MATHI 13:13 - AMÜSÜH HÜM CL Bible (BSI)

¹³ Jumonü inü arü ki shihdanglimyubo chingnü asukchoh, tümütüsho kheahkheah she arünü müngü, tüsho anini she arünü muso, yungsho arünü manikhit.

MATHI 13:13 Iomraidhean Croise

ISAIA 44:18

Arünü mümükheah, yungsho arünü manikhit; tümüde arü mükji tuka lah, junangde arünü müngükhuk, tüsho arü lümkhibo she ah, junangde arünü manikhit.

JEREMIA 5:21

Ha aniang, O makhakhi tüsho sulüm mülakhi mihtsürübo, sherü mükjibo la, tüshe müngücho, sherü nükhünbo la, tüshe musocho.

EZEKIEL 12:2

Mihtsürü tsührü, nü azhih mihtsürü bolung lachoh. Arübo angüpü mükbo lah tüshe müngü tüsho asopü nükhünbo lah tüshe muso, tümüde arübo azhih mihtsürü ah.

EZEKIEL 20:49

Judüki inü tha, “Ah, Wuto Atungpuh ! Arünü I dünkheak thachoh, ‘ Apinü shihdanglimyu thachoh yung de?’ ”

MATHI 13:16

“Tüshe nüsa mükbo tüsho nüsa nükhünbo müngühmühi, tümüde arünü ngüchoh tüsho sochoh;

ROMRÜ KILIM PAULNÜ ATHRÜTKHI KIHÜM HUHTANYU 11:8

ha thrüta lah, “Thrünpuhnü arü lümkhi tüsho mulong zhazhaabahshih; khihni khiungde arünü müngükhuk yungsho muso.”