MATHI 2:22 - AMÜSÜH HÜM CL Bible (BSI)

²² Tüshe küyimki apinü abuh müthri Arkelausnü Judea kurungkheak kiulongthsüchoh de asokhea, apinü ju ching yüpü tre. Tüsho Thrünpuhnü milim ching thamonü apinü Galilee lomi lim alode yü.

MATHI 2:22 Iomraidhean Croise

MUNGSHIKHÜN 121:8

Atungpuhnü ha kimnü ründe tüsho lünnü nü wukhiukkhi tüsho azahkhi kümbah.

MUNGSHIKHÜN 48:14

“Ha Thrünpuh, lünnü lün isa Thrünpuh ah; apinü akheam khiungde isa bebah.”

MUNGSHIKHÜN 73:24

Nü lümthiyannü I bebah, tüsho ju dunglim müretahkhi lim I leangkhia lubah.

ISAIA 30:21

Tüsho küyimki nüsanü tsülim yungsho huzulim rholoba, nüsa nükhünnü nüsa dunglim thakhi yu sobah, “Ha limro ah; ju ching tsahang.”

MATHI 1:20

Tüshe api harü lümde alachoki, Atungpuh yunirü khülang milim ching api ki akhiukbah tha, “David tsührü Josep, nü niube thsüpü Mari lupü dütre, tümüde Amüsüh Me hode alibe mübünkeangde lah.

MATHI 2:1

Kiulongthsüpuh Herod kim ching, Judea ching lakhi Bethlehem ching Jisu zübe dunglim, aniakhiuklimnü mükheahmudurübo Jirusalem ching arü

MATHI 2:19

Tüshe küyimki Herod sheabahkhea, Ijip ching Atungpuh yunirü milim ching Josep ki akhiuk

MATHI 2:21

Judüki apinü wusubah azürü le abe büne bea lu tüsho Israel lomi lim yü.

MATHI 3:13

Judüki Jisunü anihbuhnü baptishihpü Johan kilim Galilee chingnü Jordan ching arü.

LUKNÜ ATHRÜTKHI THIYUSHEAK-ATSÜ HUHTANYU 2:39

Tüsho küyimki arünü Atungpuh yakzan yande lüpdükhi rhimokhea, arünü Galilee ching, arü kiuto Nazareth lim alodarü.

JOHAN 7:52

Arünü api ki alo tüsho tha, “Nü Galilee chingnü a de? Yimang tüsho kheahang, Galilee chingnü wukihrü sheshe masürü.”

1 SAMUEL 16:2

Samuelnü tha, “Inü küde thsah ayüba? Ha Saulnü sosho, apinü I laksahbah.” Tüsho Atungpuhnü tha, “Nü lung moshi nunu khülang beang, tüsho thaang, ‘I Atungpuh ki laksah-a kingaünpü arükheah.’