MATHI 19:14 - AMÜSÜH HÜM CL Bible (BSI)

¹⁴ Tüshe Jisunü tha, “Azürü aninibo I kilim arüshang, tüsho arü düyanlo; tümüde yinmi kiulongthsü harü yo ah.”

MATHI 19:14 Iomraidhean Croise

THRÜNTAN 21:4

Judüki Thrünpuhnü api ki thiyukhüm jihkhi nangde atsührü Isak nimung tizheah bankhitchoki Abrahamnü tsütabah.

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

MATHI 18:3

tüsho tha, “Atsütsü inü nüsa ki thachoh, nüsa mulong müthribah azürü nunubo nangde mükamsho, küde thsüthsü she nüsanü yinmi kiulongthsü ching müyüzahkhuk.

MATHI 19:15

Apinü akhahnü arü kheak nim tüsho ju chingnü chamachih.

MATHI 5:10

Thiyuro-lungki dünkheaknü thsümüchirübo asühpü, tümüde yinmi kiulongthsü arü yo.

MATHI 5:3

“Me ching zholümde alarübo asühpü, tümüde yinmi kiulongthsü arü yo.

MARK 10:14

Tüshe küyimki Jisunü ju ngükhea, api khide masühde kam tüsho arü ki tha, “Azürü aninibo I kilim arüshang, tüsho arü düyanlo; tümütüsho Thrünpuh kiulongthsü harü yo ah.

MARK 10:15

Atsütsü inü nüsa ki thachoh, shepünü azürü anini nangde Thrünpuh kiulongthsü müleangkhibanü ju ching küyimkishe müyüzah.”

1 KORINT 14:20

Keoniorübo, nüsa lümzülümdo ching azürü düthsü, amütsü ching khungarü thsang, tüshe lümzülümdo ching azorü kamang.

MAHKHAPRÜ 13:7

Tüshe apinü I ki tha, ‘ Kheahang, nü büm makeangde akambah tüsho tsührü khülang labah. Kheakü yukhu yungsho amüshangbe tümü she düyung, yungsho amümüsüh tümü dütsüh, tümüde khungarü ju buk chingnü api she nimung khiungde Thrünpuh kilim Nazirit khülang labah.’ ”

1 SAMUEL 1:11

Alibenü hade thiyuchihchim: “O Wuto Atungpuh, nünü lang nü yamlaberü küpkhukkhi kheahjihde, I lümkhitsho, tüsho nü yamlaberü mümihabahsho, tüshe nü yamlaberü kilim tsührü athrürü jihsho, inü api rhangdung amuyung Atungpuh kilim jihbah tüsho küyimkishe api kuyü mühüt.”

1 SAMUEL 1:22

Tüshe Hanna a muwutu, tümüde anihbenü aniubuh ki tha, “ Khungarü tsühyungmusu akede, inü api bede arübah, junangde api Atungpuh miki labah, tüsho ju kheak lünnü alabah.”

1 SAMUEL 1:24

Küyimki anihbenü api tsühyungshihde akamkhea, anihbe lung api bebah wutu, ju lung kam mahsam bankhi moshipung 1, ayikangkang khahngak 10 tüsho yukhu mide azahkhi shihküp qiuqiu 1. Anihbenü api ju Atungpuh yam lim Shilo ching bebah arü; tüsho khungarü ju ngangade alakheah.

1 SAMUEL 2:18

Azübuh Samuelnü khim zhingzhing yihbah Atungpuh miki tankihde alakheah.