MATHI 18:9 - AMÜSÜH HÜM CL Bible (BSI)

⁹ Tüsho nü müknü nü neak yihbeakshihsho, nü kheaknü ju khünkhita bahang. Mük mahne kihbah thsümüchi motru ching jipyukpü dün a nü thsungkheaknü mük khülang kihbah rhangdung lapung ching yüzahkhi atsübe ah.

MATHI 18:9 Iomraidhean Croise

MATHI 16:26

Mihtsürü khülangnü alomiküp athrünkhi kuka lubah anihbuh me dükheaksho api tümü alü thsüba? Yungsho mihtsürü khülangnü nihbuh me müthri tümü jihba?

MATHI 18:8

“Nü khah yungsho nü jingnü neak yihbeakshihsho, ju lipkhia bahang. Khah mahne tüsho jing mahne kihbah akheam müla motru ching jipyukpü dün a nü thsungkheaknü khah khülang yungsho jing khülang mabande rhangdung lapung ching yüzahkhi atsübe ah.

MATHI 19:17

Jisunü alo, “Tümüde nünü I ki atsü dünkheak keokhicho? Atsü khülang lang lah. Nünü rhangdung lapung ching yüzahnesho, thiyukhümbo zoang.”

MATHI 5:22

Tüshe shepünü nihbuh keoniorü ki bukakhiukbanü mahkhap ching bedarübah. Shepünü nihbuh keoniorü ki makharü de athabanü kiuthsü-binkiu miki bedarübah, tüshe shepünü aduhrü de athabanü thsümüchi motru ching atrebe labah.

MATHI 5:29

Nü mük tsülimnü nü neak yihbeakshihsho, ju khünkhita bahang. Nü pang alala thsümüchipung ching jipyukpü dün a nü jingkhah khürü dükheakkhi atsübe ah.

MARK 9:47

Tüsho nü müknü neak yihbeakshihsho, ju khünkhita bahang. Mük mahne kihbah athsümüchi motru ching jipyukpü dün a, mük khülang kihbah Thrünpuh kiulongthsü ching yüzahkhi atsübe–

YUNIRÜBO RHIMO 14:22

Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

IBRI 4:11

Jumonü isa sheshe ju ruk mihyumanikhinü mülakphahpü thsüde ju sühakhim ching yüzahpü isanü müranganü.

AMIKHEAKAKHIUKKHI 21:27

Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.