MATHI 18:8 - AMÜSÜH HÜM CL Bible (BSI)

⁸ “Nü khah yungsho nü jingnü neak yihbeakshihsho, ju lipkhia bahang. Khah mahne tüsho jing mahne kihbah akheam müla motru ching jipyukpü dün a nü thsungkheaknü khah khülang yungsho jing khülang mabande rhangdung lapung ching yüzahkhi atsübe ah.

MATHI 18:8 Iomraidhean Croise

ISAIA 30:22

Judüki nüsanü shotoyinchinü alüpdokhi sangthsübo tüsho sunanü alüpdokhi sangthsübo müneanbah. Thiyih müneankhi khim nangde nüsanü hiumüzüta bahbah; nüsanü arü ki thabah, “Tsoabahang!”

ISAIA 33:14

Zion ching aneakrübo trede lah; Thrünpuh mümükheahrü ajande lah; “ Isa bolung shepünü aniuabahbe mo ching laba? Isa bolung shepünü akheam müla motru ching laba?”

EZEKIEL 18:31

Nünü alakmihkhi alala chingnü tsokhitang, tüsho mulong aso tüsho me aso ngüang. Tümü thsükhi nü ashepü, O Israel yamkhün?

MATHI 17:27

Tütüshe arü mulong yuribah mütsüle, keto ching yübah keang jipyukang, tüsho akhuh akhiukkhi thüngüh luang. Küyimki amün khimshuhbanü nünü yinchi-sho 1 ngübah; ju luang tüsho ike dün arü kilim jihang.”

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

LUKNÜ ATHRÜTKHI THIYUSHEAK-ATSÜ HUHTANYU 14:33

Ju kiphahde, shepünü nihbuh lakhi alala mübahyuknü I jingyanrü müthsükhuk.

LUKNÜ ATHRÜTKHI THIYUSHEAK-ATSÜ HUHTANYU 16:24

Judüki apinü jide tha, ‘Abuh Abraham, I ki muzhoang, tüsho Lazar thiyibah api yingkhing ke ching athsobah I mulo rüngshang; tümüde I ha motru ching rungsahde lah.’

ROMRÜ KILIM PAULNÜ ATHRÜTKHI KIHÜM HUHTANYU 13:12

azhing tsodo, animung thünina lah. Jumonü isanü azhing rhimobo tukloanü tüsho ayin zülu yihanü;

AMIKHEAKAKHIUKKHI 14:10

api she Thrünpuh mulong zhipzhip pung mikhiukde ayukkhi yukhu yungbah. Api ju amüsüh yunirübo tüsho Namfimihnunu mikinü mo le yinchike bede thsümüchibah.

AMIKHEAKAKHIUKKHI 20:15

khürü mung rhangdung hüm ching thrüta müngüsho, api ju modüjim ching jipyuk.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”