MATHI 16:21 - AMÜSÜH HÜM CL Bible (BSI)

²¹ Ju kim chingnü Jisunü api jingyanrübo ki api Jirusalem ching yübah tüsho azothsürübo, amükeam putungrübo tüsho yakzan thsangyurü khah ching hihde athsünübah tüsho api alaksahbah tüsho mahsam nipü arhang kamlobah de ahuhpü tankih.

MATHI 16:21 Iomraidhean Croise

NEHEMIA 12:7

Sallu, Amok, Hilkia, Jedaia. Harü ha Jeshua kim ching arü keoniorü amükeamrübo kurungkheak azothsürübo ah.

MATHI 12:40

Nimung mahsam tüsho tsüngre mahsam Jona thüngüh buk ching lakhi nangde, Mihtsürü Tsührü nimung mahsam tüsho tsüngre mahsam alo alunglim labah.

MATHI 16:22

Judüki Peternü api bemuwuh tüsho anihbuh thürühpü tankih, “Jude yung, Atungpuh; ha nü kheak müdünji!”

MATHI 16:28

Tsükjide inü nüsa ki thachoh, Mihtsürü Tsührü api kiulongthsü ching marüyi khiungde ha ching zhiprü khürü a müshede alabah.”

MATHI 17:12

Tüshe inü nüsa ki thachoh, Elija arüabahdo, tüsho arünü api mükheahkhit, tüshe arü künkhi api kheak rhimodo. Junangde Mihtsürü Tsührü arü khah ching thsünübah.”

MATHI 17:9

Arü awung chingnü akibah, Jisunü arü ki thiyukhüm jihde tha, “Mihtsürü Tsührü ashe chingnü masürüyikia she ki she ha michih dütha.”

MATHI 20:28

Mihtsürü Tsührü she tankihshihpü yung tüshe tankihpü tüsho ahihdo rhokhitpü api rhangdung jihpü arükheah!”

MATHI 26:2

“Nüsanü mükheahlah, nimung mahne dunglim phungho-thünio labah, tüsho Mihtsürü Tsührü sangkim ching yümkihpü jihbah.”

MATHI 26:47

Api thade alachoki, thürükheak mahne bolung khülang, Juda, anihbuh lung amükeam putungrübo tüsho mihtsürü yo azothsürübonü athiyikhi nukshangbo le shinuk shuhrü boto ato bebah arü.

MATHI 27:12

Tüsho amükeam putungrübo le azothsürübonü api amülim jihchoki, apinü tümü malo.

MATHI 27:63

tüsho tha, “Atobuh, api arhang lachoki, mülapmüjibuhnü athakhi isanü lümkhitchoh, ‘Nimung mahsam dunglim I asürübah.’

MATHI 28:6

Api ha ching müla; tümüde apinü athakhi nangde anihbuh arhang kamlodo. Arang, Atungpuh yappung kheahang.

MARK 8:31

Tüsho apinü Mihtsürü Tsührü ju khide thsünübah, azothsürü le amükeam putungrü tüsho athrütrübonü abahyukbah, alaksahbah, tüsho nimung mahsam dunglim asürülobah de arü ki thsangyupü tankih.

MARK 9:12

Judüki apinü arü ki alo, “Elija akhuhde arüchoh tüsho alala tsanglungbah. Dale tümü thsükhi Mihtsürü Tsührü khide thsünüpü tüsho abahyukpü thrüta la?

LUKNÜ ATHRÜTKHI THIYUSHEAK-ATSÜ HUHTANYU 17:25

Tüshe akhuhde apinü hihde thsünübah tüsho ha lünnü abahyukbah.

LUKNÜ ATHRÜTKHI THIYUSHEAK-ATSÜ HUHTANYU 24:46

Judüki apinü arü ki tha, “Ha thrüta lah, tüsho junangde Khrista ju thsünübah nimung asampü ching arhang kamlopü lakheah,

LUKNÜ ATHRÜTKHI THIYUSHEAK-ATSÜ HUHTANYU 9:31

api müretahkhi ching akhiuk tüsho Jirusalem ching dünjipü api chamachihpü dünkheak asuk.