MATHI 13:57 - AMÜSÜH HÜM CL Bible (BSI)

⁵⁷ Jumonü arünü api bahyuk. Tüshe Jisunü arü ki tha, “Wukihrü khülang ju nihbuh kiuto tüsho nihbuh yamkhün ching düna alala ching wüntre jihchoh.”

MATHI 13:57 Iomraidhean Croise

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

ISAIA 53:3

Api ju mihtsürübonü mükhemükim tüsho bahyuk; mulong tukthsü mihtsürü tüsho thsünümih lakheah; tüshe mihtsürübonü api kheaknü miro ramabah, api mükhemükim thsü, tüsho isanü api mükheyuk.

ISAIA 8:14

Api ju arüngyam khülang labah; Israel yamkhün ane chido thsungkheak api jingmükhelung khülang labah– Jirusalem ching larü thsungkheak azheang tüsho qimürip labah.

MATHI 11:6

Tüsho shepü I dünkheak müdukiuhlonü müngühmühi.”

MATHI 13:58

Tüsho arünü amükinmonü apinü ju ching khinthiyinbebo hihde mürhimo.

MARK 6:1

Judüki apinü ju chingnü wukhiuk tüsho nihbuh lomi ching arü, tüsho ajingyanrübonü api dunglim yan.

MARK 6:14

Kheakü kiulongthsüpuh Herodnü api dünkheak so, tümüde api mung thude kam. Tüsho apinü tha, “Johan Baptijihbuh ashe chingnü arhang kamloa lah, tüsho harü wubonü api kheak rhimochoh.”

MARK 6:3

Ha Mari tsührü, tüsho Jakob, Josep, Juda, tüsho Simon pürü akhiung sangrhimosorü yung de? Tüsho api niurü aliberübo ha ching isa lung lah.” Tüsho arünü api bahyuk.

MARK 6:4

Tüshe Jisunü arü ki tha, “Wukihrü khülang ju nihbuh lomi, betsührü, tüsho yamkhün ching lang düna alala ching wüntre jihchoh.”

LUKNÜ ATHRÜTKHI THIYUSHEAK-ATSÜ HUHTANYU 4:24

Tüsho apinü tha, “Atsütsü inü nüsa ki thachoh, wukihrü sheshe nihbuh lomi ching a müleangkhichoh.

LUKNÜ ATHRÜTKHI THIYUSHEAK-ATSÜ HUHTANYU 7:23

Shepü I dünkheaknü adukiuhlokhi mülanü asühpü.”

JOHAN 4:44

Tümüde Jisunü aküdah thsüde wukihrü khülang ju nihbuh lomi ching wüntre müla de thiyumütsan thsü.

JOHAN 6:42

Tüsho arünü tha, “Ha isanü abuh tüsho abe mükheahkhi Josep tsührü Jisu yung de? Apinü küde thsah, ‘I yinmi chingnü akikheah’ de thacho?”

JOHAN 6:61

Küyimki api jingyanrübonü ha dünkheak arü bolung dapdaprarakhi mükheahkhea, apinü arü ki tha, “Hanü nüsa masühde kamshihcho shi?