MATHI 2:4 - AMÜSÜH HÜM CL Bible (BSI)

⁴ Tüsho küyimki apinü mihtsürübo amükeam putungrübo tüsho yakzan thsangyurübo bemukhungkhea, Khrista ju küching zübepü lanü apinü arü ki keokhi.

MATHI 2:4 Iomraidhean Croise

2 KIUTHSÜYUKHEAN 34:13

hahmülang hanrü kurungkheak lakheah tüsho tankih rhimorhiyi alala ching rhimorübo ki khuhlanga jih; tüsho Levirü khürü a athrütrü, atorübo, tüsho ripit neakrübo lakheah.

2 KIUTHSÜYUKHEAN 34:15

Hilkianü athrütbuh Shaphan ki tha, “Inü Atungpuh yam ching yakzan hüm ngüdo;” tüsho Hilkianü hüm ju Shaphan kilim jih.

2 KIUTHSÜYUKHEAN 36:14

Limberü amükeamrübo alala tüsho mihtsürübonü she trükshihbo yo athraneanbe yande khitode müthülünde alakheah; tüsho apinü Jirusalem ching müsühkhitkhi Atungpuh yam arünü müneanabah.

EZRA 10:5

Judüki Ezranü wusubah amükeamrübo tüsho Levirü limberü mokhit, tüsho aningkhi botonü Shekanianü athakhi yande arhimobah de thiyuchihchim.

EZRA 7:6

Babilon chingnü arübuh Ezra ha Israel Thrünpuhnü Mosa kilim jihkhi yakzan thrütakhinrü ayeanzo lakheah. Thrünpuh müngühmühi Ezra kheak lamonü, apinü akheangkhi athrünkhi kiulongthsüpuhnü jih.

NEHEMIA 12:7

Sallu, Amok, Hilkia, Jedaia. Harü ha Jeshua kim ching arü keoniorü amükeamrübo kurungkheak azothsürübo ah.

MUNGSHIKHÜN 2:2

Alomi kiulongthsürübonü arü jing jungpung thsüa luchoh, yakzanshuhrübonü Atungpuh , tüsho apinü mujude-mokhitkhi kiulongthsürü azhihde rukhüh lümkhi asahde thachoh,

JEREMIA 8:8

Athrütrü yo dosangnü akeangyu kamshihchoki, “ Isa lümlung lah, tüsho Atungpuh yakzan isa lung lah,” de küde thsah nüsanü thakhukpü?

MALAKI 2:7

Tümüde amükeamrü münküpbonü mükheahmudu aheangbah, tüsho mihtsürübonü api mün chingnü yakzan yimbeah, tümüde api Wuto Atungpuh yunithsürü ah.

MATHI 13:52

Judüki apinü arü ki tha, “Jumonü yakzan thsangyurü yinmi kiulongthsü ching jingyanrü kamrü ju thüyam putungrünü anihbuh rahpung chingnü aso tüsho awün kukrukbo lude akhiukkhi kiphahlah.”

MATHI 2:3

Küyimki kiulongthsüpuh Herodnü harübo sokhea, api tüsho api lung Jirusalem ching alala müyinsah.

MATHI 2:5

Jumonü arünü api ki alo, “Judea ching lakhi Bethlehem ching ah, tümütüsho wukihrübonü ha thrüta lah:

MATHI 21:15

Tüshe apinü amüyinsahbebo rhimokhi tüsho “Hosanna David tsührü” de azürübonü arüngyam ching zhikhi amükeam putungrübo tüsho yakzan thsangyurübonü ngübah arü bukakhiuk.

MATHI 21:23

Küyimki api arüngyam ching yüzahkhea, amükeam putungrübo tüsho mihtsürü azothsürübo api thsangyude alachoki arü tüsho tha, “Tümü thiyukhüm-sühmüh hode nünü harü alala rhimocho? Tüsho ha thiyukhüm-sühmüh nü kilim shenü ajihkhea?”

MATHI 26:3

Judüki amükeam putungrübo, athrütrübo tüsho mihtsürübo kurung azothsürübo Kaifa de ajikhi achangbe amükeamrü yam ching mukhung,

MATHI 26:47

Api thade alachoki, thürükheak mahne bolung khülang, Juda, anihbuh lung amükeam putungrübo tüsho mihtsürü yo azothsürübonü athiyikhi nukshangbo le shinuk shuhrü boto ato bebah arü.

MATHI 27:1

Yapsu mükikde, amükeam putungrü tüsho azothsürü alalanü Jisu sheshihpü lümkhi khikzhak.

MATHI 7:29

tümütüsho apinü arü yakzan thsangyurübo ruk yungde thiyukhüm-sühmüh larü khülang nangde arü ki thsangyu.

MARK 8:31

Tüsho apinü Mihtsürü Tsührü ju khide thsünübah, azothsürü le amükeam putungrü tüsho athrütrübonü abahyukbah, alaksahbah, tüsho nimung mahsam dunglim asürülobah de arü ki thsangyupü tankih.

LUKNÜ ATHRÜTKHI THIYUSHEAK-ATSÜ HUHTANYU 20:19

Tüsho amükeam putungrübo le yakzan thsangyurübonü apinü shihdanglimyu ha arü azhihde thachoh de mükheahbah ju kim chingnü api rampü yim, tüshe arünü mihtsürübo tre.

LUKNÜ ATHRÜTKHI THIYUSHEAK-ATSÜ HUHTANYU 23:10

Tüsho amükeam putungrübo le yakzan thsangyurübonü zhipbah api khide chikhi.

JOHAN 18:3

Jumonü Judanü bonungrü khürü tüsho amükeam putungrübo le Pharisirübonü athiyikhi arüngyam aheangrübo bebah thsühnuk shuh tüsho tsünpung le tsünduphungbo hanbah ju ching yü.

JOHAN 3:10

Jisunü api ki alo, “Nü Israelrü thsangyurü thsübah harü mümükheah de?

JOHAN 7:32

Botonü api dünkheak phiphirarakhi sobah Pharisirü le amükeam putungrübonü api rampü atorübo yüshih.

JOHAN 8:3

Judüki yakzan thsangyurü le Pharisirünü müzammüramberü khülang api ki bedarü. Tüsho küyimki arü miki api zhipshihkhea,

YUNIRÜBO RHIMO 23:9

Judüki alanaji tode kam; tüsho Pharisirü yakzan thsangyurü khürünü wusu tüsho müküpde tha, “Isanü ha mihtsürü kheak amülim tümü müyimkhit. Me yungsho yunirünü api ki asukachihsho tümü la?”

YUNIRÜBO RHIMO 4:5

Ashidopü arü yakzanshuhrü, azothsürü, tüsho athrütrü Jirusalem ching rukhüh mukhung,

YUNIRÜBO RHIMO 6:12

Jumonü arünü mihtsürübo le azothsürübo tüsho yakzan thsangyurübo thurumusu. Arünü Stephen rambah kiuthsübinkiu miki bedarü.