MATHI 12:10 - AMÜSÜH HÜM CL Bible (BSI)

¹⁰ Tüsho ju ching khah thripshe mihtsürü khülang lakheah. Arünü api ki anihbuh müdampü thsüde keokhi, “Amuni thsüngupü yakzan la de?”

MATHI 12:10 Iomraidhean Croise

ISAIA 32:6

Tümüde makharünü mudukmüke yu asukchoh, tüsho arü lümkhi ju amütsünü makeangde lah: Thrünpuh mümükheahkhi rhimopü, Atungpuh dünkheak lakshi thapü, akhümrü bukmüthsüde zojihpü tüsho kethürirü yungpü tukloshihpü lah.

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

ISAIA 59:4

Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh.

ZEKARIA 11:17

Namfimihnu boto bahyukrü, müthülünkhi namfimihnu neakrü are! Nukshangnü api bin tüsho amük tsülim thsümünimshang! Api bin shahde keahkhishang, api mük tsülim shahde tukabahshang!

MATHI 12:2

Tüshe küyimki Pharisirünü ju ngükhea, arünü api ki tha, “Kheahang, Amuni tümü mürhimopü yakzan lanü nü jingyanrübonü rhimochoh!”

MATHI 19:3

Pharisirü she api ki arübah rükakide keo, “Mihtsürü khülangnü amütsan khürü dünkheaknü nihbuh niuberü bahpü yakzan la de?”

MARK 3:2

Tüsho arünü api amülim jihpü thsüde apinü Amuni anihbuh thsünguba shi yungnü api kheahmüripde alakheah.

LUKNÜ ATHRÜTKHI THIYUSHEAK-ATSÜ HUHTANYU 11:54

apinü tümükhüh thakhi jimde aleang.

LUKNÜ ATHRÜTKHI THIYUSHEAK-ATSÜ HUHTANYU 13:14

Tüshe sinagog yakzanshuhbuhnü bukakhiuk, tümütüsho Jisunü Amuni thsüngu; tüsho apinü boto ki tha, “Mihtsürübonü arhimopü nimung thuruk lah; jumonü arang tüsho jurü ching thsüngua lung, tüshe Amuni yung.”

LUKNÜ ATHRÜTKHI THIYUSHEAK-ATSÜ HUHTANYU 20:22

Isanü Kaesar kilim ruk jihpü yakzan la shi?”

LUKNÜ ATHRÜTKHI THIYUSHEAK-ATSÜ HUHTANYU 23:14

arü ki tha, “Nüsanü ha buhnü mihtsürübo bemüchihchoh de I kilim bedarü. Tüsho nüsa mikinü api ajamakheahbah nüsanü api chikhikhi dünkheak amülim ha mihtsürü kheak inü müyimkhit;

LUKNÜ ATHRÜTKHI THIYUSHEAK-ATSÜ HUHTANYU 23:2

Tüsho arünü api chikhide athapü tankih, “Ha buhnü trükshih bemüchihkhi isanü ngüdo, tüsho api ju Khrista, kiulongthsüpuh de thade Kaesar kilim ruk jihpü tukloshihdo.”

JOHAN 5:10

Jumonü Jihudarünü athsüngubuh ki tha, “Ha Amuni ah; nünü yapkiu hanpü yakzan müla.”

JOHAN 5:3

Harü ching mihtsürü tukthsürü boto, müktukrü, jingkikrü, thripshe thsürübo ke aphapkhi aleangde yapa lakheah.

JOHAN 7:23

Mosa yakzan müthsümünimpü thsüde mihtsürü khülang Amuni tsütabahsho, inü Amuni mihtsürü khülang tsüde akamshihpü dünkheak nüsanü I kheak bukakhiukcho de?

JOHAN 8:6

Ha arünü tümükhüh amülim jihpü api rükakide athakheah. Tüshe Jisunü amusokhi nangde mükhümbah ayingkhingnü alo kheak thrüt.

JOHAN 9:16

Jumonü Pharisirü khürünü tha, “Ha mihtsürü ju Thrünpuh kilimnü yung, tümütüsho apinü Amuni mümungchoh.” Püpürünü tha, “Aneakrünü küde thsah hadürü khinthiyinbe rhimokhukcho?” Tüsho arü bolung achamnak lakheah.