MATHI 18:10 - AMÜSÜH HÜM CL Bible (BSI)

¹⁰ “Harü anini bolung khülang she mükhemükim müthsüpü kümkangang, tümüde inü nüsa ki thachoh, yinmi ching arü yunirübonü yinmi ching labuh I Buh miro kamruhroro kheahde lah.

MATHI 18:10 Iomraidhean Croise

2 SAMUEL 14:28

Jumonü Absalomnü kiulongthsüpuh miki müyüzahde kam mahne bankhitde Jirusalem ching la.

1 KIULONG THSÜRÜ 22:19

Judüki Mikaianü tha, “Jumonü Atungpuh yu aniang: Inü Atungpuh api kiulongthsü-binkiu kheak, tsülim tüsho huzulim yinmi aputungrü alala zhipbah abinkhi ngü.

ESTER 1:14

Arürübo ju, Karshena, Shethar, Admatha, Tarshish, Meres, Marsena tüsho Memukan– harü ha Persia le Midia kiulongthsü ching atorübo ah.

MUNGSHIKHÜN 15:4

shepü mük ki amütsü mihtsürü mükhemükimcho, tüsho apinü Atungpuh trerü wüntrecho; shepünü nihbuh yuride thiyuchihchimcho tüsho mümüthricho;

MUNGSHIKHÜN 17:15

I thsungkheak a, inü nü miro thiyuro-lungki ching ngübah; küyimki I asürübanü nü jak ngükhi hode I reangkeambah.

MUNGSHIKHÜN 34:7

Atungpuh wüntrerü api yunirünü aheangchoh tüsho arü bekhitchoh.

MUNGSHIKHÜN 91:11

Tümüde apinü api yunirü nü limro alala aheangshihpü nü kurungkheak zojihbah;

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

ZEKARIA 4:10

Tümüde sherünü anükhüh lang arhimokhi nimung mükhemükimkheanü asühachihbah, tüsho Zerubbabel khah ching akeara-liu ngübah. “Harü thüne ha alomi athrünkhi ngükhi Atungpuh mükbo lah.”

MATHI 1:20

Tüshe api harü lümde alachoki, Atungpuh yunirü khülang milim ching api ki akhiukbah tha, “David tsührü Josep, nü niube thsüpü Mari lupü dütre, tümüde Amüsüh Me hode alibe mübünkeangde lah.

MATHI 12:20

Thiyuro akuk müngüyi khiungde, apinü ayihrüpkhi khiukto mükhikshak, tüsho trude alakhi tsünpung müyihmüt;

MATHI 18:14

Junangde harü anini bolung khülang she adükheakpü thsüde yinmi ching labuh nüsa Abuhnü mümulong.

MATHI 18:6

“Tüshe shepünü I kheak kinrü harü azürü nunu bolung khülang neak yihbeakshihbanü, api hung ching hizübe-lung khülang chingkihbah keto asük ching yüzahkhi atsübe labah.

MATHI 2:13

Küyimki arü chamachihkhea, Atungpuh yunirü khülang milim ching Josep ki akhiukbah tha, “Asürang, azürü le abe büne bebah Ijip lim tsoang. Inü nü ki müthayi khiungde ju ching laang, tümüde Herodnü azübuh laksahpü yimbah.”

MATHI 2:19

Tüshe küyimki Herod sheabahkhea, Ijip ching Atungpuh yunirü milim ching Josep ki akhiuk

MATHI 24:31

Apinü api yunirübo hulipungpung düsheak atonü mütde ayüshihbah, tüsho arünü api yo amokhitrübo alomi akheamnü khülim khiungde thrip phüyi chingnü abemukhungbah.

LUKNÜ ATHRÜTKHI THIYUSHEAK-ATSÜ HUHTANYU 1:19

Tüsho yunirünü api ki alojihde tha, “l Gabriel, Thrünpuh miki zhipbuh, tüsho ha thiyusheak atsü hanbah thiyia arüshihkhi ah.

LUKNÜ ATHRÜTKHI THIYUSHEAK-ATSÜ HUHTANYU 10:16

“Shepünü nüsa ki anibanü I ki anichoh, shepünü nüsa bahyukbanü I bahyukchoh, tüsho shepünü I bahyukbanü I thiyibuh bahyukchoh.”

