MATHI 16:25 - AMÜSÜH HÜM CL Bible (BSI)

²⁵ Tümüde shepünü nihbuh rhangdung khümkhitnebanü ju adükheakbah, tüsho shepü I dünkheaknü nihbuh rhangdung dükheakbanü ju angübah.

MATHI 16:25 Iomraidhean Croise

ESTER 4:14

Nünü hadürü kim ching sheak makhiukde binsho, yinmi limnü Jihudarü kilim arung arübah, tüsho arü khümkhitbah tüshe nü a ashebah tüsho nü buh yamkhün adükheakbah. Shenü mükheahla, hadürü kim khülang thsungkheaknü nü kiulongthsüberü kamshihkhi she alapü kuklah.”

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

T H S AN GYU T H S AN GR ARÜ 3:6

ayimpü kim khülang, tüsho adükheakpü kim khülang; azopü kim khülang, tüsho jipa bahpü kim khülang;

MATHI 10:39

Shepü nihbuh rhangdung ngüchonü ju adükheakbah, tüsho shepünü I dünkheaknü api rhangdung dükheakchonü ju angübah.

MATHI 16:26

Mihtsürü khülangnü alomiküp athrünkhi kuka lubah anihbuh me dükheaksho api tümü alü thsüba? Yungsho mihtsürü khülangnü nihbuh me müthri tümü jihba?

MARK 8:35

Tümüde shepünü nihbuh rhangdung khümkhitpü künbanü ju adükheakbah, tüshe shepünü I tüsho thiyusheak-atsü dünkheak nihbuh rhangdung dükheakchonü akhümkhitbah.

LUKNÜ ATHRÜTKHI THIYUSHEAK-ATSÜ HUHTANYU 17:33

Shepünü nihbuh rhangdung khümkhitpü yimchonü adükheakbah, tüsho shepünü nihbuh rhangdung dükheakchonü akhümkhitbah,

JOHAN 12:25

Shepünü nihbuh rhangdung muzhochonü ju adükheakbah, tüsho shepünü ha lomi ching nihbuh rhangdung thraneanchonü ju lün rhangdung thsungkheak labah.

AMIKHEAKAKHIUKKHI 12:11

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.