MATHI 15:31 - AMÜSÜH HÜM CL Bible (BSI)

³¹ Aduhrünü athakhi, bishia larü tsüde akamkhi, jingkikrü tsahkhi tüsho müktukrünü angükhi ngübah mihtsürübonü müyinsah. Tüsho arünü Israel Thrünpuh shijih.

MATHI 15:31 Iomraidhean Croise

THRÜNTAN 32:28

Tüsho apinü tha, “Nü mung kheaküa Jakob de müji, tüshe Israel; tümüde nünü Thrünpuh tüsho mihtsürübo bede shochih, tüsho kukdo.”

THRÜNTAN 33:20

Ju ching apinü kingaün sadam khülang thsü tüsho El Elohe Israel de ji.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 50:23

shepünü makshe-jihkhi kingaün shuhmülanga hande arüchonü I wüntrechoh; alungki limro ching yürü ki inü Thrünpuh akhümkhit huhbah.

ABEKHIT 24:10

tüsho arünü Israel Thrünpuh ngü. Tüsho api jing khüp ju shotolung-bluknü athsükhi limro thüning nangde müsühkhabündo alakheah.

MATHI 15:30

Api kilim yimto ato, jingkikrü, müktukrü, aduhrü, bishia larü tüsho püpü ahihdo bede arübah ajing ki zojih; tüsho apinü arü thsüngujih.

MATHI 18:8

“Nü khah yungsho nü jingnü neak yihbeakshihsho, ju lipkhia bahang. Khah mahne tüsho jing mahne kihbah akheam müla motru ching jipyukpü dün a nü thsungkheaknü khah khülang yungsho jing khülang mabande rhangdung lapung ching yüzahkhi atsübe ah.

MATHI 21:14

Müktukrü le jingkikrü arüngyam ching api kilim arü, tüsho apinü arü thsüngu.

MATHI 8:10

Küyimki Jisunü ha sokhea, api müyinsah tüsho api dunglim yanrübo ki tha, “Inü nüsa ki thiyuro thachoh, ha ruk akin ato lakhi inü Israel ching müngü.

MATHI 9:32

Arü wukhiukde alachoki, mihtsürü khülang amünean me yüzahbah thiyu müthakhukde alakhi Jisu kilim bedarü.

MATHI 9:33

Küyimki amünean me ju ayankhitkhea, mihtsürü junü thiyu tha, tüsho botonü müyinsahde tha, “Israel ching hanangde müdünjiakheah.”

MATHI 9:8

Küyimki botonü ju ngükhea, arünü müyinsah, tüsho mihtsürü kilim hadürü wu jihbuh Thrünpuh shijih.

MARK 2:12

Tüsho zukleangnü api asürübah yapkiu shuh-a han, tüsho arü alala mikinü wukhiuk, junangde arü alala müyinsah tüsho Thrünpuh shide tha, “Isanü hanangde küyimkishe müngüakheah!”

MARK 7:37

Tüsho arünü hodakde müyinsahde tha, “Apinü alala tsüde rhimodo. Apinü nükhünpeangrünü soshih tüsho mulokikrünü thashih.”

MARK 9:43

Tüsho nü khahnü neak yihbeakshihsho, ju lipkhia bahang. Nü khah mahne kihbah amümütbe motru, athsümüchipung ching yüzahpü dün a, mabande rhangdung lapung ching yüzahkhi atsübe–

LUKNÜ ATHRÜTKHI THIYUSHEAK-ATSÜ HUHTANYU 14:13

Tüshe küyimki nünü thünio thsakhambanü, zhochihrü, mütsümüyangrü, jingkikrü, müktukrü jiyukang.

LUKNÜ ATHRÜTKHI THIYUSHEAK-ATSÜ HUHTANYU 14:21

Jumonü yamlarü junü arübah api putungrü ki harü yusheak jih. Judüki thüyam putungrünü bukakhiukde api yamlarü ki tha, ‘Kiuto yo kiudunglimrobo tüsho limrobo ching nahde yüang tüsho zhochihrü, mütsümüyangrü, jingkikrü tüsho müktukrü bede arang.’

LUKNÜ ATHRÜTKHI THIYUSHEAK-ATSÜ HUHTANYU 18:43

Tüsho judüchokinü api mük khimshuh, tüsho Thrünpuh mung shide api dunglim yan. Tüsho mihtsürü alalanü ju ngüchoki Thrünpuh shijih.

LUKNÜ ATHRÜTKHI THIYUSHEAK-ATSÜ HUHTANYU 7:16

Arü alala trede kam; tüsho arünü Thrünpuh müretahde tha, “Isa bolung wukihrü ato khülang asürüdo!” tüsho “Thrünpuhnü api mihtsürü rhua kheahdo!”

JOHAN 9:24

Jumonü arünü mük tuka lakhi mihtsürü ju ji tüsho api ki tha, “Thiyuro thapü Thrünpuh miki alokhiang! Ha mihtsürü aneakrü ah de isanü mükheahlah.”