MATHI 11:11 - AMÜSÜH HÜM CL Bible (BSI)

¹¹ Atsütsü inü nüsa ki thachoh, aliberübonü zübekhi bolung Johan Baptijihbuh kheaknü atobe masürüyi; tüshe shepü yinmi kiulongthsü ching aninibe lanü api kheaknü atobe ah.

MATHI 11:11 Iomraidhean Croise

JOB HU H T ANYU 14:1

Aliberünü azübekhi mihtsürü, nimung nüklah tüsho küpkhuknü milah,

JOB HU H T ANYU 14:4

Shepünü mümüsühkhi chingnü amüsüh kukruk yihkhitkhukla? She müla.

JOB HU H T ANYU 15:14

Api amüsüh lakhukpü thsüde mihtsürü ju tümü a? Tüsho api thiyuro lakhukpü thsüde aliberünü azübekhi ju she a?

JOB HU H T ANYU 25:4

Dale küde thsah mihtsürü khülang Thrünpuh miki thiyuro lakhukpü? Küde thsah aliberünü azübekhi tsangkhita lapü?

MUNGSHIKHÜN 51:5

Kheahang, amülimkhi ching zübedo, I neak ching I benü I mübünkeangde kam.

ISAIA 30:26

Kheaküshe Atungpuhnü api mihtsürü yurikhi rümjihkhi tüsho apinü ashikkhi mübo thsünguchoki nimung khinu ayin ju ani ayin nangde alabah, tüsho ani ayin ju thüne ki ayinatrüm, nimung thüne ayin nangde alabah.

ZEKARIA 12:8

Ju nimung ching Atungpuhnü Jirusalem ching larü tsungdobah, junangde arü bolung sühmüh mülarü ju nimung David nangde alabah, tüsho David yamkhün ju arü müngüh Atungpuh yunirü nangde Thrünpuh ruk labah.

MATHI 11:10

Tümüde api dünkheak ha thrüta lah: ‘Kheahang, nü limro thsakhamshihpü inü nü müngüh I yunithsürü yüshihchoh.’

MATHI 11:12

Tüsho Johan Baptijihbuh nimungbo chingnü kheakü khiungde yinmi kiulongthsü jangachihchoh, tüsho amüküprünü ju jangkhia luchoh.

MATHI 3:1

Judüki Johan Baptijihbuhnü Judea sunglo ching thsangyuthsangrade arü,

MATHI 3:11

Inü nüsa mulong müthrirü kenü baptijihchoh, tüshe shepü I dunglim arüchonü I kheaknü atobe, ajingkhümpübo inü ahanpü müthülün. Apinü Amüsüh Me tüsho monü nüsa baptijihbah.

MATHI 5:19

Shepünü harü thiyukhüm bolung aninibe thsümünimcho, tüsho jude athsüpü püpürü ki thsangyuchonü yinmi kiulongthsü ching aninibe de ajibah, tüshe shepünü rhimocho tüsho harü yukhümbo thsangyuchonü yinmi kiulongthsü ching atobe de ajibah.

LUKNÜ ATHRÜTKHI THIYUSHEAK-ATSÜ HUHTANYU 1:15

Tümüde api ju Atungpuh miki ato labah, tüsho yukhu yungsho amüshangbe muyung. Api ju abe nuyam chingnü Amüsüh Menü mide alabah.

LUKNÜ ATHRÜTKHI THIYUSHEAK-ATSÜ HUHTANYU 7:28

Inü nüsa ki thachoh, aliberübonü azübekhi bolung Johan kheaknü atobe she müla; tütüshe shepü Thrünpuh kiulongthsü ching aninibeanü api kheaknü atobe ah.”

LUKNÜ ATHRÜTKHI THIYUSHEAK-ATSÜ HUHTANYU 9:48

tüsho arü ki tha, “Shepünü I mung chingnü ha azürü nunu leangkhichonü I leangkhichoh; tüsho shepünü I leangkhichonü I arüshihbuh leangkhichoh. Tümüde nüsa bolung shepü aninibeanü atobe ah.”

JOHAN 1:15

Johannü api thiyumütsan thsüde tüsho zhide tha, “Inü thade alabuh ju ha, ‘Shepü I dunglim arüchonü I kheaknü atobe, tümüde api I müngühnü alakheah.’ ”

JOHAN 1:27

Shepü I dunglim arüchonü ajingkhümpü zhi she inü atrünjihpü müthülün.”

JOHAN 10:41

Judüki ahihkhüh api ki arübah tha, “Johannü khinthiyinbe mürhimo, tüshe Johannü ha mihtsürü dünkheak thakhi alala thiyuro lah.”

JOHAN 3:30

Api ato kambah, tüshe I a aninibe kambah.”

JOHAN 5:35

Api ju takde tüsho yinde alakhi tsün lakheah, tüsho nüsanü api ayinatrüm ching asühachihpü mulongde alakheah.

JOHAN 7:39

Tüshe ha api kheak kinrübonü aleangkhipü me dünkheak apinü athakheah; tümüde Jisu müretah mülayikhinü Amüsüh Me müjihyide alakheah.

1 KORINT 15:9

Tümüde I a amüsüh-thsangyurü bolung aninibe, amüsüh-thsangyurü de ajipü müthülün, tümütüsho inü Thrünpuh borü thsümüchikheah.

1 KORINT 6:4

Nüsa hadürü neamneamruru lasho, tümü thsükhi nüsanü jurü borünü wüntre mülakhi miki zojihcho?

EFISIA 2:3

harü bolung isa alalanü khülangki pang tüsho lümkhinü alunekhi yande shihkünkhi ching la, tüsho isa susunü püpürü mihtsürübo nangde bukakhiukkhi tsührübo lakheah.

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

2 TIMOTHI 1:10

tüsho kheakü isa khümkhitrü Jisu Khrista arükhi hode isa ki amikheak akhiuk. Apinü ashepü akheam thsüshih tüsho thiyusheak-atsü hode müshepü rhangdung amikheak akhiuk.

IBRI 11:40

tümütüsho Thrünpuhnü tümüanü atsübe isa thsungkheak ngüjung, junangde isa rukhühnü lang arü khiukdahde akamshihpü lakheah.

1 PETER 1:10

Ha akhümkhit dünkheaknü wukihrübonü düshihde yimakheah tüsho Thrünpuhnü nüsa kilim jihpü amüthsüm dünkheak müchit;

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.