MATHI 11:8 - AMÜSÜH HÜM CL Bible (BSI)

⁸ Nüsa tümü kheahpü yükhea? Khimmih athünak yihkhi mihtsürü khülang a shi? Sherünü khimmih athünak yihchonü kiulongthsürü yambo ching lachoh.

MATHI 11:8 Iomraidhean Croise

2 KIULONG THSÜRÜ 1:8

Arünü api ki alo, “Api ju shihnam khim yihkhi mihtsürü tüsho achim yande shihküp rümkihlah.” Apinü tha, “Ju Tishbirü Elija ah.”

ISAIA 20:2

ju kim ching Atungpuhnü Amoz tsührü Isaia ki asukde tha, “ Yüang, tüsho nü chim kheaknü shungliukhimbo trünang tüsho nü jing chingnü jingkhümpü yihkhitang,” tüsho apinü ju ruk bünkeang tsahde tüsho jing keangkeangnü yüla arüla de tsah.

ZEKARIA 13:4

Ju nimung wukihrübo ju arünü müchitchoki mihbüm aban nihbuh michih dünkheak achihbah; arünü mülapyukpü thsüde anamkihkhi khim müyih,

MATHI 11:7

Arü chamachihshu, Jisunü Johan dünkheak botobo ki thapü tankih: “Sunglo ching nüsa tümü kheahpü yükhea? Apungnü sangrung yüna niungniungshihkhi a shi?

MATHI 11:9

Tüshe nüsa tümü kheahpü yükhea? Wukihrü khülang a shi? Am, inü nüsa ki thachoh, tüsho wukihrü kheaknü alü ah.

MATHI 3:4

Johannü kemel nam phuyu, shihküpnü achim rüm; tüsho api tsühyungbe ju tangkhobo le mukhuke lakheah.

LUKNÜ ATHRÜTKHI THIYUSHEAK-ATSÜ HUHTANYU 7:25

Judü yungsho, nüsa tümü kheahpü yükhea? Khimmih athünak yihkhi mihtsürü a shi? Kheahang, shoto khimmih yihrü tüsho müthangmüsün ching larü kiulongthsürü-yambo ching lah.

1 KORINT 4:11

Ha kim khiungde isa khümkethürilah, khimmürhüt phuyulah, khitode shikdo, isa lapung mümütsan,

2 KORINT 11:27

rozhakkhi tüsho khisahkhi ching, azhing ching ahihdo ki yapshede müyükhi, ahihdo ki khümkethürikhi, tüsho thsaksahde bünkeang lakheah.

YUZÜNGTHALO 28:54

Nüsa bolung adüngakhi tüsho azhihayihrünü she nihbuh keoniorü yungsho apinü amuzhokhi yamkhünbe yungsho aningkhi atsührübo kheak she marümkheamkhukde abahbah;

AMIKHEAKAKHIUKKHI 11:3

Tüsho inü I thiyumütsan thsürü mahne shungliukhim phuyubah nimung 1260 müchitpü wu mülüjihbah.”