MATHI 20:2 - AMÜSÜH HÜM CL Bible (BSI)

² Küyimki apinü rhimorübo ki nimung mihkhah dün adholi 1 jihpü mulongbanü arübo api yo kurungasolu ching yüshihchoh.

MATHI 20:2 Iomraidhean Croise

1 KIULONG THSÜRÜ 18:12

I kheakü tsoakede Atungpuh menü inü mümükheahkhi lim nü bede ayübah; jumonü, küyimki inü yübah Ahab ki thaba tüsho apinü nü müngükhuksho, I nü yamlarü I athunuchokinü Atungpuh wüntrede lalashe apinü I laksahbah.

2 KIUTHSÜYUKHEAN 34:3

Tümüde kam tizheahpü ching api kiulongthsüchoki, api azürü nunu lachoki, apinü anihbuh jipürü David Thrünpuh yimpü tankih, tüsho kam thürükheak mahnepü ching apinü Juda tüsho Jirusalem achang dangpungbo Ashera sangthsübo, tüsho asümkhi le azünkhi sangthsübo thsümünimpü tankih.

T H S AN GYU T H S AN GR ARÜ 12:1

Nü athunu nimungbo ching nü Thrünrü lümkhitang, küpkhuk nimungbo marüyide, tüsho nünü hade athapü kambo müthüninyide, “ Inü jurü ching shih asühpü müla”;

MATHI 18:28

“Tüshe yamlabuh junü wukhiuk tüsho api adholi 100 shozüng lakhi rukhüh yamlarü bolung shoru; apinü zünga lubah athrukeang kheak thünitde tha, ‘Nünü I züngkhi shakang!’

MATHI 20:1

“Tümütüsho yinmi kiulongthsü ju yapsu mükikde wukhiukbah api yo kurungasolu thsungkheak rhimopü rhimorü mulokhi thüyam putungrü kiphahlah.

MATHI 20:13

Tüshe apinü arü khülang ki alo, ‘Müyambuh, inü nü ki amülim mürhimo; adholi 1 thsungkheak nünü I ki alokhikhi yung de?

MATHI 20:3

Apinü 9 king ngüm yü tüsho püpürü yinzüyindopung ching sühdukde azhipkhi ngü,

MATHI 20:9

Tüsho sherü 5 king ching rhimo tankihkheanü mihbüm aban adholi 1 jih.

MATHI 22:19

Ruk jihpü lakhi shonak I ki huhang!” Arünü api kilim adholi 1 ludarü,

MATHI 9:37

Judüki apinü ajingyanrübo ki tha, “Yimlupü tode lah tüshe rhimorübo nüklah.

MARK 12:15

Isanü ajihba shi müjihbea?” Tüshe apinü arü yiuhkhapkhi mükheahde arü ki tha, “Tümüde nüsanü I rükakicho? I kilim adholi 1 lubah arang, tüsho inü ju kheahanü.”

LUKNÜ ATHRÜTKHI THIYUSHEAK-ATSÜ HUHTANYU 1:15

Tümüde api ju Atungpuh miki ato labah, tüsho yukhu yungsho amüshangbe muyung. Api ju abe nuyam chingnü Amüsüh Menü mide alabah.

LUKNÜ ATHRÜTKHI THIYUSHEAK-ATSÜ HUHTANYU 10:35

Ashidopü api chamachihchoki, apinü shotoyinchi nak 2 yihkhita hanrü-binpung putungpuh kilim jihde tha, ‘Api kümang, tüsho tümüpürü nünü alü bahbanü I alode arüchoki shaklobah.’

LUKNÜ ATHRÜTKHI THIYUSHEAK-ATSÜ HUHTANYU 20:24

Shotoyinchi nak I ki huhang. Ju kheak she jak tüsho mung thrütkihla?” Arünü alo, “Kaesar ah.”

2 TIMOTHI 3:15

tüsho nü azüchokinü Jisu Khrista kheak kinkhi hode akhümkhit lim bepü lümlung jihkhukpü amüsühyubo nünü mükheahlah de nünü lümkhitang.

AMIKHEAKAKHIUKKHI 6:6

Tüsho arhang shiwüh phüyi bolungnü düsheak khülang inü so, “Nimung khülang mihkhah dün wheat hi khahngak 1, tüsho nimung khülang mihkhah dün barli khahngak 3; tüshe müdangke tüsho kurungasolu düthsümünim!”

1 SAMUEL 2:18

Azübuh Samuelnü khim zhingzhing yihbah Atungpuh miki tankihde alakheah.

1 SAMUEL 2:26

Kheakü azübuh Samuel ju trungdung tüsho Atungpuh le mihtsürübo mürühkhi ching zode kam.

1 SAMUEL 3:1

Kheakü azübuh Samuel Eli bukkhüp Atungpuh tankihde alakheah. Judüki Atungpuh yusheak nükde alakheah; tüsho michihbo mubuyi.

1 SAMUEL 3:21

Mutuklode Atungpuh Shilo ching akhiuka huh, tüsho Atungpuh yu hode Samuel ki api akhiuka huh.