MATHI 14:3 - AMÜSÜH HÜM CL Bible (BSI)

³ Tümütüsho müngühlim aniurü Philip niube Herodia dünkheaknü Herodnü Johan rama rhükbah rihyam ching yuk.

MATHI 14:3 Iomraidhean Croise

MATHI 11:2

Küyimki Johannü Khrista rhimobo dünkheak rihyam chingnü asokhea, apinü anihbuh jingyanrü khürü yüshih,

MATHI 14:6

Tüshe Herod zübe nimung thünio ching Herodia tsührübenü arü miki tsün tüsho Herod asühshih.

MATHI 4:12

Küyimki Jisunü Johan ju rihyam ching zokhi sokhea apinü Galilee lim alode yü.

MARK 6:14

Kheakü kiulongthsüpuh Herodnü api dünkheak so, tümüde api mung thude kam. Tüsho apinü tha, “Johan Baptijihbuh ashe chingnü arhang kamloa lah, tüsho harü wubonü api kheak rhimochoh.”

MARK 6:17

Tümüde Herodnü thiyia yüshihbah Johan ram tüsho rhükbah aniurü Philip niube Herodia dünkheaknü rihyam ching zo; tümüde apinü anihbe lu.

MARK 6:19

Jumonü Herodianü api azhih tüsho api laksahpü kün, tüshe alibenü müthsükhuk;

MARK 6:22

Tüsho küyimki Herodia tsührübenü azah tsünbah Herod le api hanrübo asühshihkhea, kiulongthsüpuhnü anünübe ki tha, “Nünü tümü künlanü I ki kheangang, tüsho inü nü kilim ju jihanü.”

MARK 8:15

Judüki apinü arü neangneangde tha, “Aniang, Pharisirü tüsho Herod phaüm dünkheak kümkangang.”

LUKNÜ ATHRÜTKHI THIYUSHEAK-ATSÜ HUHTANYU 13:1

Ju kim ching Pilatnü arünü laksah-a kingaünkhi lung thiyih düsahkhi Galileerü dünkheak Jisu ki tharü khürü lakheah.

LUKNÜ ATHRÜTKHI THIYUSHEAK-ATSÜ HUHTANYU 13:31

Ju nimung Pharisirü khürü arübah api ki tha, “Akhiukang tüsho ha chingnü tsoang, tümüde Herodnü nü laksahpü künlah.”

LUKNÜ ATHRÜTKHI THIYUSHEAK-ATSÜ HUHTANYU 23:11

Judüki Herod tüsho api bonungrübonü api luhmünede mükhemükim thsü; tüsho api kheak khimmih atsü yihkihjihbah Pilat kilim yüloshih.

LUKNÜ ATHRÜTKHI THIYUSHEAK-ATSÜ HUHTANYU 23:7

Tüsho api ju Herod bukkhüp ah de apinü mükheah akede, anihbuhnü api ju, ju kim ching Jirusalem ching labuh Herod kilim yüshih.

LUKNÜ ATHRÜTKHI THIYUSHEAK-ATSÜ HUHTANYU 3:1

Tiberia Kaesar kiulongthsükhi kam thürükheak phüngüpü ching, Pontia Pilat Judea kovünor, Herod Galilee yakzanshuhrü, tüsho aniurü Philip Iturea le Trakonita yakzanshuhrü, tüsho Lysania Abilene yakzanshuhrü,

LUKNÜ ATHRÜTKHI THIYUSHEAK-ATSÜ HUHTANYU 8:3

tüsho Herod yam ching atorü Khuza niube Joanna, Susanna, tüsho arünü athsükhukkhi chingnü arü ki jihchungrü püpürü ahihdo lakheah.

YUNIRÜBO RHIMO 12:1

Ju kim ching Herod kiulongthsüpuhnü borü ching kheyukrü khürü thsümüchipü tankih.

YUNIRÜBO RHIMO 4:27

Tümütüsho ha kiuto ching nünü mujude-müsühkhitkhi, amüsüh nü yamlarü Jisu azhihde khiungkerü tüsho Israel mihtsürü lungnü Herod tüsho Pontia Pilat ane chido mukhung,