MATHI 2:16 - AMÜSÜH HÜM CL Bible (BSI)

¹⁶ Küyimki mükheahmudurübonü api mülapyukdo de Herodnü amükheahkhea, api khide bukakhiuk; tüsho apinü mükheahmudurübo kheaknü anikhitkhi kim ayannü Bethlehem tüsho ju mühi athrürü nunu kam mahnenü abukkhüp alala laksahpü thiyukhüm jih.

MATHI 2:16 Iomraidhean Croise

THRÜNTAN 39:14

alibenü anihbe yam ching yamlarübo ji tüsho arü ki tha, “Kheahang, apinü isa mükhemürangshihpü Ibrirü isa kilim bede arüa lah. Apinü I kheak amütsü thsüpü arü, tüsho inü düsheak achangnü zhikhit.

THRÜNTAN 39:17

Judüki alibenü api ki thiyu ha ruk tha, “Nünü isa kilim Ibrirü yamlarü bede arükhinü I ki mükhemürangpü arüdo;

THRÜNTAN 49:7

Arü bukakhiukkhi muthrumünean thsang, tümüde ju amüshak ah; tüsho arü mulong zhipzhip kheak, tümüde ju bukmüke ah! Inü arü Israel lomi ching hiumüzütshihbah, tüsho mihtsürü bolung müzütshihbah. @SPACE=

2 KIULONG THSÜRÜ 8:12

Hazaelnü keokhi, “Tümüde I tungpuh tripcho?” Apinü alo, “Tümütüsho nünü Israel mihtsürü kheak amütsü rhimo lakhi inü mükheahlah; nünü arü chipi monü atakbah, nünü arü athrününgtsüng mihtsürübo nukshangnü alaksahbah, khungarü aninibo ajip kamde jipa bahbah, tüsho mihlakhi azoberübo chakashungbah.”

JOB HU H T ANYU 12:4

I müyamrübo ki I a münedung khülang ah; inü Thrünpuh ki jibah apinü alojihjih she– thiyuro tüsho areak mükihde lalashe, I a münedung khülang ah.

MÜCHITMUDU 28:15

Mihbukmuyuknü zhochihrü kurungkheak yakzan shuhkhi ju arungkhi kekhüzü yungsho kuto amürük nangde lah.

MÜCHITMUDU 28:17

Mihtsürü shepü thiyih bukkhi amülim lanü ashekhün ching shande ayübah; shenü she api dürungshih.

ISAIA 26:21

Kheahang, alomi ching larübo arü amülim dün thsümüchipü Atungpuh api lapung chingnü akhiukchoh; alominü nihbe kheak thiyih bukkhi yihkhita huhbah, tüsho kheaküa alaksahkhi mülüpdo.

ISAIA 59:7

Arü jing amütsü lim alihchoh, tüsho arünü amülim mülarü thiyih bukshihpü nanachihchoh; arü lümkhibo ju amülim lümkhibo lah, azhikkhi tüsho athsümünim arü limrobo ching lah.

DANIEL 3:13

Nebukednezarnü bukakhiukde Shadrak, Meshak tüsho Abednego bedarüpü thiyukhüm jih. Jumonü arü mihtsürü mahsam ju kiulongthsüpuh miki bedarü,

HOSEA 10:14

jumonü nü mihtsürü azhihde thirithsü düsheak labah, tüsho nü chipi alala thsümünimbah, Shalman nü thirithsü nimung Beth-arbel thsümünimde, berübo lung tsührübo bebah adütre kamde zünakkhi nangde alabah.

WÜHKHE 22:29

Tüsho Balaamnü donki ki tha, “ Tümütüsho nünü I ki keangrümünedo. I khah ching nukshang shuhkhülaa inü nü laksah-a labah.”

WÜHKHE 24:10

Judüki Balaknü Balaam azhihde bukakhiuk; tüsho api khah mahne damde Balaam ki tha, “ I riri athrushihpü inü nü jikheah, tüshe kheahang, nünü arü kilim mahsam ki suhdahde müngühjihdo!

MATHI 2:1

Kiulongthsüpuh Herod kim ching, Judea ching lakhi Bethlehem ching Jisu zübe dunglim, aniakhiuklimnü mükheahmudurübo Jirusalem ching arü

MATHI 2:17

Judüki Jeremia wukihrünü athakhi dünji:

MATHI 2:7

Judüki Herodnü mükheahmudurübo ju ramde ji tüsho arü kheaknü dükde chining akhiukkhi kim mütsana lu.

AMIKHEAKAKHIUKKHI 12:4

Api monü thüning kheak chining shihcham mahsam ching khülang phütkhia alomi kheak akishih. Tüsho alibenü zübechoki anihbe tsührü tsühabahpü thsüde, khungarü zübepü lachoki dragon ju alibe miki zhip;

AMIKHEAKAKHIUKKHI 17:6

Tüsho alibe ju amüsührü thiyih tüsho Jisu dünkheaknü alaksahrü thiyihnü müshanga inü ngü. Küyimki inü alibe ngükheanü I khide müyinsah.

MAHKHAPRÜ 16:10

Judüki Delilanü Samson ki tha, “ Kheahang, nünü I ki keangrüchoh tüsho akeangyu thachoh. Kheakü muzhobah nü tümünü arhükbeanü thaa huhang.”