MATHI 13:19 - AMÜSÜH HÜM CL Bible (BSI)

¹⁹ Küyimki khürünü kiulongthsü yu sobah ju manikhitba, Amütsü Khülang arübah api mulong ching hiua lakhi ju jangkhide tsochoh. Müjih limmungyean hiukhi ju api ah.

MATHI 13:19 Iomraidhean Croise

MÜCHITMUDU 1:7

Atungpuh trekhi ju mükheahmudu akhuhbe ah, tüshe makharünü lümlung tüsho thsangdankhi bahyukchoh.

MÜCHITMUDU 17:16

Makharü khah ching sho lakhi tümü yihnüpü la, tümüde apinü lümlung ngüpü künde müla?

EZEKIEL 31:18

Eden sangdung bolung nü nangde müretahkhi tüsho toshangkhi küpü a? Kheakü nü a Eden sangdungbo lungnü abobe lomi ching bede yüzahbah; nü ju nukshangnü alaksahkhi tsütamübahrü bolung yapbah. Ha Pharao tüsho api boto alala ah, Atungpuh Thrünpuhnü thachoh.

MATHI 12:26

Arimrinü Arimri yankhita bahsho, nihbuh azhihde api chamnaka lah. Dale küde thsah api kiulongthsü zhipkhukpü?

MATHI 13:20

Lungmi kheak hiukhi ju, shepünü thiyu sobah asühde nahnah leangkhichonü api ah;

MATHI 13:38

Thulu ju alomiküp, müjih atsübo ju kiulongthsü tsührübo, tüshe muthsuaberimbo a mihbukmuyuk tsührübo ah.

MATHI 4:23

Jisunü Galilee alala ching yübah, arü yo sinagogbo ching thsangyu, kiulongthsü thiyusheak atsü thsangyuthsangra, tüsho mihtsürü bolung tukthsü tüsho phüthsüphüram mungji aban thsüngujih.

MATHI 5:37

Tüshe nünü am tüsho am dang, tüsho yung tüsho yung dang; tümükhüh ha hobah lasho ju amütsübe limnü arüchoh.

MARK 4:15

Tüsho limro mungyean thiyu hiua larübo ju harü ah; küyimki arünü anibanü judüakede arimri arübah arü mulongbo ching hiua lakhi yu lude tsochoh.

LUKNÜ ATHRÜTKHI THIYUSHEAK-ATSÜ HUHTANYU 10:9

Ju ching tukthsüde alarü thsüngujang, tüsho arü ki thaang, ‘Thrünpuh kiulongthsü nüsa thüninde arüdo.’

LUKNÜ ATHRÜTKHI THIYUSHEAK-ATSÜ HUHTANYU 9:2

Apinü arübo Thrünpuh kiulongthsü thsangyuthsangrapü tüsho tukthsü thsüngupü yüshih.

JOHAN 18:38

Pilatnü api ki tha, “Thiyuro ju tümü a?” Tüsho küyimki apinü ha thakhea, apinü Jihudarü kilim wungdo wukhiuklobah arü ki tha, “Inü api kheak amülim tümü müyimkhit.

JOHAN 8:43

Tümü thsükhi nüsanü I yu manikhitcho? Tümütüsho nüsanü I yu anipü marümkheam.

YUNIRÜBO RHIMO 17:32

Küyimki arünü asherü arhang kamlokhi dünkheak sokhea, khürünü münejih; tüshe püpürünü tha, “Ha dünkheak kheaküshe isanü nü ki anibah.”

YUNIRÜBO RHIMO 18:15

tüshe ha a thiyubo le mungbo tüsho nüsa yakzan dünkheak a le nüsa küdah thsüde khikzhakang: inü harü dünkheak a mahmükhap.”

YUNIRÜBO RHIMO 20:25

Tüsho kheakü kheahang, inü nüsa bolung kiulongthsü thsangyuthsangrakhi alalanü I miro müngülo.

YUNIRÜBO RHIMO 28:23

Arünü Paul shorupü nimung akhukhit, tüsho ahihkhüh api lapung ching arü. Yapsunü are khiungde apinü Thrünpuh kiulongthsü dünkheak thanakde arü ki zhiyuk tüsho Mosa yakzan le wukihrübo chingnü arü ki Jisu dünkheak thapü mürang.

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

ROMRÜ KILIM PAULNÜ ATHRÜTKHI KIHÜM HUHTANYU 14:17

Tümüde Thrünpuh kiulongthsü ju jim tüsho ayungbe yung tüshe Amüsüh Me ching thiyuro-lungki, mungtsü tüsho asühachihkhi lah;

ROMRÜ KILIM PAULNÜ ATHRÜTKHI KIHÜM HUHTANYU 2:8

Tüshe yihnelunerü tüsho thiyuro bahyukbah amütsü yimrü thsungkheak mulong zhipzhip tüsho bukakhiuk labah.

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

2 TESALONIKA 2:12

junangde thiyuro mükinde amütsü rhimo ching asührü alala bahyukbah.

IBRI 2:1

Jumonü isanü asokhi kheak mulong jihbeah, jude yungsho ju chingnü bede tsoabahbah.

1 JOHAN 3:12

tüsho amütsübe lakhi tüsho aniurü laksahbuh Kain nangde düla. Tümü thsükhi apinü anihbuh laksahkhea? Tümütüsho api rhimobo amünean tüsho aniurü rhimobo thiyuro-lungki lakheah.

1 JOHAN 5:18

Thrünpuh tsührünü a neak müyihbeak de isanü mükheahlah, tüshe shepü Thrünpuh tsührüanü apinü kümchoh, tüsho amüneannü api müqiu.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.