MATHI 2:2 - AMÜSÜH HÜM CL Bible (BSI)

² tüsho keokhi, “Jihudarü kiulongthsüpuh zübekhi ju küching la? Isanü api chining aniakhiuklim ngüdo tüsho api kingaünpü arükheah.”

MATHI 2:2 Iomraidhean Croise

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

MUNGSHIKHÜN 45:11

junangde kiulongthsüpuhnü nü akhamkhi künde akambah; tümütüsho api ju nü tungpuh ah, api ki mükhümang;

ISAIA 60:3

Trükshihbonü nü yo ayin lim arübah, tüsho khiungkerübonü nü yo yapsu ayinatrüm lim arübah.

JEREMIA 23:5

Atungpuhnü thachoh, David thsungkheaknü inü thiyuro-lungki sangkhah asürüshihpü nimungbo tsükjide arado, tüsho kiulongthsürü nangde kiulongthsübah tüsho lümlung lade rhimobah, tüsho lomi ching thiyuro tüsho thiyuro-lungki rhimobah.

JEREMIA 30:9

Tüshe arünü A TU N GPU H arü Thrünpuh tankihbah tüsho inü arü thsungkheak asürüshihkhi David kiulongthsüpuh tankihbah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

WÜHKHE 24:17

Inü api ngüchoh, tüshe kheakü yung; inü api kheahchoh, tüshe müphüni– Jakob kheaknü chining khülang akhiukbah; shoto tso khülang Israel bolungnü asürübah; apinü Moab aredungbo zünakbah tüsho Seth tsührübo alala keamshihbah.

MATHI 2:3

Küyimki kiulongthsüpuh Herodnü harübo sokhea, api tüsho api lung Jirusalem ching alala müyinsah.

MATHI 21:5

“Zion tsührübe ki thaang, ‘Kheahang, nü kiulongthsüpuh, azhihayihde donki kheak, donki nunu kheak binbah arüchoh.’ ”

MATHI 27:11

Kheakü Jisu ju kovünor miki zhip. Tüsho kovünornü api ki keokhi, “Nü Jihudarü kiulongthsüpuh a de?” Jisunü alo, “Am, nünü thachoh.”

LUKNÜ ATHRÜTKHI THIYUSHEAK-ATSÜ HUHTANYU 19:38

“‘Atungpuh mung chingnü arükhi kiulongthsüpuh müngühmühi!’ Yinmi ching mungtsü tüsho achangbe ching müretah lashang!”

LUKNÜ ATHRÜTKHI THIYUSHEAK-ATSÜ HUHTANYU 2:11

tümüde khihni nüsa kilim David kiuto ching akhümkhitrü, Atungpuh Khrista zübea lah.

LUKNÜ ATHRÜTKHI THIYUSHEAK-ATSÜ HUHTANYU 23:3

Jumonü Pilatnü api ki keokhi, “Nü Jihudarü kiulongthsüpuh a de?” Tüsho apinü anihbuh ki alo, “Nünü athakhi nangde ah.”

LUKNÜ ATHRÜTKHI THIYUSHEAK-ATSÜ HUHTANYU 23:38

Tüsho api kumung Greek, Latin, tüsho Ibri yunü thrüta zo: Ha jihudarü kiulongthsüpuh.

JOHAN 1:49

Nathanaelnü alo tüsho api ki tha, “Rabbi, nü a Thrünpuh tsührü ah! Nü Israel kiulongthsüpuh!”

JOHAN 12:13

ashisang khahbo lubah api shorupü wukhiuk, tüsho zhi, “Hosanna! Shepü Atungpuh mung ching arüchonü müngühmühi thsang! Israel kiulongthsüpuh Thrünpuhnü müngühshang!”

JOHAN 18:37

Jumonü Pilatnü api ki tha, “Judüasho nü ju kiulongthsürü a shi?” Jisunü alo, “I kiulongthsürü ah de nünü dükde thado. Ha dünkheaknü I zübekheah tüsho ha lomi ching arükheah, junangde inü thiyuro thiyumütsan thsübah, thiyuro yo thsürü abannü I düsheak anichoh.”

JOHAN 19:19

Kheakü Pilatnü thiyu thrütbah sangkim kheak yihkih. Tüsho athrütkhi ju ha lakheah: Jihudarü kiulongthsüpuh, nazarethrü jisu.

JOHAN 20:28

Tüsho Thomanü api ki tha, “I Tungpuh tüsho I Thrünpuh!”

JOHAN 5:23

junangde arünü Abuh wüntre jihkhi nangde alalanü atsührü wüntre jihbah. Shepünü atsührü wüntre müjihbanü api thiyibuh Abuh wüntre müjihchoh.

JOHAN 9:38

Judüki apinü tha, “Atungpuh, inü kinchoh!” Tüsho anihbuhnü api kingaün.

IBRI 1:6

Tüsho kheaküshe apinü adüjibuh ha lomi ching bede arüchoki tha, “Thrünpuh yunirübo alalanü api kingaünshang.”

AMIKHEAKAKHIUKKHI 22:16

“I Jisunü borübo thsungkheak ha thiyumütsan lubah I yunirü nüsa kilim thiyido. I ju David ying tüsho tsühsoniuso, yapsu chiningthülü ah.”