MATHI 16:28 - AMÜSÜH HÜM CL Bible (BSI)

²⁸ Tsükjide inü nüsa ki thachoh, Mihtsürü Tsührü api kiulongthsü ching marüyi khiungde ha ching zhiprü khürü a müshede alabah.”

MATHI 16:28 Iomraidhean Croise

MATHI 10:23

Küyimki nüsa kiuto khülang ching thsümüchibanü, püpü khülang ching akhinang. Mihtsürü Tsührü marüchoki Israel kiuto alala ching nüsa rhimo mübande alabah.

MATHI 16:13

Küyimki Jisu ju Kaesarea Filipi lomi ching arükhea, apinü ajingyanrübo ki keokhi, “Mihtsürübonü Mihtsürü Tsührü ju shepü ah de thacho?”

MATHI 24:3

Kheakü api Oliv Müzüngbo kheak binde alachoki jingyanrübonü api kilim mükhingde arübah tha, “Harü küyimki dünjibanü isa ki thaang? Tüsho nü arükhi le lün akheam amütsan tümü laba?”

MATHI 24:34

Atsütsü inü nüsa ki thachoh, harü alala müdünjiyikia ha lün hode mutso.

MATHI 24:42

Jumonü kurhangde lang, tümütüsho nüsa Atungpuh arüpü kim nüsanü mümükheah.

MATHI 26:64

Jisunü api ki alo, “Nünü thado. Tüshe inü nüsa ki thachoh, ha dunglim Mihtsürü Tsührü ju Wuto khah tsülim binbah yinmi amo ching arükhi nüsanü angübah.”

MATHI 8:20

Tüsho Jisunü api ki alo, “Rimrebo lungkhünbo lah, tüsho wuhnubo asapbo lah, tüshe Mihtsürü Tsührü a ku alampung müla.”

MARK 13:26

Judüki Mihtsürü Tsührü wu tüsho müretah ato lade amo ching arükhi arünü angübah.

MARK 8:38

Tümütüsho shepünü ha yüliyüra tüsho neak lakhi lün ching I tüsho I yubo dünkheak achihbanü, amüsüh yunirübo bede Abuh müretahkhi ching api arüchoki Mihtsürü Tsührünü anihbuh dünkheak achihbah.”

MARK 9:1

Tüsho apinü arü ki tha, “Atsütsü inü nüsa ki thachoh, nüsa ha ching zhiprü khürü a wu chingnü Thrünpuh kiulongthsü arükhi müngüyikia müshede alabah.”

LUKNÜ ATHRÜTKHI THIYUSHEAK-ATSÜ HUHTANYU 18:8

Apinü arü ki niokheamde mahkhapjihbah de inü nüsa ki thachoh. Judüalalashe, küyimki Mihtsürü Tsührü arübanü apinü tsükjide alomi kheak akin lakhi ngüba de?”

LUKNÜ ATHRÜTKHI THIYUSHEAK-ATSÜ HUHTANYU 2:26

Junangde apinü Atungpuhnü alokhikhi Messia arükhi müngüyikia ashepü müngü de Amüsüh Menü api ki akhiuka huh.

LUKNÜ ATHRÜTKHI THIYUSHEAK-ATSÜ HUHTANYU 9:27

Tüshe inü nüsa ki atsütsünü thaanü, ha ching zhipde alarü khürü a arünü Thrünpuh kiulongthsü müngüyi khiungde müshede alabah.”

JOHAN 21:22

Jisunü api ki tha, “I arüpü khiungde inü api alashihpü mulongsho, nü tümü la? Nünü I yanang.”

JOHAN 8:51

Atsütsü inü nüsa ki thachoh, khürünü I yu anisho apinü küyimkishe ashepü müngü.”

JOHAN 8:52

Judüki Jihudarünü api ki tha, “Kheakü nü amünean me lah de isanü mükheahlah! Abraham tüsho wukihrübo shedo; tüsho nünü thachoh, ‘Khürünü I yu anisho apinü küyimkishe ashepü müngü.’

YUNIRÜBO RHIMO 1:11

tüsho tha, “Galilee mihtsürübo, tümüde nüsanü thüning lim kheahde zhipla? Shepü nüsa mikinü thüning lim bekihkheanü, nüsanü Jisu yinmi ching yüde angükhi nangde, api junangde arübah.”

1 KORINT 15:23

Tüshe mihbüm aban nihbuh kim ching arhang kamloshih: alala kheaknü akhuh Khrista; jushu api arüchoki api yo thsürü labah.

1 TESALONIKA 1:10

tüsho apinü ashe chingnü arhang kamloshihkhi, bukakhiuk arüpü chingnü isa bekhitpü lakhi Jisu, api tsührü yinmi chingnü arükhi aleangpü arü küdahnü isa ki thiyusheak jihchoh.

IBRI 2:9

Tüshe Thrünpuh amüthsüm hode alala thsung thsüde ashepü Jisu ju anükhühkheak yunirübo kheaknü abobe kamkhi, kheakü api thsünüde ashekhi hode müretah tüsho wüntre thranjihkhi isanü ngüchoh.

JAKOB 5:7

Jumonü keoniorübo, Atungpuh arüpü nimung khiungde arümkheamang. Kheahang, thulu-thsürünü alonü hi atsü akhiukshihpü mumükin tüsho mükheankim tsüng arümkheamde aleangchoh.

2 PETER 1:16

Isanü nüsa ki wu tüsho isa Atungpuh Jisu Khrista arüpü dünkheak thachoki thiyukheanbo kheak mangükih, tüshe api wüntremüretah isa müknü angükhi lah.

1 JOHAN 2:28

Tüsho kheakü azürübo, api kheak laang, junangde api amikheak akhiukchoki isa mulongram labah tüsho api arüchoki api miki achih müngü.