MATHI 13:23 - AMÜSÜH HÜM CL Bible (BSI)

²³ Tüshe alo atsü kheak hiukhi ju shepünü thiyu sobah ju anikhitchonü api ah; apinü hidung akhiukshihbah khürünü chi, khürünü rukrü yungsho khürünü samrü bande asochoh.”

MATHI 13:23 Iomraidhean Croise

EZEKIEL 18:31

Nünü alakmihkhi alala chingnü tsokhitang, tüsho mulong aso tüsho me aso ngüang. Tümü thsükhi nü ashepü, O Israel yamkhün?

EZEKIEL 36:26

Inü mulong aso khülang nü kilim jihbah, tüsho me aso khülang nü kheak yukjihbah; tüsho inü nü pang chingnü lungto mulong yihkhitbah tüsho nü kilim shihtsü mulong khülang jihbah.

MATHI 12:33

“Sangdung ju atsü thsüsho aso atsü labah, yungsho sangdung ju amütsü thsüsho aso amütsü labah; tümüde sangdung khülang ju asonü mütsanchoh.

MATHI 13:8

Tüshe khürü alo atsü kheak hiuyuk tüsho khürünü chi, khürünü rukrü, khürünü samrü bande asojih.

MATHI 3:10

Awü ju sangdungbo ying kheak dünkihbah lah, tüsho aso masokhi sangdung aban kiushakbah tüsho mo ching jipyukbah.

MATHI 3:8

Jumonü mulong müthrikhi thülünde aso asoang,

MARK 10:15

Atsütsü inü nüsa ki thachoh, shepünü azürü anini nangde Thrünpuh kiulongthsü müleangkhibanü ju ching küyimkishe müyüzah.”

MARK 4:20

Tüshe alo atsü kheak hiukhi ju, arünü thiyu sobah leangkhichoh, tüsho khürünü samrü bande, khürünü rukrü bande, tüsho khürünü chi bande asochoh.”

LUKNÜ ATHRÜTKHI THIYUSHEAK-ATSÜ HUHTANYU 13:9

Shikam hanü aso asosho tsülah. Tüshe jude yungsho, dunglim nünü akiushakpü kuklah.’ ”

LUKNÜ ATHRÜTKHI THIYUSHEAK-ATSÜ HUHTANYU 8:15

Tüsho alo atsü ching hiuyukkhi ju, thiyu sobah mulong atsü tüsho thiyuro ching düküngde ramrihcho, tüsho arümkheamde aso asoshihrü ah.

LUKNÜ ATHRÜTKHI THIYUSHEAK-ATSÜ HUHTANYU 8:8

Tüsho khürü alo atsü ching hiubah mukhuh, tüsho chinü alü thsüde aso.” Apinü ha thachoki zhi, “Shepü asopü nükhün kihlanü aniang.”

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 8:47

Shepü Thrünpuh yoanü Thrünpuh yu anichoh; jumonü nüsanü mani, tümütüsho nüsa a Thrünpuh yo yung.”

YUNIRÜBO RHIMO 16:14

Isa ki anide alarü bolung aliberü khülang amung Lydia, Thyatira kiuto chingnü, mürümmuchu khimmih yinrü Thrünpuh kingaünrü lakheah. Paulnü athakhi anipü Thrünpuhnü anihbe mulong khimshuhjih.

YUNIRÜBO RHIMO 17:11

Harü Jihudarü a Tesalonika ching larü ruk yungde yakli atsü lakheah, tümüde arünü thiyusheak ju künsahde leangkhi tüsho ju atsütsü a shi de nimung aban amüsühyu yimakheah.

2 KORINT 9:10

Shepünü müjih-hiurü kilim müjih tüsho atsühpü yikhap jihchonü nüsa müjih bushihbah tüsho nüsa thiyuro-lungki yimlukhi alü kamshihbah.

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

FILIPI 4:17

Ju inü thsambah yimkhi yung; tüshe nüsa alü thsükhi ching bukhi sangaso inü yimchoh.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

KOLOSI 1:6

alomi alala ching lakhi nangde, küpü nüsa kilim arükhea, tüsho nüsanü asokhi nimungnü nüsa bolung lakhi tüsho Thrünpuh amüthsüm thiyuro ching zokhi nangde;

1 TESALONIKA 4:1

Akheam ching, keoniorübo, nüsanü künangde alaba tüsho Thrünpuh asühshihbanü isa kheaknü anikhitbah rhimode alakhi nangde alü thsüde rhimoang de Atungpuh Jisu mung chingnü nüsa ki mushude tuthsukchoh.

2 TESALONIKA 2:10

tüsho adükheakpü larü thsungkheak rük amütsü alala labah, tümütüsho arünü thiyuro muzhobah akhümkhitpü lakhi reanglo.

IBRI 4:2

Tümüde arü kilim nangde thiyusheak atsü isa kilim arü tüshe arünü asokhi yusheaknü arü alü müthsü, tümütüsho arünü akin bede musokhit.

IBRI 6:7

Alo küpünü tsüng alochode akeamkhi yungabahcho, tüsho thulu thsürü kilim yihnübe wokephüyak akhiukshihchonü, Thrünpuh kilimnü müngüh mühi leangkhichoh.

IBRI 8:10

Ju nimung dunglim inü Israel yamkhün kheak tangzüngpü ha lah, Atungpuhnü thachoh: Inü arü lümkhi ching yakzan yukjihbah, tüsho arü mulongbo kheak thrütbah, I arü Thrünpuh thsübah tüsho arü I mihtsürü thsübah.

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.