MATHI 13:22 - AMÜSÜH HÜM CL Bible (BSI)

²² Ayangrung ching hiukhi ju, shepünü thiyu sobah alomi mulong sansan tüsho lakhit asühkhinü thiyu ju khüpsahshihcho, tüsho aso masochonü api ah.

MATHI 13:22 Iomraidhean Croise

MUNGSHIKHÜN 52:7

“Thrünpuh ju nihbuh sühmüh müthsükhi mihtsürü ha ching lah, tüshe api lakhit suhdahkhi ching kin, tüsho api mihbukmuyuk ching düküngde kam.”

MUNGSHIKHÜN 62:10

Junokhi ching akin düla, yungsho jangkhijangra ching akeangkeang mulong dülam; alarübo rünkihsho arü kheak nü mulong düzo.

MÜCHITMUDU 11:28

Shepünü nihbuh lakhitbo kheak kinchonü akeambah, tüshe thiyuro-lungkirü a aphüyak sangyü nangde tsüde akambah.

MÜCHITMUDU 23:5

Tümüde atsütsünü lakhitbonü arü ghi thsüchoh; arünü müleang nangde thüning lim phinde tsochoh.

T H S AN GYU T H S AN GR ARÜ 4:8

bümlangzü zhikrangkhündo, tsührübo tüsho keoniorübo mülade khürü lah; tütüshe api rhimo alala ching arün müla, tüsho api lakhit kheak api mük mümi. Apinü küyimkishe mükeokhi, “ I ha she thsungkheak rhimocho, tüsho I a asüh-a mulu le?” Ha she akeangkeang tüsho masühbe rhimo lah.

JEREMIA 4:3

Tümüde Atungpuhnü Juda mihtsürü tüsho Jirusalem ching larü ki ha thachoh: Müphünkhi nüsa lo kiuang, tüsho ayangrung ching dühiu.

MATHI 12:32

Khürünü Mihtsürü Tsührü azhihde athakhi neak bahjihbah; tüshe shepünü Amüsüh Me azhihde athabanü, ha lün yungsho arübe lün ching she api a neak mübahjih.

MATHI 13:39

Thiriri shepünü jurü hiukheanü arimri, yimlupü ju lün akheam, tüsho yimlurübo ju yunirübo.

MATHI 13:40

Jumonü muthsuaberimbo hanmukhungbah mo ching takkhi nangde, ha lün akheam ching dünjibah.

MATHI 13:7

Khürü ayangrungbo ching hiuyuk, tüsho ayangbo mukhuhbah jurü khüpsahabah.

LUKNÜ ATHRÜTKHI THIYUSHEAK-ATSÜ HUHTANYU 12:15

Tüsho apinü arü ki tha, “Yihnelune dünkheak kümkangang tüsho kurhangang, tümüde mihtsürü rhangdung ju nihbuh lakhit suhdahkhi ching müla.”

LUKNÜ ATHRÜTKHI THIYUSHEAK-ATSÜ HUHTANYU 12:21

Jumonü shepünü nihbuh thsungkheak lakhit zomukhungchonü, Thrünpuh kilim alarü yung.”

LUKNÜ ATHRÜTKHI THIYUSHEAK-ATSÜ HUHTANYU 21:34

“Tüshe nüsa kurhangang, jude yungsho aniojikhi, müshangmuru, ha rhangdung mulong sansannü nüsa mulong mülangrüpdo alabah, tüsho ju nimung nüsa phuhpü müthsübitde arübah.

LUKNÜ ATHRÜTKHI THIYUSHEAK-ATSÜ HUHTANYU 8:14

Tüsho ayangrung bolung hiuyukkhi ju, sherünü sobah nihbuh lümkhi ching yüchonü, lakhitbo tüsho rhangdung asühakobonü khüpdoshihchoh, tüsho arü sangaso müzamchoh.

YUNIRÜBO RHIMO 8:18

Küyimki amüsüh-thsangyurü khahbo nimbah Me jihkhi Simonnü angükhea, apinü arü kilim sho jih

ROMRÜ KILIM PAULNÜ ATHRÜTKHI KIHÜM HUHTANYU 12:2

Ha lomi yakli yande düla tüshe nüsa lümkhi aso kamde thsüphuloang, junangde nüsanü Thrünpuh lümkhi tümü atsü a, aleangkhikhukbe a tüsho khiukdahkhi lanü amütsanbah.

1 KORINT 1:20

Lümlung larü mihtsürü küching la? Mükheahmudurü küching la? Ha lün ching atsangachihrü küching la? Thrünpuhnü alomi lümlung makhashihkhi yung de?

1 KORINT 2:6

Tütüshe lümzorü bolung isanü lümlung yu tha, tüshe ju adükheakbe ha lün yungsho ha lün yakzanshuhrü lümlung yung.

1 KORINT 2:8

Ha lün yakzanshuhrü shenü she ha manikhit; arünü anikhitkhülaa müretahkhi Atungpuh müyümkih-a labah.

1 KORINT 3:18

Sheshe nihbuh küdah thsüde düthsungyukshih. Nüsa bolung khürünü ha lün ching api lümlung larü ah de lümsho, api makharü kamshang, junangde api lümlung larü kambah.

2 KORINT 4:4

Thrünpuh kiphahkhi, Khrista müretah thiyusheak-atsü ayin arünü müngüshihpü ha lomi thrünpuhnü amükinrü lümkhibo yihdojih.

GALATIA 1:4

shepünü isa Thrünpuh tüsho Abuh lümkhi yande ha amütsü lün chingnü isa zuzu kamshihpü isa neakbo dünkheak api jihabah;

EFISIA 2:2

küpü ching nüsanü khülangki ha lomi limro, apung wu yakzanshuhrü, kheakü mihyumanikhi tsührübo kheak rhimode alakhi me yande atsahkhea,

1 TIMOTHI 6:17

Ha lomi ching mükükheangpü tüsho mümütsankhi lakhit ching yungde, isa asühshihpü lüpdükhi muzhomopungde ajihbuh Thrünpuh kheak arü mulonglam zopü alarü ki thiyukhüm jihang.

2 TIMOTHI 4:10

Tümüde Demanü kheakü ha lomi muzhode I bahbah Tesalonika ching yüdo; Kresen Galatia ching, tüsho Tita Palmatia ching yüdo.