MATHI 12:25 - AMÜSÜH HÜM CL Bible (BSI)

²⁵ Jisunü arü lümkhi mükheah tüsho arü ki tha, “Nihbuh azhihde achamnakkhi kiulongthsü aban thsümünimbah, tüsho nihbuh azhihde achamnakkhi kiuto yungsho yamkhün aban müzhipkhuk.

MATHI 12:25 Iomraidhean Croise

1 KIULONG THSÜRÜ 16:21

Judüki Israel mihtsürü shihcham mahne thsüde chamnak; mihtsürü chamkhühnü Ginath tsührü Tibni, kiulongthsürü kamshihpü api yan, tüsho chamkhühnü Omri yan.

MUNGSHIKHÜN 139:2

Nünü I binkhi tüsho asürükhi mükheahlah; nünü I lümkhi limshu chingnü mükheahlah.

ISAIA 9:21

Manasenü Ephraim tsüh, Ephraimnü Manase tsüh, tüsho rukhühnü arünü Juda azhih. Tümüde ha alala thsungkheaknü api bukakhiukkhi rholode mutso; api khah kheakü khiungde chungkih-a lah.

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

AMOS 4:13

Tümütüsho, shepünü müzüngbo thrünchonü, apung thrünchoh, api lümkhi mihtsürübo ki huhchoh, yapsu ju amiting kamshihchoh tüsho alomi achangbo kheak tsahchoh– Atungpuh , Wuto Thrünpuh ju api mung lah!

MATHI 9:4

Tüshe Jisunü arü lümkhi mükheahbah tha, “Tümü thsükhi nüsa mulongbo ching amütsü lümcho?

MARK 2:8

Ha arü mulong ching lümde alakhi ah de Jisunü nahdü lang api me chingnü mükheah, tüsho arü ki tha, “Tümüde nüsanü hadürü lümcho?

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

1 KORINT 2:11

Tümütüsho mihtsürü kheak lakhi menü yungsho, shepünü mihtsürü lümkhi mükheahla?

GALATIA 5:15

Tüshe nüsanü nguhachihde tüsho tsühachihsho, khülangnü khülang mütsühkhamachihpü thsüde kümkangang.

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

AMIKHEAKAKHIUKKHI 16:19

Ato kiuto ju mahsam thsüde chamnak, trükshih kiutobo lungabah, tüsho Thrünpuhnü api bukakhiukkhi pung mütrüna yungshihpü ato Babilon lümkhit.

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.