuhnü azhing ching Solomon ki milim ching akhiuka huh; tüsho Thrünpuhnü tha, “Inü nü ki tümü jihbeanü kheangang.”

ESTER 5:3

“Ha tümüa kiulongthsüberü Ester?” de kiulongthsüpuhnü keokhi. “Nünü tümü künla I ki thaang, tüsho ju luang–mürangkhüh I kiulongthsü thripkhüh thsüthsü she ajihbah,” de tha.

MUNGSHIKHÜN 110:1

Atungpuhnü I tungpuh ki tha, “Inü nü riribo nü jing-dubopung müthsüshihyi khiungde, I khah tsülim binang.”

MUNGSHIKHÜN 45:9

Kiulongthsürübo tsührübebo nü wüntrekhi liberübo lung lah; nü khah tsülimpeang Ophir suna yukbah kiulongthsübe zhipbah.

JEREMIA 45:5

Tüsho nü thsungkheak nünü kukruk atobo yimcho de? Jurübo düyim; tümüde mihtsürü alala kheak inü thsümütsü handarübah, Atungpuhnü thachoh; tüshe nü kürü ching yübanü inü nü rhangdung tsokhitshihbah.”

MATHI 18:1

Ju kim ching jingyanrübonü arübah Jisu ki tha, “Yinmi kiulongthsü ching shepü atobe a?”

MATHI 19:28

Jisunü arü ki tha, “Atsütsü inü nüsa ki thachoh, küyimki Mihtsürü Tsührü nihbuh müretahkhi kiulongthsü-binkiu kheak binbanü, nüsa sherü I dunglim yankheanü alomiküp aso ching kiulongthsübinkiu thürükheak mahne kheak Israel trük thürükheak mahne mahkhapde abinbah.

MATHI 20:22

Tüshe Jisunü arü ki tha, “Nüsanü tümü keokhichonü nüsanü mümükheah. Inü ayungpü lakhi pung nüsanü ayungkhukba shi?” Arünü api ki alo, “Isanü akukbah.”

MATHI 20:32

Jumonü Jisunü zhikde zhip tüsho ane jibah tha, “Nüke thsungkheak inü tümü rhimoshihnela?”

MARK 10:51

Tüsho Jisunü api ki tha, “Inü nü thsungkheak tümü rhimoshihnela?” Müktukkhi mihtsürünü api ki alo, “Thsangyurü, inü ngünelah.”

MARK 16:19

Atungpuhnü arü ki asukachih dunglim, api yinmi ching yükih, tüsho Thrünpuh khah tsülim bin,

MARK 6:22

Tüsho küyimki Herodia tsührübenü azah tsünbah Herod le api hanrübo asühshihkhea, kiulongthsüpuhnü anünübe ki tha, “Nünü tümü künlanü I ki kheangang, tüsho inü nü kilim ju jihanü.”

LUKNÜ ATHRÜTKHI THIYUSHEAK-ATSÜ HUHTANYU 18:41

“Nü thsungkheak inü tümü rhimoshihnela?” Tüsho apinü alo, “Atungpuh, inü ngünelah.”

LUKNÜ ATHRÜTKHI THIYUSHEAK-ATSÜ HUHTANYU 19:11

Kheakü arünü harü anichoki, apinü shihdanglimyu püpü tha, tümütüsho api Jirusalem thüninde alakheah tüsho Thrünpuh kiulongthsü ju nahnahde arübah de arünü lüm.

LUKNÜ ATHRÜTKHI THIYUSHEAK-ATSÜ HUHTANYU 22:24

Tüshe arü bolung shepü atobe a de atsangachihkhi lakheah.

JOHAN 15:7

Nüsanü I kheak lasho tüsho I yubo nüsa kheak lasho, nüsanü tümü künlanü akheangbah, tüsho ju nüsa thsungkheak rhimobah.

YUNIRÜBO RHIMO 1:6

Jumonü küyimki arü mukhungkhea, arünü api ki keokhi, “Atungpuh, nünü ha kim ching Israel kilim kiulongthsü jihloba de?”

ROMRÜ KILIM PAULNÜ ATHRÜTKHI KIHÜM HUHTANYU 12:10

keoniorü amuzhonü khülangnü khülang muzhoachihang; khülangnü khülang wüntre jihang.

ROMRÜ KILIM PAULNÜ ATHRÜTKHI KIHÜM HUHTANYU 8:34

shepünü amülim jihba? Juju shebah arhang kamlokhi, Thrünpuh khah tsülim lakhi isa thsungkheak mushujihbuh Jisu khrista a shi?

KOLOSI 3:1

Nü Khrista lung arhang kamlokheasho, Thrünpuh khah tsülim Khrista bina lapung, akulim kukrukbo yimang.