MATHI 10:25 - AMÜSÜH HÜM CL Bible (BSI)

²⁵ Jingyanrü khülang ju api thsangyurü nangde, yungsho yamlarü khülang ju api putungrü nangde alakhi asuhdah. Arünü thüyam putungpuh ki Beelzebub de jisho arünü nihbuh yamkhün ching küdükhüh she alü jiba!

MATHI 10:25 Iomraidhean Croise

2 KIULONG THSÜRÜ 1:2

Ahazia ju Samaria ching api yam achangbe khiungshak yamkhuh kheaknü ayokhi, tüsho yuria yap; jumonü apinü yunithsürü ki thaa yüshih, “Yüang, I yurikhi chingnü anguba shi yungnü Ekron thrünpuh, Baal-zebub ki keoang.”

MATHI 12:24

Tüshe Pharisirünü ju sobah tha, “Amünean me yakzanshuhbuh Beelzebub hodü lang habuhnü amünean me yankhita bahchoh.”

MATHI 12:27

Tüsho Beelzebub hode inü amünean me yankhitchosho, nüsa mihtsürübonü shepü hode arü yankhitcho? Jumonü arübo ju nüsa mütsanmükhirü thsübah.

MATHI 9:34

Tüshe Pharisirübonü tha, “Ha amünean mebo atobuh hode apinü amünean mebo yankhitchoh.”

MARK 10:39

Tüsho anenü api ki alo, “Ikenü kuklah.” Tüsho Jisunü ane ki tha, “Nükenü inü ayungkhi pung yungpü tüsho I baptikhi yande baptipü kuklah;

MARK 3:22

Tüsho Jirusalem chingnü akikhi athrütrübonü tha, “Api Beelzebub lah, tüsho amünean mebo yakzanshuhbuhnü amünean mebo yankhitchoh.”

LUKNÜ ATHRÜTKHI THIYUSHEAK-ATSÜ HUHTANYU 11:15

Tüshe arü khürünü tha, “Apinü amünean mebo yakzanshuhrü Beelzebub hode amünean mebo yankhitchoh.”

LUKNÜ ATHRÜTKHI THIYUSHEAK-ATSÜ HUHTANYU 11:18

Arimrinü she nihbuh azhihde chamnaksho, küde thsah api kiulongthsü zhippü? Tümütüsho inü Beelzebub hode amünean mebo yankhitchoh de nüsanü thachoh.

LUKNÜ ATHRÜTKHI THIYUSHEAK-ATSÜ HUHTANYU 11:19

Tüsho Beelzebub hode inü amünean mebo yankhitchosho, shepü hode nüsa tsührübonü arü yankhitcho? Jumonü arübo ju nüsa mahkhaprübo thsübah.

JOHAN 10:20

Tüsho arü ahihkhühnü tha, “Api amünean me lah tüsho bünchoh. Tümüde nüsanü api ki anicho?”

JOHAN 7:20

Mihtsürübonü alo tüsho tha, “Nü a amünean me lah. Shepünü nü laksahpü yimcho?”

JOHAN 8:48

Judüki Jihudarünü alo tüsho api ki tha, “Nü Samariarü ah tüsho nü amünean me lah de isanü lungkide mütha de?”

JOHAN 8:52

Judüki Jihudarünü api ki tha, “Kheakü nü amünean me lah de isanü mükheahlah! Abraham tüsho wukihrübo shedo; tüsho nünü thachoh, ‘Khürünü I yu anisho apinü küyimkishe ashepü müngü.’