MATHI 13:47 - AMÜSÜH HÜM CL Bible (BSI)

⁴⁷ “Yinmi kiulongthsü ju keto ching jipyukbah thüngüh mungji aban wuhmukhungkhi keang khülang kiphahlah,

MATHI 13:47 Iomraidhean Croise

EZEKIEL 47:10

Mihtsürübonü keto yean Engedi kheaknü Engelaim khiungde thüngüh ramde azhipbah; ju keang jippü dangpung khülang labah; thüngüh ju Keto Ato ngüh nangde atoto aphuaphu ahihdo labah.

MATHI 13:44

“Yinmi kiulongthsü ju mihtsürü khülangnü ngübah thulu ching rama-lakhi rahpung kiphahlah; ju kheak asühkhinü apinü yüchoh tüsho api lakhi alala yinbah ju lu thulochoh.

MATHI 13:46

küyimki apinü amo achak sünso khülang ngübanü, yüchoh tüsho api lakhi alala yinbah ju thulochoh.

MATHI 13:48

küyimki ju mibanü, arünü kemungyean thode arüchoh; arünü binbah atsübo hah ching yukchoh, tüshe amütsübo a bahchoh.

MATHI 4:19

Jisunü tha, “I dunglim yanang, tüsho inü nüke mihtsürüramrü kamshihbah.”

MARK 1:17

Judüki Jisunü ane ki tha, “I dunglim arang tüsho inü nüke mihtsürü-ramrü kamshihbah.”

LUKNÜ ATHRÜTKHI THIYUSHEAK-ATSÜ HUHTANYU 5:10

tüsho Simon lung rungachihrü Zebedee tsührübo Jakob le Johan büne she alakheah. Tüsho Jisunü Simon ki tha, “Dütre; kheakünü ründe nünü mihtsürü rambah.”

JOHAN 15:2

I kheak aso masokhi khah aban apinü rhea bahchoh; tüsho aso asokhi khah aban hihde asoshihpü apinü mülakkhitchoh.

JOHAN 15:6

Khürünü I kheak mülasho, sangkhah nangde jipa bahchoh tüsho kungabahchoh; arünü jurü hanmukhungbah mo ching jipyukchoh, tüsho jurü aniuabahchoh.

YUNIRÜBO RHIMO 20:30

tüsho nüsa bolungnü she akeangyu thaa akinrübo arü dunglim yüshihpü mihtsürü akhiukbah.

1 KORINT 11:19

Tümüde nüsa bolung achamnakbo labah, junangde alim larübo mütsanbah.

2 KORINT 11:26

alochode hantsahchoki ayungbo ching, jangkhijangrarü, I mihtsürübo, khiungkerü kilimnü, kiuto ching, sunglo ching, keto ching, arükchih keoniorübo kilimnü atrebe lakheah;

GALATIA 2:4

Arükchih keoniorü khürünü isa rukhüh ah de thsübah Khrista ching isa zuzu lakhi yimkhitpü tüsho isa azhorü kamshihpü rhimokhi dünkheaknü hadürü akhiukkheah.

AMIKHEAKAKHIUKKHI 3:1

“Tüsho Sardis ching borü yunirü kilim thrütang: ‘Thrünpuh mebo thüne tüsho chining thüne labuh yubo. “ ‘Inü nü rhimobo mükheahlah; nü arhang larü mung lah, tüshe nü a shea lah.