MATHI 19:21 - AMÜSÜH HÜM CL Bible (BSI)

²¹ Jisunü api ki alo, “Nünü banthsangde kamnesho, yüang, nü yamalobo yinbah zhochihrü kilim jihang, tüsho yinmi ching nü rahpung labah; tüsho arang, I dunglim yanang.”

MATHI 19:21 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 6:9

Ha Noa lün ah. Noa ju api lünbo ching thiyuro-lungki, khiukdahkhi mihtsürü lakheah, tüsho apinü Thrünpuh lung tsah.

JOB HU H T ANYU 1:1

Mihtsürü khülang Uz lomi ching amung Job de alakheah. Api ju mungchih mülarü tüsho alungki, Thrünpuh wüntrerü tüsho amütsü chingnü tsokhide alakheah.

MUNGSHIKHÜN 37:37

Areak mükihkhi mihtsürü mütsanang, tüsho alungkirü kheahyukang; tümüde ju mihtsürü arübe kuhi mungtsü lah.

MATHI 16:24

Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang.

MATHI 19:20

Athrününgtsüngbuhnü api ki tha, “Harü alala I athunuchokinü rhimodo; kheaküshe I tümünü maban le?”

MATHI 19:22

Küyimki athrününgtsüngbuhnü ha sokhea, mulong rozhakde api tsoabah; tümüde api lakhit ato lakheah.

MATHI 19:28

Jisunü arü ki tha, “Atsütsü inü nüsa ki thachoh, küyimki Mihtsürü Tsührü nihbuh müretahkhi kiulongthsü-binkiu kheak binbanü, nüsa sherü I dunglim yankheanü alomiküp aso ching kiulongthsübinkiu thürükheak mahne kheak Israel trük thürükheak mahne mahkhapde abinbah.

MATHI 4:19

Jisunü tha, “I dunglim yanang, tüsho inü nüke mihtsürüramrü kamshihbah.”

MATHI 5:48

Jumonü yinmi ching nüsa Abuh khiukdahkhi nangde nüsa khiukdahde laang.

MATHI 8:22

Tüshe Jisunü api ki alo, “I dunglim yanang, tüsho asherünü arü asherü kiuyuka bahshang.”

MATHI 9:9

Jisu ju chingnü yüde alachoki, apinü ruk-threyam ching Mathi binde ngü. Apinü anihbuh ki tha, “I dunglim yanang.” Tüsho apinü asürübah api dunglim yan.

MARK 10:21

Judüki Jisunü api kheahbah muzho, tüsho tha. “Nü khülangnü maban: Nü limro ching yübah nü lakhi alala yinang tüsho zhochihrü kilim jihang, tüsho yinmi ching nü rahpung labah; tüsho arang, I yanang.”

MARK 2:14

Tüsho api tsahhode alachoki, apinü Alphia tsührü Levi ruk-threyam ching binde ngü, tüsho apinü anihbuh ki tha, “I dunglim yanang.” Tüsho apinü asürübah api dunglim yan.

MARK 8:34

Judüki Jisunü boto le jingyanrübo api kilim jibah tha, “Shepünü I dunglim arüpü künlanü, api küdah thsüde danyukbah nihbuh sangkim shuhang, tüsho I yanang.

LUKNÜ ATHRÜTKHI THIYUSHEAK-ATSÜ HUHTANYU 12:33

Nüsa lakhitbo yinang tüsho zhochihrü kilim jihang. Mümürhütbe shoyukpung, ahührü müthüninpung yungsho tsünsuknü müthsümünimpung, amükheambe yinmi ching rahpung tsanglunga zoang.

LUKNÜ ATHRÜTKHI THIYUSHEAK-ATSÜ HUHTANYU 14:33

Ju kiphahde, shepünü nihbuh lakhi alala mübahyuknü I jingyanrü müthsükhuk.

LUKNÜ ATHRÜTKHI THIYUSHEAK-ATSÜ HUHTANYU 16:9

Inü nüsa ki thachoh, nü thsungkheaknü alomi lakhit ju nü müyamrübo alü thsüpü rhimoang, junangde küyimki ju mülade akambanü, akheam müla lapungbo ching nü beyukbah.

LUKNÜ ATHRÜTKHI THIYUSHEAK-ATSÜ HUHTANYU 18:22

Küyimki Jisunü harü sokhea, apinü anihbuh ki tha, “Nü kheaküshe khülangnü maban. Nü lakhi alala yinang tüsho zhochihrü kilim chama jihang, tüsho yinmi chingnü nü rahpung labah; tüsho arang, I dunglim yanang.”

LUKNÜ ATHRÜTKHI THIYUSHEAK-ATSÜ HUHTANYU 5:27

Ju dunglim apinü wukhiuk, tüsho ruk-threrü, amung Levi de ajikhi ruk-threyam ching binde ngü; tüsho apinü anihbuh ki tha, “I dunglim yanang.”

LUKNÜ ATHRÜTKHI THIYUSHEAK-ATSÜ HUHTANYU 6:40

Jingyanrü khülang ju api thsangyurü kumung yung, tüshe mihbüm abannü küyimki apinü tsüde mükheahkhit-a lubanü anihbuh thsangyurü nangde alabah.

LUKNÜ ATHRÜTKHI THIYUSHEAK-ATSÜ HUHTANYU 9:23

Judüki apinü arü alala ki tha, “Khürünü I dunglim arünesho api küdah thsüde danyukbah nimung aban nihbuh sangkim shuh-a hanang, tüsho I dunglim yanang.

JOHAN 10:27

I yo namfimihnubonü I düsheak anichoh, tüsho inü arü mükheahlah, tüsho arünü I dunglim yanchoh.

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

YUNIRÜBO RHIMO 2:45

tüsho arünü arü lakhitbo le kukrukbo yinbah khürü yihnüpü lakhi yande arü alala kilim chama jih.

IBRI 10:34

Nüsanü aramrü lung thsünürung, tüsho küyimki nüsa kukruk alala yankhia luabahjihkhea, nüsanü asühde adükheakkhi arüm, tümütüsho kheaküshe lünnü tsüpde alabe atsübe lakhi nüsanü mükheah-a lakheah,