MATHI 16:27 - AMÜSÜH HÜM CL Bible (BSI)

²⁷ Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

MATHI 16:27 Iomraidhean Croise

JOB HU H T ANYU 34:11

Tümüde apinü mihtsürü kuhi api rhimobo yande jihlochoh, tüsho api limrobo yande apinü api thsambah khülang ngüshihchoh.

MUNGSHIKHÜN 62:12

O Atungpuh , mihmüthsüm she nü yo; tümüde nünü mihbüm aban nihbuh rhimo yande thsambah jihchoh.

MÜCHITMUDU 24:12

“Tsükjide isanü ha mümükheah,” de nüsanü thasho, shepünü mulongbo adünchonü lümamükheahba de? Shepünü nü me aheangchonü ju mümükheah de? Mihtsürü aban nihbuh rhimo ayannü apinü mathrihloba de?

T H S AN GYU T H S AN GR ARÜ 3:17

Inü lüm, Thrünpuh nü thiyuro tüsho mihbukmuyuk mahkhapbah, tümüde yihnüpü lüpdükhi tüsho rhimo lüpdükhi thsungkheak apinü kim khülang akhukhita lah.

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

JEREMIA 32:19

lümthiyan ching ato tüsho rhimo ching wuto; tümüde arü limro alala tüsho arü rhimokhi sangaso yande thsambah jihpü mihtsürü limro alala lim nü mükbo khimshuhlah.

EZEKIEL 18:20

Neak yihbeakrü me ju ashebah. Tsührünü abuh amülim mühanrung, yungsho abuhnü tsührü amülim mühanrung. Thiyuro-lungkirü thiyuro-lungkikhi ju api kilim yukajakjihbah, tüsho mihbukmuyukrü mihbukmuyukkhi ju api yo thsübah.

EZEKIEL 7:27

Kiulongthsüpuhnü mitripbah, yakzanshuhrünü lümlung dükheakde khim phuyubah, tüsho lomi mihtsürü khahbo ajanbah. Inü arü rhimorhiyi yande tsangshubah, tüsho arü nihbuh lalimlako yande mahkhapbah. Judüki I Atungpuh de arünü mükheahbah.

DANIEL 7:10

Mo ayung khülang bukde la tüsho api kinü bukkhit. Chithürü kheak chithürübonü api tankih, tüsho chithürü thürü kinü chithürü thürü api ki zhip. Mahkhappü kim tankih, tüsho hümbo khimshuh-a lakheah.

ZEKARIA 14:5

Tüsho nüsanü Atungpuh müzüng jindükhün hode atsobah, tümüde müzüngbo dükeak jindükhün ju Azal khiungbah; tüsho nüsanü Juda kiulongthsüpuh nimungbo ching muliuyuk chingnü atsokhi nangde atsobah. Judüki Atungpuh I Thrünpuh lung amüsührü alala bebah arübah.

MATHI 13:41

Mihtsürü Tsührünü api yunirübo thiyibah, tüsho arünü api kiulongthsü chingnü neak yihbeakshihrü tüsho amütsü rhimorü alala bemukhungbah,

MATHI 13:49

Lün akheam ching junangde alabah. Yunirübo arübah thiyuro chingnü mihbukmuyuk büthsübah,

MATHI 24:30

Judüki Mihtsürü Tsührü amütsan thüning ching akhiukbah, tüsho alomi trük alalanü atripbah, tüsho arünü Mihtsürü Tsührü thüning kheak amo ching wu tüsho müretah ato ching arükhi ngübah.

MATHI 25:31

“Küyimki Mihtsürü Tsührü, api lung amüsüh yunirübo alala bebah müretahkhi ching arübanü, nihbuh müretah kiulongthsü-binkiu kheak api binbah.

MATHI 26:64

Jisunü api ki alo, “Nünü thado. Tüshe inü nüsa ki thachoh, ha dunglim Mihtsürü Tsührü ju Wuto khah tsülim binbah yinmi amo ching arükhi nüsanü angübah.”

MATHI 8:20

Tüsho Jisunü api ki alo, “Rimrebo lungkhünbo lah, tüsho wuhnubo asapbo lah, tüshe Mihtsürü Tsührü a ku alampung müla.”

MARK 14:62

Tüsho Jisunü alo, “I ah. Tüsho nünü Mihtsürü Tsührü Wuto khah tsülim binde tüsho thüning kheak amo ching arükhi ngübah.”

MARK 8:38

Tümütüsho shepünü ha yüliyüra tüsho neak lakhi lün ching I tüsho I yubo dünkheak achihbanü, amüsüh yunirübo bede Abuh müretahkhi ching api arüchoki Mihtsürü Tsührünü anihbuh dünkheak achihbah.”

LUKNÜ ATHRÜTKHI THIYUSHEAK-ATSÜ HUHTANYU 21:27

Judüki arünü Mihtsürü Tsührü wu tüsho müretah ato lade amo ching arükhi ngübah.

