MATHI 11:29 - AMÜSÜH HÜM CL Bible (BSI)

²⁹ I sangkap lubah nüsa kheak yihkihang tüsho I kheaknü anikhitang, tümüde I tsüyihrü tüsho mulong athünak, tüsho nüsa me sühakhim ngübah.

MATHI 11:29 Iomraidhean Croise

2 KIUTHSÜYUKHEAN 10:11

Kheakü, I buhnü nüsa kheak hahmülang yihkihjihdo, inü nüsa hahmülang khiojihbah. I buhnü nüsa rhaptsonü dando, tüshe inü nüsa kheak lungthsührinü adanbah.’ ”

MUNGSHIKHÜN 116:7

Nü sühakhim lim rholoang, O I me, tümüde Atungpuhnü nü ki tsüde rhimodo.

MUNGSHIKHÜN 131:1

Atungpuh , I mulong mükükheang, yungsho I mükbo mümüzhing. Inü I thsungkheaknü achakato yungsho khide amüyinsahbe mülümrhih.

MÜCHITMUDU 3:17

Anihbe limrobo ju abünazün tüsho anihbe tsahpungbo mungtsü lah.

ISAIA 28:12

shepü ki apinü tha, “Ha sühakhim; akhirü kilim sühakhim jihang; tüsho ha atsungkheampung”; tütüshe arünü musode alabah.

ISAIA 29:19

Azhihayihrünü Atungpuh kheak asühachihkhi rünkihbah, tüsho küpkhukrü mihtsürünü Israel Amüsühbuh Khülang kheak asühkhi labah.

JEREMIA 6:16

Atungpuhnü ha thachoh: Limbeakbo kheak zhipang tüsho kheahang, tüsho jipü limrobo keoang, küching limro atsü la; tüsho ju ching tsahang, tüsho nüsa mebo thsungkheak sühakhim ngüang. Tüshe arünü tha, “ Isanü ju ching mütsah.”

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

WÜHKHE 12:3

Mosa ju alomiküp kheak larü alala kheaknü khide azhihayih mihtsürü lakheah.

MATHI 17:5

Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

MATHI 21:5

“Zion tsührübe ki thaang, ‘Kheahang, nü kiulongthsüpuh, azhihayihde donki kheak, donki nunu kheak binbah arüchoh.’ ”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

MATHI 7:24

“Jumonü sherünü I yu harü sobah anide rhimochonü lung kheak api yam thsükhi nangde lah.

LUKNÜ ATHRÜTKHI THIYUSHEAK-ATSÜ HUHTANYU 8:35

Judüki arünü adünjikhi kheahpü yü tüsho Jisu kilim arü, tüsho amünean mebo chamachihkhi mihtsürü ju api lümkhi müsüa khim phuyubah Jisu jing ki binde ngü. Tüsho arübo trede alakheah.

JOHAN 13:15

Tümüde inü nüsa ki rhimoa huhkhi nangde nüsanü arhimoshihpü nüsa ki amütsan khülang jihdo.

JOHAN 13:17

Nüsanü harü mükheahde rhimosho nüsa asühpü.

YUNIRÜBO RHIMO 7:37

Mosa hanü Israelrü ki tha, ‘Apinü I bemusukhi nangde Thrünpuhnü nüsa thsungkheak wukihrü khülang nüsa keoniorü bolungnü akhiukshihbah.’

1 KORINT 9:21

Yakzan mülarübo ki arü bedarüpü thsüde, Thrünpuh kilim yakzan mülakhi yung tüshe Khrista yakzan bukkhüp I ju yakzan mülarü khülang kam.

2 KORINT 10:1

I Paulnü, Khrista amuzho tüsho azhihayih hode nüsa ki mushuchoh–nüsa ki a I azhihayihdo, tüshe nüsa kheaknü atrütsho müküplah!

2 KORINT 10:5

Thrünpuh mükheahmudu lim atsangachih tüsho lülüshishi limkhudo aban isanü thsümünimchoh, tüsho lümkhi aban Khrista yu anipü ramde arüchoh.

FILIPI 2:5

Nü yakli ju Khrista nangde alabeah:

1 TESALONIKA 4:2

Tümüde Atungpuh Jisu hode isanü nüsa kilim thsangdankhi tümü jihkheanü nüsanü mükheahlah.

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,

1 JOHAN 2:6

Shepünü anihbuh api lung lah de thachonü apinü atsahkhi limro ching anihbuhnü atsahbeah.