LUKNÜ ATHRÜTKHI THIYUSHEAK-ATSÜ HUHTANYU 16:22

Kheangtsührü ju sheabah tüsho yunirübonü Abraham khüh ching bede yü. Alarü mihtsürü ju she shea kiuyukabah.

YUNIRÜBO RHIMO 10:3

Anirelim 3 king ngüm Thrünpuh yunirü arübah api ki thakhi michih ching mütsande ngü, “Kornelia”.

YUNIRÜBO RHIMO 12:15

Arünü alibe ki tha, “Nü bünchoh.” Tüshe jude ah de alibenü ningkihde tha. Arünü tha, “Ju api yo yunirü ah!”

YUNIRÜBO RHIMO 12:23

Zukleangnü Atungpuh yunirünü api shik, tümütüsho apinü Thrünpuh müremütah; api ju musonü ru tüsho sheabah.

YUNIRÜBO RHIMO 27:23

Tümütüsho shepü yo I la tüsho inü tankihkhi Thrünpuh yunirü yishih I ki zhip,

YUNIRÜBO RHIMO 5:19

Tüshe azhing ching Atungpuh yunirünü rihyam khimdopübo yeahshungbah arü bekhit tüsho tha,

ROMRÜ KILIM PAULNÜ ATHRÜTKHI KIHÜM HUHTANYU 14:10

Tümüde nünü nü keoniorü thiyukhapcho le? Yungsho tümüde nünü nü keoniorü khenocho le? Tümütüsho isa alala Thrünpuh thiyukhappung miki zhipbah;

ROMRÜ KILIM PAULNÜ ATHRÜTKHI KIHÜM HUHTANYU 14:21

nü keoniorü jingmükhepü thsüde shih tsühpü, yukhu yungpü yungsho, tümükhüh rhimopü dükdü yung.

ROMRÜ KILIM PAULNÜ ATHRÜTKHI KIHÜM HUHTANYU 15:1

Isa reangzahde alarünü reangmüzahrü akuk müngükhi ching arümkheambeah, tüsho isa asühpü thsungkheak yung.

1 KORINT 11:22

Nüsa tsühyungpü thsüde thüyam müla de? Yungsho nüsanü Thrünpuh borü mükhemükimcho de tüsho tümü mülarü junocho de? Inü nüsa ki tümü thaba? Inü ha thsungkheak nüsa shijihba shi? Yung, inü jude müthsü.

1 KORINT 16:11

Shenü she api mükhemükim düthsü. Api I kilim alode arüpü thsüde mungtsü chingnü alimro ching yüshang. Keoniorübo lungnü arüpü inü mükkin thsülah.

1 KORINT 9:22

Reangmüzahrü ki arü bedarüpü I reangmüzahde kam. Inü khürü khümkhitpü thsüde mihtsürü alala ki I ju ruk kam.

2 KORINT 10:1

I Paulnü, Khrista amuzho tüsho azhihayih hode nüsa ki mushuchoh–nüsa ki a I azhihayihdo, tüshe nüsa kheaknü atrütsho müküplah!

2 KORINT 10:10

Tümüde khürünü thachoh, “Api kihümbo mülanglah tüsho müküplah, tüshe api lachokia thünaklah, tüsho api yu thakhi tümü she yung.”

GALATIA 6:1

Keoniorübo, mihtsürü khürü neak ramkhitsho, nüsa me-larünü me azhihayih chingnü api beloang. Nüsa she rükaki ching müyüzahpü thsüde kurhangang.

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.

1 TIMOTHI 4:12

Nü athunuchoki shenü she mükhemükim düthsüshih, tüshe akinrübo ki thiyu thakhi, rhimokhi, amuzho, akin tüsho atsangkhitkhi ching amütsan laang.

IBRI 1:14

Arü alala ju akhümkhit yamrüplurüp lurü tankihrü thsüde tankihpü mebo thiyikhi yung de?

IBRI 9:24

Tümüde Khrista ju atsütsübe kheahkhikhi, khahnü athsükhi arüngakopung ching yungde, kheakü isa thsung thsüde Thrünpuh miki yüpü yinmi ching yüzahkheah.

AMIKHEAKAKHIUKKHI 8:2

Judüki yunirü thüne Thrünpuh miki zhipde inü ngü, tüsho arü kilim hulipungpung thüne jih.