MATHI 11:3 - AMÜSÜH HÜM CL Bible (BSI)

³ tüsho api ki tha, “Arüpü lakhi ju nü a shi, dashi isanü khürü aleangba?”

MATHI 11:3 Iomraidhean Croise

THRÜNTAN 12:3

Shepünü nü müngühjihchonü inü müngühjihbah, tüsho shepünü nü athruchonü inü muthrumüneanbah; tüsho nü lung alomi yamkhün alala müngühjihbah.”

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

MUNGSHIKHÜN 118:26

Shepü Atungpuh mung ching arüchonü müngühmühi! Isanü Atungpuh yam chingnü nüsa müngühjihdo.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

OBADIA 1:21

Sherü khümkhita lanü Zion Müzüng ching Esau wungbo yakzan shuhpü wutubah; tüsho kiulongthsü ju Atungpuh yo labah.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

HAGGAI 2:7

tüsho inü trükshih alala niukbah, junangde trükshih rahpungbo arübah, tüsho lakhitnü ha yam inü amishihbah, Wuto Atungpuhnü thachoh.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

MALAKI 3:1

Kheahang, inü I müngüh limro thsakhamshihpü I yunithsürü arüshihchoh, tüsho nüsanü yimde alakhi Atungpuh nahde api arüngyam ching arübah. Nüsanü asühde alakhi tangzüngkhi yunithsürü atsütsü arüchoh, Wuto Atungpuhnü thachoh.

MALAKI 4:2

Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

WÜHKHE 24:17

Inü api ngüchoh, tüshe kheakü yung; inü api kheahchoh, tüshe müphüni– Jakob kheaknü chining khülang akhiukbah; shoto tso khülang Israel bolungnü asürübah; apinü Moab aredungbo zünakbah tüsho Seth tsührübo alala keamshihbah.

MATHI 11:10

Tümüde api dünkheak ha thrüta lah: ‘Kheahang, nü limro thsakhamshihpü inü nü müngüh I yunithsürü yüshihchoh.’

MATHI 11:4

Jisunü arü ki alo, “Yüang tüsho nüsanü tümü socho tüsho ngüchonü Johan ki thaang:

MATHI 21:5

“Zion tsührübe ki thaang, ‘Kheahang, nü kiulongthsüpuh, azhihayihde donki kheak, donki nunu kheak binbah arüchoh.’ ”

MATHI 21:9

Judüki müngühlim yükhi tüsho dunglim yankhi botonü zhide tha: “Hosanna, David tsührü! Shepü Atungpuh mung chingnü arüchonü müngühmühi thsang! Achangbe chingnü shiang!”

MARK 11:9

Judüki mikhuh tüsho dunglim yürübonü zhide tha, “Hosanna! Atungpuh mung ching arübuh shiang!

LUKNÜ ATHRÜTKHI THIYUSHEAK-ATSÜ HUHTANYU 19:38

“‘Atungpuh mung chingnü arükhi kiulongthsüpuh müngühmühi!’ Yinmi ching mungtsü tüsho achangbe ching müretah lashang!”

JOHAN 11:27

Alibenü alo, “Am, Atungpuh, nü ju alomi ching arüpü lakhi Thrünpuh tsührü, Khrista ah de inü mükheahlah.”

JOHAN 12:13

ashisang khahbo lubah api shorupü wukhiuk, tüsho zhi, “Hosanna! Shepü Atungpuh mung ching arüchonü müngühmühi thsang! Israel kiulongthsüpuh Thrünpuhnü müngühshang!”

JOHAN 16:14

Apinü I müretahbah, tümüde küpü inü athakhi lanü apinü alubah tüsho ju nüsa ki khipkhitbah.

JOHAN 4:21

Jisunü alibe ki tha, “Alibe, I kheak kinang, nünü ha müzüng kheak yungsho Jirusalem ching Abuh mükingaünpü kim arüchoh.

JOHAN 6:14

Judüki Jisunü khinthiyinbe rhimochoki ngürü mihtsürübonü tha, “Tsükjide ha alomi ching arüpü lakhi wukihrü ah.”

JOHAN 7:31

Tüsho mihtsürü ahihkhühnü api kheak kinde tha, “Küyimki Khrista arübanü ha mihtsürünü arhimokhi kheaknü apinü khinthiyinbe alü rhimoba shi?”

IBRI 10:37

Amüsühyunü thachoh, “Tümütüsho anükhühkheak labah, shepü arüde lanü mashude arübah;