MATHI 19:28 - AMÜSÜH HÜM CL Bible (BSI)

²⁸ Jisunü arü ki tha, “Atsütsü inü nüsa ki thachoh, küyimki Mihtsürü Tsührü nihbuh müretahkhi kiulongthsü-binkiu kheak binbanü, nüsa sherü I dunglim yankheanü alomiküp aso ching kiulongthsübinkiu thürükheak mahne kheak Israel trük thürükheak mahne mahkhapde abinbah.

MATHI 19:28 Iomraidhean Croise

1 KIULONG THSÜRÜ 18:31

Elijanü Jakob tsührü khekhi trükbo ayannü lung 12 lu, shepü ki Atungpuh yu arüshihde tha, “Israel ju nü mung labah”;

2 KIUTHSÜYUKHEAN 9:19

jingdükü 6 akheam abande 12 zhip. Ha ruk kiulongthsü küpü ching she küyimkishe müthsüakheah.

EZRA 6:17

Ha Thrünpuh yam müsüpü thsungkheak arünü moshi 100, namfimihnupung 200, namfimihnu 400, tüsho neak kingaün thsungkheak mihnupung 12, Israel trük aban khülang khülang jih.

ABEKHIT 15:27

Jushu arübo kekhip 12 tüsho ashidung 70 lapung Elim ching arü; junangde arübo keyean binkheam.

ABEKHIT 24:4

Mosanü ATUNGPUH yu alala thrüt. Tüsho apinü yapsu mükikde asürübah müzüng jing kheak kingaün sadam khülang thsü, tüsho Israel trük thürükheak mahne ayannü dungjing thürükheak mahne khim.

ABEKHIT 28:21

Tüsho lung thürükheak mahne kheak ju Israel trük abande Jakob tsührübo mung kheande dokihang.

ISAIA 65:17

Tümüde inü yinmibo aso tüsho alomi aso thrünpü thsüchoh; akhuhlim dünjikhibo mülümkhit yungsho lüm ching marü.

ISAIA 66:22

Tümüde inü athsüpü lakhi yinmibo aso tüsho alomi aso I miki aninga labah, Atungpuhnü thachoh; junangde nü tsühsoniusobo tüsho nüsa mung aninga labah.

LEVI 24:5

Tüsho nüsanü ayikangkang khahngak 12 lubah yikhap thürükheak mahne nungang.

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

MATHI 19:27

Judüki Peternü alo, “Kheahang, isanü lüpdükhi bahbah nü dunglim yando. Dale tüsho isa thsungkheak tümü labea?”

MATHI 20:21

Tüsho apinü alibe ki tha, “Nü tümü lunela?” Alibenü api ki alo, “I tsührü mahne ha nü kiulongthsü ching khülang nü khah tsülim tüsho püpü nü khah huzulim binpü mülüjang.”

MATHI 25:31

“Küyimki Mihtsürü Tsührü, api lung amüsüh yunirübo alala bebah müretahkhi ching arübanü, nihbuh müretah kiulongthsü-binkiu kheak api binbah.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

MATHI 8:20

Tüsho Jisunü api ki alo, “Rimrebo lungkhünbo lah, tüsho wuhnubo asapbo lah, tüshe Mihtsürü Tsührü a ku alampung müla.”

MARK 10:37

Anenü api ki alo, “Nü müretah kiulongthsübinkiu ching ike khülang nü khah tsülim tüsho khülang ju huzulim binpü mülüjang.”

YUNIRÜBO RHIMO 3:21

Thrünpuhnü api yo amüsüh wukihrübo adüso larü hode amükheahshihkhi nangde, alala aso kamlopü kim marüyi khiungde api ju yinmi ching aninga labeah.

2 TIMOTHI 2:12

isanü arümsho, isa she api lung kiulongthsübah; isanü api reanglosho, apinü she isa reanglobah;

JIHUSUA 3:12

Kheakü Israelrü trük aban chingnü khülang khülang mihtsürü 12 mokhitang.

2 PETER 3:13

Tüshe apinü alokhikhi zode isanü yinmi aso tüsho alomi aso, thiyurolungkirü lapung kheahchoh.

AMIKHEAKAKHIUKKHI 11:16

Tüsho Thrünpuh miki arü kiulongthsü-binkiubo kheak binkhi azothsürü mukukheak phüyinü arü miro mükhüm tüsho Thrünpuh kingaünde

AMIKHEAKAKHIUKKHI 12:1

Tüsho thüning kheak amütsan ato akhiuk; aliberü khülangnü ani phuyu, ajing khüp khinu la, tüsho aku kheak chining thürükheak mahne kuthran lakheah.

AMIKHEAKAKHIUKKHI 20:4

Judüki inü kiulongthsü-binkiubo ngü, tüsho jurü kheak binrü ju mahkhappü wu jih-a lakheah. Kheaküshe arünü Jisu tüsho Thrünpuh yu kinmo, tüsho shiwüh yungsho mejak mükingaünrü tüsho arü kingkangbo le arü khahbo kheak amütsan yümkihkhi mülarü laksahkhi mebo inü ngü. Arü arhang kamlo, tüsho Khrista lung kam chithürü kiulongthsü.

AMIKHEAKAKHIUKKHI 21:5

Tüshe kiulongthsü-binkiu kheak binbuhnü tha, “Kheahang, inü alala aso kamshihchoh.” Apinü thalo, “Ha thrütang, tümüde harü yubo akin labe tüsho thiyuro.”

AMIKHEAKAKHIUKKHI 22:2

kiuto kiudunglimro phulungnü aki; kheaküshe ayung thripkhüh thripkhüh aso mungji thürükheak mahne kihde rhangdung sangdung, khinu aban asode alakheah; tüsho sangyübo ju trükshihbo thsüngupü thsungkheak lakheah.

AMIKHEAKAKHIUKKHI 22:5

Tüsho ju ching kheaküa azhing müla; arünü tsün yo ayin yungsho ani yihnüpü müla, tümüde Atungpuh Thrünpuh ju arü ayin labah, tüsho arünü lünnü lün kiulongthsübah.

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.

AMIKHEAKAKHIUKKHI 4:4

Kiulongthsübinkiu mükamde kiulongthsü-binkiu mukukheak phüyi, tüsho kiulongthsübinkiu kheak binkhi ju amüye khimmih yihbah, arü ku kheak suna kuthran thrankhi azothsürü mukukheak phüyi lakheah.

AMIKHEAKAKHIUKKHI 7:4

Judüki Israel trük alala chingnü 144,000 mütsanyümkhi düsheak inü so.