MATHI 18:19 - AMÜSÜH HÜM CL Bible (BSI)

¹⁹ “Kheaküshe inü nüsa ki thachoh, arünü tümükhüh keokhikhi dünkheak alomi kheak nüke mahne arihsho, yinmi ching labuh I Buhnü arü thsungkheak rhimojihbah.

MATHI 18:19 Iomraidhean Croise

MATHI 21:22

Tüsho nüsanü tümüpürü tamkhüntamnüde akheangbanü, nüsa akin lasho nüsanü angübah.”

MATHI 5:24

nü thsambah ju kingaün sadam ki zoang, tüsho yübah nü keoniorü ki mungtsübah alode arang tüsho nü thsambah jihang.

MATHI 7:7

“Kheangang, tüsho ju nüsa kilim jihbah; yimang, tüsho nüsanü angübah; damang, tüsho nüsa kilim khimshuhjihbah.

MARK 11:24

Jumonü inü nüsa ki thachoh, tümüpürü nüsanü tamkhüntamnüde akheangbanü nüsanü jurü leangkhipü akin laang, tüsho nüsanü jurü ngübah.

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 15:7

Nüsanü I kheak lasho tüsho I yubo nüsa kheak lasho, nüsanü tümü künlanü akheangbah, tüsho ju nüsa thsungkheak rhimobah.

JOHAN 16:23

Tüsho ju nimung nüsanü I ki tümü mükheang. Atsütsü inü nüsa ki thachoh, nüsanü tümüpürü I mung chingnü I Buh ki kheangbanü apinü nüsa kilim jihbah.

YUNIRÜBO RHIMO 1:14

Arü alala rukhühnü aliberübo le Jisu abe Mari tüsho api keoniorübo lung tamkhüntamnüpü mutukzhakde mukhungde la.

YUNIRÜBO RHIMO 12:5

Junangde Peter ju rihyam ching zo; tüshe borünü api thsungkheak Thrünpuh ki tamkhüntamnüjih.

YUNIRÜBO RHIMO 16:10

Küyimki apinü michih ngükheanü, arü kilim thiyusheakatsü thsangyuthsangrapü Thrünpuhnü ike jikheah de adüngakhibah nahdü lang Macedonia lim yüpü thsakham.

YUNIRÜBO RHIMO 6:4

tüshe isanü tamkhüntamnü tüsho thsangyuthsangrapü khungde arhimobah.”

FILIPI 1:19

Tümüde nüsa tamkhüntamnü tüsho Jisu khrista Me arung hode I adükhebah de inü mükheahlah,

1 JOHAN 3:22

tüsho isanü tümüpürü kheangbanü isanü api kilimnü leangkhichoh, tümütüsho isanü api yuzüngbo zochoh tüsho api asühbe rhimochoh.