MATHI 19:5 - AMÜSÜH HÜM CL Bible (BSI)

⁵ tüsho tha, ‘Ha dünkheaknü athrürünü abuh tüsho abe chamkhibah tüsho aniube lung thsürua labah, tüsho mahne ju shihphü khülang kambah.’

MATHI 19:5 Iomraidhean Croise

THRÜNTAN 34:3

Api menü Jakob tsührübe Dina khide mürüh, apinü anünübe muzho tüsho anihbe ki muzhode asuk.

2 SAMUEL 1:26

I nü thsungkheak mulong rozhaklah, I keonio Jonathan; nünü I kheak khide muzhodakde alakheah; nünü I muzhokhi amüyinsahbe, aliberü muzhokhi kheaknü alü lakheah.

1 KIULONG THSÜRÜ 11:2

Arübo ju trükshihbo chingnü, küpü thsungkheak Atungpuhnü Israelrü ki tha, “Nüsanü arü lung düyihluachih; tümüde tsükjide arünü nüsa mulong bephülapa arü thrünpuhbo yanshihbah”; judüalalashe Solomonnü arü kheak muzhode mürip.

MUNGSHIKHÜN 45:10

Aniang, O tsührübe, lümakheahang, tüsho nü nükhün muphoang; nü mihtsürü tüsho nüsa buhtsührü mihabahang;

MUNGSHIKHÜN 63:8

I menü nü kheak kapkihchoh; nü khah tsülimnü I thololah.

MALAKI 2:15

Thrünpuh khülangnü anihbe thrünkhi yung de? Shih tüsho me chido api yo ah. Tüsho Thrünpuhnü tümü lunela? Apinü Thrünpuh mükheahkhi tsührü yimchoh. Jumonü nüsa me ching kümkangang, tüsho nü athunuchoki yamkhünbe kheak nünü alokhikhi düthsümünim.

MATHI 19:6

Junangde kheaküa ane mahne yung tüshe shihphü khülang ah. Jumonü Thrünpuhnü tümü thsürushihdünü mihtsürünü düchamachih shi.”

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;

1 KORINT 6:16

Shepünü müzammüramrü lung arihchonü alibe lung pang khülang kamchoh de nüsanü mümükheah de? Tümüde ha thrüta lah, “Mahne ju shihphü khülang kambah.”

1 KORINT 7:2

Tüshe müzammüram rükaki lakhi hode athrürü abannü nihbuh niuberü tüsho aliberü abannü nihbe niubuhrü labeah.

1 KORINT 7:4

Tümüde niuberünü nihbe pang kurungkheak atungrü müthsü, tüshe niubuhrünü ahorichoh; junangde niubuhrünü nihbuh pang kurungkheak atungrü müthsü, tüshe niuberünü ahorichoh.

EFISIA 5:31

“Jumonü athrürünü nihbuh abuh tüsho abe zojihbah tüsho aniube lung thsürua labah, tüsho ane shihphü khülang kambah.”

YUZÜNGTHALO 10:20

Nünü Atungpuh nü Thrünpuh wüntreang tüsho api tankihang. Api kheak düngdüngde ramrihang tüsho api mung chingnü thiyuchihchimang.

YUZÜNGTHALO 11:22

“Tümüde nüsanü kümkangde arhimopü thsüde inü thiyukhüm jihkhi ha thiyukhümbo Atungpuh nüsa Thrünpuh muzhopü, api limro ching tsahpü tüsho api kheak chingkihde alapü mihyuanisho,

YUZÜNGTHALO 4:4

Tüshe nüsa Atungpuh kheak zhimkihbah alarü alala khihni rhangdung lah.

1 SAMUEL 18:1

Küyimki Davidnü Saul ki asukachihkhamkhea, Jonathan menü David me kheak lümshede kam, tüsho Jonathannü nihbuh me nangde api muzho.

1 SAMUEL 25:43

Davidnü Jezreel ching yo Ahinoam she lu; ane chido aniube kam.