MATHI 11:20 - AMÜSÜH HÜM CL Bible (BSI)

²⁰ Judüki apinü khinthiyinbebo ahihbe thsüde arhimokhi kiutobo Jisunü athürühpü tankih, tümütüsho arünü mulong mümüthri.

MATHI 11:20 Iomraidhean Croise

JEREMIA 8:6

Inü anguhlo tüsho ani, tüshe arünü thiyuro masuk; shenü she mihbukmuyuk chingnü mulong müthride, “ Inü tümü rhimokhea!” de mütha. Khora khülang thirithsü ching rande ayükhi nangde arü alala nihbuh limro ching rholodo.

MATHI 12:41

Mahkhap nimung Nineve mihtsürübonü ha lün lung zhibah tüsho amülim jihbah, tümütüsho Jonanü thsangyuthsangrakhi hode arü mulong müthri, tüsho kheakü Jona kheaknü atobe khülang ha kheak lah.

MARK 16:14

Ju dunglim arü dükhüm ki binde alachoki apinü thürükheak khülang ki akhiuk; tüsho apinü arü mükinkhi le mulong müküpkhi dünkheak thürüh, tümütüsho api arhang kamlo dunglim sherünü api ngükheanü arünü akin müla.

MARK 9:19

Apinü arü ki alo, “O akin mülakhi lün, külokhüh I nüsa lung laba? Külokhüh inü nüsa lung arümba? I kilim bede arang.”

YUNIRÜBO RHIMO 17:20

Nünü hande arükhi khürü aso thsüde isanü sochoh; jumonü harü amütsan isanü mükheahnelah.”

2 KORINT 12:21

Küyimki I nüsa kilim alode arübanü Thrünpuhnü I nüsa miki azhihayihshihpü tüsho mümüsühkhi, müzammüram, tüsho küpküprara rhimokhi chingnü mulong mümüthrirü ahihdo kurungkheak tüzhopü inü trejihlah.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.

AMIKHEAKAKHIUKKHI 16:11

tüsho arü thsünükhi tüsho mübo dünkheaknü yinmi Thrünpuh athru, tüsho arü rhimobo chingnü mümüthrilo.

AMIKHEAKAKHIUKKHI 16:9

mihtsürübo ju khide alamlamnü tak, tüsho arünü harü arümbo kurungkheak wu labuh Thrünpuh mung athru, arünü mulong mümüthri tüsho api kilim müremütah.

AMIKHEAKAKHIUKKHI 2:21

Inü alibe mulong müthripü kim jih, tüshe anihbenü müzammüram chingnü mulong müthripü mükün.