MATHI 13:24 - AMÜSÜH HÜM CL Bible (BSI)

²⁴ Apinü arü ki shihdanglimyu püpü tha: “Yinmi kiulongthsü ju mihtsürü khülangnü api lu ching müjih atsü hiukhi kiphahlah;

MATHI 13:24 Iomraidhean Croise

ISAIA 28:10

Tümüde ha thsangdankhi kheak thsangdankhi, thsangdankhi kheak thsangdankhi, athürün kheak athürün, athürün kheak athürün, ha ching anikhüh, ju ching anikhüh labeah.

ISAIA 28:13

Jumonü arü kilim Atungpuh yu ha labah, “Thsangdankhi kheak thsangdankhi, thsangdankhi kheak thsangdankhi, athürün kheak athürün, athürün kheak athürün, ha ching anikhüh, ju ching anikhüh”; junangde arünü dunglim yübah angakbah, tüsho azhakbah, tüsho aphuhbah, tüsho arambah.

EZEKIEL 17:2

Mihtsürü tsührü, Israel yamkhün ki lümshangmang khülang keoang tüsho shihdanglimyu khülang thaang.

MATHI 13:19

Küyimki khürünü kiulongthsü yu sobah ju manikhitba, Amütsü Khülang arübah api mulong ching hiua lakhi ju jangkhide tsochoh. Müjih limmungyean hiukhi ju api ah.

MATHI 13:25

Tüshe küyimki mihtsürübo yapabahkheanü, api riri arübah hi bolung muthsuaberim hiuyuk tüsho tsoabah.

MATHI 13:31

Apinü arü ki shihdanglimyu püpü tha: “Yinmi kiulongthsü ju mihtsürü khülangnü api lu ching woninji hiukhi kiphahlah,

MATHI 13:33

Apinü kheaküshe arü ki shihdanglimyu püpü tha: “Yinmi kiulongthsü ju, aliberü khülangnü phaüm lubah aümdungkhi pungdüchi 40 ching düsah-a mülamyi khiungde azokhi kiphahlah.”

MATHI 13:37

Apinü arü ki alo tüsho tha, “Shepü müjih atsü hiuchonü Mihtsürü Tsührü ah.

MATHI 13:47

“Yinmi kiulongthsü ju keto ching jipyukbah thüngüh mungji aban wuhmukhungkhi keang khülang kiphahlah,

MATHI 18:23

“Jumonü yinmi kiulongthsü ju kiulongthsürü khürünü api yamlarübo lung mütsanmükühkhi kiphahlah.

MATHI 20:1

“Tümütüsho yinmi kiulongthsü ju yapsu mükikde wukhiukbah api yo kurungasolu thsungkheak rhimopü rhimorü mulokhi thüyam putungrü kiphahlah.

MATHI 21:33

“Shihdanglimyu püpü: Kurungasolu putungrü khülang lakheah. Apinü ju mükamde shahwün ayün, ju ching anitpung kiu tüsho aheangsadam khülang thsü. Judüki apinü kurungasolu ju thulu-thsürü khürü kilim amüche jihbah hantsah yü.

MATHI 22:2

“Yinmi kiulongthsü ju ha kiphahlah. Kiulongthsürü khürünü api tsührü thsungkheak yamkhün kamkhi thünio thsakham,

MATHI 25:1

“Judüki yinmi kiulongthsü ju atsangkhit anünürü 10 arü tsünpung shuhbah yamkhün-kamrü mihleang yükhi kiphahde alabah.

MATHI 3:2

tüsho tha, “Mulong müthriang, tümüde yinmi kiulongthsü thüninde lah!”

MATHI 4:23

Jisunü Galilee alala ching yübah, arü yo sinagogbo ching thsangyu, kiulongthsü thiyusheak atsü thsangyuthsangra, tüsho mihtsürü bolung tukthsü tüsho phüthsüphüram mungji aban thsüngujih.

LUKNÜ ATHRÜTKHI THIYUSHEAK-ATSÜ HUHTANYU 13:18

Judüki apinü tha, “Thrünpuh kiulongthsü tümü kiphahla? Tüsho inü tümü kheak akeba?

LUKNÜ ATHRÜTKHI THIYUSHEAK-ATSÜ HUHTANYU 13:20

Kheaküshe apinü tha, “Thrünpuh kiulongthsü ju inü tümü kheak akeba?

KOLOSI 1:5

thiyuro thiyusheak-atsü yu ching nüsanü akhuhlim sokhi yinmi ching nüsa thsungkheak zojihkhi mulonglam dünkheaknü,

1 PETER 1:23

Adükheakbe müjih yung tüshe amüdükheakpü arhang tüsho rünkhiungbe Thrünpuh yu hode nüsa aso zübeloshih.