MATHI 2:6 - AMÜSÜH HÜM CL Bible (BSI)

⁶ ‘Tüshe nü, Juda lomi ching lakhi Bethlehem, Juda yakzanshuhrü bolung aninibe yung; tümüde nü kheaknü I mihtsürü Israel neakpü yakzanshuhrü khülang arübah.’ ”

MATHI 2:6 Iomraidhean Croise

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

2 SAMUEL 5:2

Kim anükhüh thsungkheak, küyimki Saul isa kurungkheak kiulongthsürü lakhea, nünü Israel limbe. Atungpuhnü nü ki tha: nünü I mihtsürü Israel neakbah, nünü Israel kurungkheak yakzan shuhbah.”

1 KIUTHSÜYUKHEAN 2:51

Salma kheaknü Bethlehem trükkhit, tüsho Hareph kheaknü Beth-gader trükkhit.

1 KIUTHSÜYUKHEAN 5:2

api keoniorü bolung Juda adungto kamkam she tüsho yakzanshuhrü api kheaknü arürü she, adüjibuh yamrüplurüp ju Josep yo.)

EZRA 2:21

Bethlehem tsührü 123,

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

WÜHKHE 24:19

Jakob kheaknü yakzanshuhrü khülang akhiukbah, tüsho kiuto ching aninga larübo thsümünimjihbah.”

MATHI 2:1

Kiulongthsüpuh Herod kim ching, Judea ching lakhi Bethlehem ching Jisu zübe dunglim, aniakhiuklimnü mükheahmudurübo Jirusalem ching arü

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

JOHAN 21:16

Apinü anihbuh ki mahne kipü tha, “Jona tsührü Simon, nünü I muzhola shi?” Apinü alo, “Am, Atungpuh; inü nü muzholah de nünü mükheahlah.” Apinü anihbuh ki tha, “I yo namfimihnubo kümang.”

JOHAN 7:42

Khrista ju David tsühsoniuso chingnü tüsho David lapung Bethlehem kiuto chingnü arübah de amüsühyunü thachoh yung de?”

EFISIA 1:22

tüsho apinü alala api jing khüp yüzahshih, tüsho borü thsungkheak alala kumung api aku kamshih.

KOLOSI 1:18

Api ju borü, pang yo aku ah; api ju atankih, asherü bolungnü adüjibuh, junangde lüpdükhi ching apinü kihokhi labah.

IBRI 7:14

Tümüde isa Atungpuh ju Juda chingnü atrükkhitkheah de mütsanlah, tüsho ju trük amükeamrübo dünkheaknü Mosanü tümü she mütha.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 2:27

tüsho apinü yinchi tsonü arü yakzan shuhbah; alo phüh adütre kamde ayihthünakkhi nangde alabah–I she I Buh kilimnü wu leangkhia lah;

AMIKHEAKAKHIUKKHI 7:17

Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”