MATHI 11:21 - AMÜSÜH HÜM CL Bible (BSI)

²¹ “Karazin, nü are! Bethsaida, nü are! Nüsa kheak rhimokhi khinthiyinbebo Tair tüsho Sidon ching rhimokhülaa, arünü müngühnü shungliukhim tüsho awah awuhde mulong müthria labah.

MATHI 11:21 Iomraidhean Croise

JOB HU H T ANYU 42:6

Jumonü inü I mükhemükimchoh tüsho asungthulung le awahbo chingnü mulong müthrichoh.

JEREMIA 13:27

Inü nü athraneanbebo, nü müzammüram, shihkünde alankhi awungbo tüsho mükeakbo ching machihde shihyinkhi ngüdo. Nü are, O Jirusalem! Külokhüh nü mümüsühde alaba?”

JOEL 3:4

O Tair tüsho Sidon, tüsho Filistia kewungbo alala, nüsa ju I ki tümü a? Tümükhüh thsungkheak nüsanü I kilim jihlocho de? Nüsanü I kilim jihlosho, inü nüsa ku kheak nüsa rhimobo nahde tüsho niokheamde ajihlobah.

AMOS 1:9

Atungpuhnü ha thachoh: Tairnü alochode neak yihbeakkhi dünkheak, inü thsümüchi mululo; tümütüsho arünü trükshih abümnü Edom kilim jih, tüsho keoniorü tangzüng mülümkhit.

MATHI 11:22

Tüshe inü nüsa ki thachoh, mahkhap nimung nüsa kheaknü alü Tair tüsho Sidon thsungkheak arümkheam labah.

MATHI 15:21

Judüki Jisunü ju chingnü wukhiuk tüsho chamachihbah Tair le Sidon lim yü.

MATHI 18:7

Mihtsürü neak yihbeakshihbe lakhi dünkheaknü alomiküp are! Hadürü adünjibah, tüshe shepü hode ha akhiukshihbanü are!

MATHI 26:24

Mihtsürü Tsührü a api dünkheak thrüta lakhi nangde yüchoh, tüshe shepünü Mihtsürü Tsührü yinatsühchonü ju mihtsürü are! Ju mihtsürü a api thsungkheaknü müzübejungkhi atsübe lado.”

MARK 3:8

Küyimki arünü apinü arhimokhi sokheanü, Judea, Jirusalem, Idumea, Jordan hobah kewungbo tüsho Tair le Sidon chingnü mihtsürübo api kilim arü.

MARK 6:45

Apinü boto müzütshihchoki, nahdü lang ajingyanrübo sangkung ching yüzahshih tüsho api müngüh Bethsaida lim yüshih.

MARK 7:24

Tüsho ju chingnü api tsahmusubah Tair tüsho Sidon lomi ching yü. Apinü thüyam khülang ching yüzah tüsho shenü she ju mümükheahshihpü mulong, tüshe apinü müyima mülakhuk.

MARK 7:31

Tüsho kheaküshe Tair le Sidon lomi chingnü chamachihbah apinü Dekapoli lomi phulungnü hode Galilee keto ching arü.

MARK 8:22

Judüki api Bethsaida ching arü; tüsho arünü api kilim müktukkhi mihtsürü khülang bedarü tüsho api kheak qiupü mushu.

LUKNÜ ATHRÜTKHI THIYUSHEAK-ATSÜ HUHTANYU 4:26

tüsho Elija ju püpürü kilim yung tüshe Sidon lomi ching khimoberü khülang Zarephat kilim lang ayüshihkheah.

LUKNÜ ATHRÜTKHI THIYUSHEAK-ATSÜ HUHTANYU 6:17

Tüsho apinü arü lung akibah, api jingyanrü boto tüsho Judea le Jirusalem tüsho Tair keyean le Sidon chingnü api yu anipü tüsho arü tukthsübo thsüngupü arükhi mihtsürü yimto ato bebah adükhün kheak zhip;

LUKNÜ ATHRÜTKHI THIYUSHEAK-ATSÜ HUHTANYU 9:10

Küyimki amüsüh-thsangyurübonü alode arükheanü arünü arhimokhi alala api ki thaa huh. Tüsho apinü arü bea lubah Bethsaida kiuto yo azhik dangpung ching mükhingde yü.

JOHAN 1:44

Kheakü Philip ju Andria le Peter büne kiuto Bethsaida chingnü alakheah.

JOHAN 12:21

Judüki arünü Galilee ching lakhi Bethsaidarü Philip kilim arübah api ki keokhi, “Atobuh, isanü Jisu ngünelah.”

YUNIRÜBO RHIMO 12:20

Kheakü Herodnü Tair le Sidon mihtsürü kheak bukakhiukde alakheah; jumonü arünü bo khülang thsübah api shorupü yü. Akhuhde arü rungshihpü arünü kiulongthsüpuh-yam atorü Blasta ju shukheam. Jushu arünü Herod ki yübah mungtsü thsungkheak keokhi tümütüsho arü lomi tsühyungbebo ju kiulongthsüpuh lomi chingnü ngüde alakheah.

YUNIRÜBO RHIMO 27:3

Tüsho ashidopü isa Sidon khiung. Julionü Paul ki muzhode rhimo, tüsho api yihnüpü lakhi arünü ajihshihpü thsüde api müyamrübo kilim yüpü mülüjih.

JUDNÜ ATHRÜTKHI KIHÜM HUHTANYU 1:11

Arü are! Tümüde arünü Kain limro ching tsahchoh, tüsho Balaamnü alakmihkhi alü thsüpü lim arü küdahnü bahyukchoh, tüsho Kora azhihkhi ching dükheakchoh.

AMIKHEAKAKHIUKKHI 11:3

Tüsho inü I thiyumütsan thsürü mahne shungliukhim phuyubah nimung 1260 müchitpü wu mülüjihbah.”

AMIKHEAKAKHIUKKHI 6:12

Küyimki apinü ayümdokhi athurukpü khimshuhkhea, inü kheah, tüsho muliuyuk ato lakheah; tüsho ani ju shungliukhim nangde mürakdo, khinu abümnü thiyih nangde kamabah,