MATHI 18:13 - AMÜSÜH HÜM CL Bible (BSI)

¹³ Inü nüsa ki atsütsü thachoh, apinü ju ngüsho müdükheakkhi 99 kheaknü ju namfimihnu kurungkheak alü asühachihchoh.

MATHI 18:13 Iomraidhean Croise

MUNGSHIKHÜN 147:11

Atungpuhnü api trerü, api amüthsüm ching mulonglamrü kheak asühchoh.

ISAIA 53:11

Api thsünükhi chingnü apinü ayin ngübah; api mükheahmudu hode api reangkeam ngübah. Thiyuro-lungki labuh, I yamlarünü ahihdo thiyuro-lungki kamshihbah tüsho apinü arü mülimkhibo hanbah.

ISAIA 62:5

Athrününgtsüng khülangnü anünürü kheak yamkhün kamkhi nangde nü thrünrünü nü ki rhangbah, tüsho yamkhün-kambuhnü yamkhün-kambe kheak asühachihkhi nangde, nü Thrünpuhnü nü kheak asühachihbah.

EZEKIEL 34:4

Nüsanü ayiuhyiuh müdüküngshih, nüsanü tukthsü müthsüngu, nüsanü yurikhi mürümjih, nüsanü amüzütkhi belode marü, nüsanü adükheakkhi müyim, tüshe nüsanü thsokihde tüsho müküpde arü ki yakzan thsüdo.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

ZEPHANIA 3:17

Atungpuh , nü Thrünpuh, nüsa bolung lah, Wuto Khülangnü nü khümkhitbah; apinü nü kurungkheak asühbah, apinü api muzho ching nü aso kamshihbah; apinü nü kurungkheak asühde khün thsübah,

MATHI 18:12

Nüsanü tümü lümcho? Mihtsürü khülang namfimihnu 100 labah arü bolung 1 dükheaksho, apinü 99 ju zojihbah adükheakkhi 1 yimde müzüngbo lim müyücho de?

MATHI 18:14

Junangde harü anini bolung khülang she adükheakpü thsüde yinmi ching labuh nüsa Abuhnü mümulong.

1 KORINT 13:6

amuzho ju amütsü ching asühkhi yung, tüshe thiyuro ching asühkhi lah.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.