MATHI 18:15 - AMÜSÜH HÜM CL Bible (BSI)

¹⁵ “Nü keoniorünü nü azhihde neak yihbeaksho, yüang tüsho nüke dükeak api mülimkhi api ki thaang. Apinü nü yu anisho nünü nü keoniorü khümkhitdo.

MATHI 18:15 Iomraidhean Croise

MUNGSHIKHÜN 141:5

Thiyuro-lungkirünü I shikshang; ha amuzhokhi labah. Tüsho apinü I thürühshang; ha atsüdak müdangke labah; I kunü ju düthsungloshih. Tümüde I tamkhüntamnü ju mihbukmuyuk azhihde judü lang lah.

MÜCHITMUDU 11:30

Thiyuro-lungkirü sangaso ju rhangdung sangdung, tüsho shepü lümlung lanü mebo bedarüchoh.

LEVI 19:17

Nünü nü mulong chingnü keoniorü müthraneanbeah, tüsho nü yamhingrü tsükjide thürühang, jude yungsho api neak nünü ahanbah.

MATHI 18:14

Junangde harü anini bolung khülang she adükheakpü thsüde yinmi ching labuh nüsa Abuhnü mümulong.

MATHI 18:21

Judüki Peter arü tüsho api ki tha, “Atungpuh, I keoniorünü I azhihde neak yihbeaksho inü api neak küdükhüh ki bahjihba? Thüne ki khiungde a shi?”

MATHI 18:35

Junangde nüsanü nüsa mulong chingnü nüsa keoniorü neak mübahjihsho, yinmi ching labuh I Buhnü nüsa mihbüm aban ki rhimobah.”

ROMRÜ KILIM PAULNÜ ATHRÜTKHI KIHÜM HUHTANYU 12:21

Amütsünü dükukshih, tüshe atsünü amütsü kukshang.

1 KORINT 8:12

Hanangde reangmüzahde alachoki, nü keoniorü azhihde neak yihbeakkhi tüsho arü lümkhi yurijihkhi ju, nünü Khrista azhihde neak yihbeakchoh.

2 KORINT 7:12

Jumonü inü nüsa kilim thrüta lalashe, ju amülim rhimobuh yungsho amülim hode thsünübuh dünkheak yung, tüshe nüsanü isa lümrhihkhi ju Thrünpuh miki akhiukpü ah.

GALATIA 6:1

Keoniorübo, mihtsürü khürü neak ramkhitsho, nüsa me-larünü me azhihayih chingnü api beloang. Nüsa she rükaki ching müyüzahpü thsüde kurhangang.

KOLOSI 3:13

khülangnü khülang arümkheamachihde, tüsho khürünü püpürü azhihde atsangpü lasho, neak bahachihang; Atungpuhnü nüsa neak bahjihkhi nangde nüsanü she neak bahjihbeah.

1 TESALONIKA 4:6

junangde mihtsürü shenü she hadürü ching nihbuh keoniorü ki müthsümünim, tüsho amülim müthsü, tümütüsho isanü nüsa ki amüngühnü düh de athakhi nangde harü alala ching Atungpuh ju royimrü lah.

2 TESALONIKA 3:15

Tütüshe api kheak thiriri nangde dükheah, tüshe keoniorü nangde tuthsukang.

TITA 3:10

Achamnak akhiukshih mihtsürü ki mahne ki düh de thaang, tüshe jushu a api kheak tümü düthsü.

1 PETER 3:1

Niuberübo, junangde nüsanü nüsa niubuhrü bukkhüp laang, jude athsükhinü khürünü thiyu mania lalashe, thiyu mübede arü niuberü yakli hode arübo kuka lubah,