LUKNÜ ATHRÜTKHI THIYUSHEAK-ATSÜ HUHTANYU 22:69

Ha dunglim Mihtsürü Tsührü ju Thrünpuh wu khah tsülim binbah.”

LUKNÜ ATHRÜTKHI THIYUSHEAK-ATSÜ HUHTANYU 9:26

Tümüde shepünü I dünkheak achihchonü, Abuh, amüsüh yunirübo tüsho api müretahkhi ching arüchoki Mihtsürü Tsührünü api dünkheak achihbah.

JOHAN 21:22

Jisunü api ki tha, “I arüpü khiungde inü api alashihpü mulongsho, nü tümü la? Nünü I yanang.”

JOHAN 21:23

Judüki ha jingyanrü müshe de alabah de ha thakhi keoniorü bolung bude yü. Tütüshe Jisunü a api müshe de mütha tüshe hade tha, “I arüpü khiungde inü api alashihpü mulungsho, nü tümü la”?

YUNIRÜBO RHIMO 1:11

tüsho tha, “Galilee mihtsürübo, tümüde nüsanü thüning lim kheahde zhipla? Shepü nüsa mikinü thüning lim bekihkheanü, nüsanü Jisu yinmi ching yüde angükhi nangde, api junangde arübah.”

ROMRÜ KILIM PAULNÜ ATHRÜTKHI KIHÜM HUHTANYU 14:12

Jumonü isa abannü nihbuh dünkheak Thrünpuh kilim jihbah.

ROMRÜ KILIM PAULNÜ ATHRÜTKHI KIHÜM HUHTANYU 2:6

Tümüde mihtsürü aban apinü arhimokhi yande Thrünpuhnü thsambah jihbah.

1 KORINT 15:23

Tüshe mihbüm aban nihbuh kim ching arhang kamloshih: alala kheaknü akhuh Khrista; jushu api arüchoki api yo thsürü labah.

1 KORINT 3:13

mihtsürü aban rhimo amikheak akhiukbah; nimungnü ju lahkhita huhbah, tümütüsho ju monü akhiuka huhbah, tüsho rhimokhi aban küdürüanü monü thsahakheahbah.

1 KORINT 8:8

Tsühyungbenü isa Thrünpuh thüninde müyüshihchoh; isanü mütsühtsüh she isa amütsübe yung, tüsho isanü tsühtsüh she atsübe tümü müla.

2 KORINT 5:10

Tümüde isa alala Khrista thiyukhap binkiu miki labah, junangde mihbüm abannü pang ching rhimokhi ayannü atsü yungsho amütsü leangkhibah.

EFISIA 6:8

tümütüsho azhorü yungsho zuzu larü thsüthsü, sherünü tümüpürü atsü rhimobanü, apinü ju nangde Atungpuh kilimnü aleangkhibah de nüsanü mükheahlah.

KOLOSI 3:25

Tümüde amülim rhimorü ki, apinü amülim rhimokhi dün jihlobah, tüsho jakkheahkhi müla.

1 TESALONIKA 1:10

tüsho apinü ashe chingnü arhang kamloshihkhi, bukakhiuk arüpü chingnü isa bekhitpü lakhi Jisu, api tsührü yinmi chingnü arükhi aleangpü arü küdahnü isa ki thiyusheak jihchoh.

1 TESALONIKA 4:16

Tümütüsho Atungpuh ju thiyukhüm jihkhi zhide, yunirü-atobuh düsheak thsüde, tüsho Thrünpuh yo hulipungpung mütde yinmi chingnü akibah. Tüsho Khrista ching shea larü akhuhde asürübah;

JAKOB 5:7

Jumonü keoniorübo, Atungpuh arüpü nimung khiungde arümkheamang. Kheahang, thulu-thsürünü alonü hi atsü akhiukshihpü mumükin tüsho mükheankim tsüng arümkheamde aleangchoh.

1 PETER 1:17

Jakmükheahde mihtsürü aban rhimo mahkhapbuh Abuh ki nüsanü jicho le, wüntre jihde ha ching mihsobo nangde nüsa rhangdungbo laang.

1 JOHAN 2:28

Tüsho kheakü azürübo, api kheak laang, junangde api amikheak akhiukchoki isa mulongram labah tüsho api arüchoki api miki achih müngü.

JUDNÜ ATHRÜTKHI KIHÜM HUHTANYU 1:14

Adam kheaknü lün thünepü Enoknü harü dünkheak müchitde tha, “Kheahang, Atungpuh api amüsüh yunirü chithürübo bebah arü,

AMIKHEAKAKHIUKKHI 1:7

Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.

AMIKHEAKAKHIUKKHI 20:12

Tüsho inü asherü, ato tüsho anini, kiulongthsü-binkiu miki zhipde ngü, tüsho hümbo khimshuh-a lakheah. Hüm püpü, rhangdung hüm she khimshuh-a lakheah. Tüsho arünü arhimokhi yande hüm ching thrüta lakhinü asherübo mahkhap.