MATHI 17:7 - AMÜSÜH HÜM CL Bible (BSI)

⁷ Tüshe Jisunü arübah arü qiude tha, “Asürang, tüsho dütre.”

MATHI 17:7 Iomraidhean Croise

DANIEL 10:10

Tüshe khah khülangnü I qiu tüsho I khah le mukhukbo ajande wusushih.

DANIEL 10:18

Kheaküshe mihtsürü kiphahkhi khülangnü I qiu tüsho I reangzahde kamshih.

DANIEL 8:18

Apinü I ki asukde lachoki, I miro alo lim abinbah yapshea lakheah; jushu apinü I qiu tüsho I langde zhipshih.

DANIEL 9:21

I tamkhüntamnüde alachoki, akhuh ngükhi michih ching inü angübuh mihtsürü Gabriel arelim kingaünkhi kim ching I ki phinde aki.

MATHI 14:27

Tüshe Jisunü nahde arü ki tha, “Mulong toang! Ha I ah. Dütre.”

MATHI 17:6

Küyimki jingyanrübonü ha sokhea, arünü trede arü miro alo lim mükhüm.

MATHI 17:8

Tüsho küyimki arünü abinkih-a kheahkheanü she müngü tüshe Jisu lang alakheah.

LUKNÜ ATHRÜTKHI THIYUSHEAK-ATSÜ HUHTANYU 24:5

Judüki arünü trede arü miro alo lim mükhümchoki, anenü arü ki tha, “Tümüde nüsanü asherü bolung arhang larü yimcho?

YUNIRÜBO RHIMO 9:6

tüshe asürang tüsho kiuto ching yüzahang, tüsho tümü rhimobeanü nü ki thabah.”

AMIKHEAKAKHIUKKHI 1:17

Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam,