MATHI 17:12 - AMÜSÜH HÜM CL Bible (BSI)

¹² Tüshe inü nüsa ki thachoh, Elija arüabahdo, tüsho arünü api mükheahkhit, tüshe arü künkhi api kheak rhimodo. Junangde Mihtsürü Tsührü arü khah ching thsünübah.”

MATHI 17:12 Iomraidhean Croise

MATHI 11:2

Küyimki Johannü Khrista rhimobo dünkheak rihyam chingnü asokhea, apinü anihbuh jingyanrü khürü yüshih,

MATHI 16:21

Ju kim chingnü Jisunü api jingyanrübo ki api Jirusalem ching yübah tüsho azothsürübo, amükeam putungrübo tüsho yakzan thsangyurü khah ching hihde athsünübah tüsho api alaksahbah tüsho mahsam nipü arhang kamlobah de ahuhpü tankih.

MATHI 17:11

Judüki Jisunü arü ki alo, “Dükde Elija akhuhde arübah tüsho alala tsanglungbah.

MATHI 17:13

Judüki apinü Johan Baptijihbuh dünkheak arü ki thachoh de jingyanrübonü anikhit.

MATHI 17:22

Küyimki jingyanrübo alala Galilee ching rukhüh arükhea, apinü arü ki tha, “Mihtsürü Tsührü ju mihtsürübo khah ching thsungyukjihpü lah.

MATHI 17:9

Arü awung chingnü akibah, Jisunü arü ki thiyukhüm jihde tha, “Mihtsürü Tsührü ashe chingnü masürüyikia she ki she ha michih dütha.”

MATHI 21:32

Tümüde thiyuro-lungki limro ching Johan nüsa kilim arü, tüsho nüsanü api kheak akin müla, tüshe ruk-threrübo tüsho müzammüramrübonü api kheak akin la; tüsho nüsanü ha ngü dunglim she nüsa mulong mümüthri tüsho api kheak mükin.

MATHI 8:20

Tüsho Jisunü api ki alo, “Rimrebo lungkhünbo lah, tüsho wuhnubo asapbo lah, tüshe Mihtsürü Tsührü a ku alampung müla.”

LUKNÜ ATHRÜTKHI THIYUSHEAK-ATSÜ HUHTANYU 7:33

Tümüde Johan Baptijihbuhnü yikhap mütsühde tüsho yukhu muyungde arü, tüsho nüsanü thachoh, ‘Api amünean me lah.’

JOHAN 1:11

Api nihbuh lomi lim arü, tüshe nihbuh mihtsürünü api müleangkhi.

YUNIRÜBO RHIMO 2:23

Thrünpuhnü ha mihtsürü ju lümkhi lade tüsho mükheahjungde nüsa kilim jih; tüsho nüsanü mihbukmuyuk arung hode api sangkim kheak yümkihde sheshih.

YUNIRÜBO RHIMO 4:10

nüsa alala tüsho Israel mihtsürü alalanü, nüsanü yümkihbah Thrünpuhnü ashe chingnü arhang kamloshihkhi Nazarethrü Jisu Khrista mung chingnü ha mihtsürü tsüde zhiplah de mükheahang.

YUNIRÜBO RHIMO 7:52

Nüsa jipürübonü müthsümüchikhi wukihrübo sherü a? Arünü thiyuro-lungki Khülang arüpü zhiyukbuh she laksah. Tüsho kheakü nüsanü api mülapyukde laksah–