MATHI 17:20 - AMÜSÜH HÜM CL Bible (BSI)

²⁰ Jisunü alo, “Tümütüsho nüsanü mükinmonü ah. Inü nüsa ki thiyuro thachoh, nüsa akin woninji dükhüh lasho, nüsanü ha müzüng ki thabah, ‘Ha kheaknü ju ching akhinang,’ tüsho ju akhinbah; tüsho nüsa thsungkheaknü tümü she amukukkhi mülade alabah.

MATHI 17:20 Iomraidhean Croise

MATHI 13:31

Apinü arü ki shihdanglimyu püpü tha: “Yinmi kiulongthsü ju mihtsürü khülangnü api lu ching woninji hiukhi kiphahlah,

MATHI 14:29

Jumonü apinü tha, “Arang.” Tüsho küyimki Peter ju sangkung chingnü akikhea, apinü kemi kheaknü tsahde Jisu kilim yü.

MATHI 17:17

Jisunü alo, “O akin mülakhi tüsho lakshi lün, külokhüh I nüsa lung laba? Tüsho inü nüsa lung külokhüh arümkheamba? Api I kilim ha ching bede arang.”

MATHI 17:19

Judüki jingyanrübonü Jisu kilim mükhingde arübah tha, “Tümü thsükhi isanü api müyankhitkhukkhea?”

MATHI 17:9

Arü awung chingnü akibah, Jisunü arü ki thiyukhüm jihde tha, “Mihtsürü Tsührü ashe chingnü masürüyikia she ki she ha michih dütha.”

MATHI 21:21

Tüsho Jisunü arü ki alo, “Atsütsü inü nüsa ki thachoh, nüsa akin lasho tüsho mudukiuhlosho, khubasodung kheak rhimokhi lang nüsanü mürhimo tüshe ‘Ha shuh-a keto ching jipa bahang’ de ha müzüng ki thasho, ju arhimobah.

MATHI 8:26

Tüshe apinü arü ki tha, “O nüsa akin anikhüh larübo, nüsa tümü thsükhi trecho? Judüki apinü wusubah apungbo le keto thürüh tüsho akhimahekhi ato kamabah.”

MARK 11:22

Jumonü Jisunü arü ki alo, “Thrünpuh kheak akin laang.

MARK 11:23

Atsütsü inü nüsa ki thachoh, shepünü ha müzüng ki, ‘Shuhakhinang tüsho keto ching jipyukang’ de thacho, tüsho api mulong ching müdukiuhlode apinü tümü thachonü adünjipü kinsho, api thsungkheak ju rhimobah.

MARK 4:31

Ha nünü müjih aninibe alo ching hiukhi woninji khülang kiphahlah;

MARK 9:23

Jisunü api ki tha, “Nünü kinsho! Shepünü kinchonü api thsungkheak alala akukpü lah.”

LUKNÜ ATHRÜTKHI THIYUSHEAK-ATSÜ HUHTANYU 1:37

Tümüde Thrünpuh kilim tümü amukukpü müla.”

LUKNÜ ATHRÜTKHI THIYUSHEAK-ATSÜ HUHTANYU 17:6

Atungpuhnü tha, “Nüsa akin woninji dükhüh lasho, nüsanü ha ayihkoso dung ki thabah, ‘Ayingnü rukkhitang tüsho keto ching khimang,’ tüsho junü nüsa ki mihyuanibah.

LUKNÜ ATHRÜTKHI THIYUSHEAK-ATSÜ HUHTANYU 18:27

Tüshe apinü tha, “Mihtsürübo kilim küpü amukukbe lanü Thrünpuh kilim akukbe lah.”

JOHAN 11:40

Jisunü alibe ki tha, “Nünü kinsho Thrünpuh müretahkhi ngübah de inü nü ki mütha de?”

1 KORINT 12:9

püpü kilim ju Me rukhühnü akin, püpü kilim Me khülang tüsho rukhühnü athsüngupü thsambah,

1 KORINT 13:2

Tüsho müchitpü wubo, aramyu alala anikhitpü tüsho mükheahmudu alala lalashe tüsho awungbo lah-a bahpü I akin alala lalashe, amuzho mülasho I tümü müla.

IBRI 3:19

Jumonü mükinkhi hode arünü ayüzahpü mukukkheah de isanü ngüchoh.