MATHI 18:28 - AMÜSÜH HÜM CL Bible (BSI)

²⁸ “Tüshe yamlabuh junü wukhiuk tüsho api adholi 100 shozüng lakhi rukhüh yamlarü bolung shoru; apinü zünga lubah athrukeang kheak thünitde tha, ‘Nünü I züngkhi shakang!’

MATHI 18:28 Iomraidhean Croise

NEHEMIA 10:31

Mürangkhüh khiungkerünü hi yungsho tümükhüh handarü Amuni yungsho püpü amüsüh nimung isa ki yinsho muthulo. Kam athünepü ching isanü thulu müthsü, shozüng alala mulude abahbah.

NEHEMIA 5:7

Tsüde lümakheahbah inü limberü tüsho atorübo thürühde tha, “Nüsanü nüsa keoniorü sholü tsühchoh!” Jumonü arü azhihde inü boto jimukhung.

MÜCHITMUDU 28:3

Yakzanshuhrü khülang shepünü zhochihrü junochonü hi maningshihde adütsütkhi tsüng nangde lah.

ISAIA 58:3

“Tümü thsükhi isanü khümkeak thsücho, tüshe nünü müngü? Tümü thsükhi isanü azhihayihcho, tüshe nünü mükheahkhit?” Kheahang, nü khümkeak nimung nü künkhi nünü rhimochoh, tüsho nü rhimobo alala junochoh.

EZEKIEL 45:9

Atungpuh Thrünpuhnü ha thachoh: Suhdo, O Israel kiulongthsürübo! Athsümünim tüsho junokhi bahyukang, tüsho tümü thiyuro tüsho alungkianü rhimoang. Nüsanü I mihtsürü yankhitkhi arün thsang, Atungpuh Thrünpuhnü thachoh.

MATHI 18:27

Judüki yamlarü putungrünü muzhode lümbah shozüng bahjih tüsho api dükhe.

MATHI 18:29

Jumonü rukhüh yamlabuhnü ajing ki mükhümbah mushude tha, ‘I ki arümkheamjang tüsho inü nü alala shakbah.’

MATHI 20:2

Küyimki apinü rhimorübo ki nimung mihkhah dün adholi 1 jihpü mulongbanü arübo api yo kurungasolu ching yüshihchoh.

MARK 14:5

Tümütüsho ha shotoyinchi 300 akumung dün yinbah zhochihrü kilim jihpü lado.” Tüsho arünü anihbe thsokihde müneah.

MARK 6:37

Tüsho arünü api ki tha, “Nünü isa yübah shotoyinchi 200 bahde arü kippü yikhap thuloshihpü mulongla de?”

LUKNÜ ATHRÜTKHI THIYUSHEAK-ATSÜ HUHTANYU 10:35

Ashidopü api chamachihchoki, apinü shotoyinchi nak 2 yihkhita hanrü-binpung putungpuh kilim jihde tha, ‘Api kümang, tüsho tümüpürü nünü alü bahbanü I alode arüchoki shaklobah.’

LUKNÜ ATHRÜTKHI THIYUSHEAK-ATSÜ HUHTANYU 7:41

Shonip-jihrü khürü shozüngrü mahne lakheah; khülangnü api ki shotoyinchi 500, tüsho püpürünü 50 züng.

JOHAN 6:7

Philipnü api ki alo, “Shotoyinchi nak 200nü athulokhi yikhapnü arü anini abanpü suhdahbah.”

YUZÜNGTHALO 15:2

Tüsho hanangde thsang: sho nipjihrü abannü nihbuh yamhingrü ki shonip jihkhi bahjang; apinü ayamhingrü yungsho keoniorü kheaknü mükheanglo, tümütüsho Atungpuh zuzu zhiyukjihdo.