MATHI 10:23 - AMÜSÜH HÜM CL Bible (BSI)

²³ Küyimki nüsa kiuto khülang ching thsümüchibanü, püpü khülang ching akhinang. Mihtsürü Tsührü marüchoki Israel kiuto alala ching nüsa rhimo mübande alabah.

MATHI 10:23 Iomraidhean Croise

JEREMIA 26:21

Tüsho küyimki kiulongthsüpuh Jehoiakim, api yo thirithsürübo tüsho atorü alalanü api yubo sokhea, kiulongthsüpuhnü api sheshihpü yim; tüsho küyimki Urianü ju sokhea, api trede kam tüsho Ijip ching tsokhide yü.

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

MATHI 16:28

Tsükjide inü nüsa ki thachoh, Mihtsürü Tsührü api kiulongthsü ching marüyi khiungde ha ching zhiprü khürü a müshede alabah.”

MATHI 2:13

Küyimki arü chamachihkhea, Atungpuh yunirü khülang milim ching Josep ki akhiukbah tha, “Asürang, azürü le abe büne bebah Ijip lim tsoang. Inü nü ki müthayi khiungde ju ching laang, tümüde Herodnü azübuh laksahpü yimbah.”

MATHI 23:34

Jumonü inü nüsa kilim wukihrübo, lümlung larü mihtsürübo, tüsho yakzan thsangyurübo thiyibah: nüsanü khürü laksahbah tüsho ayümkihbah, tüsho khürü nüsa yo sinagogbo ching rhapbah tüsho kiuto chingnü kiuto khiungde athsümüchibah,

MATHI 23:36

Atsütsü inü nüsa ki thachoh, harü alala ha lünkhe kheak arübah.

MATHI 24:27

Tümüde aniakhiuklimnü chinchobe arübah aniyüzahlim phürapa yüshihkhi nangde Mihtsürü Tsührü arükhi labah.

MATHI 24:30

Judüki Mihtsürü Tsührü amütsan thüning ching akhiukbah, tüsho alomi trük alalanü atripbah, tüsho arünü Mihtsürü Tsührü thüning kheak amo ching wu tüsho müretah ato ching arükhi ngübah.

MATHI 24:34

Atsütsü inü nüsa ki thachoh, harü alala müdünjiyikia ha lün hode mutso.

MATHI 24:48

Tüshe ju yamlarü mihbukmuyuk lasho tüsho nihbuh küdahnü, ‘I putungrü arüpü ruhde lah’ de thasho,

MATHI 25:13

Jumonü kurhangang, tümüde Mihtsürü Tsührü arüpü nimung yungsho kim nüsanü mümükheah.

MATHI 26:64

Jisunü api ki alo, “Nünü thado. Tüshe inü nüsa ki thachoh, ha dunglim Mihtsürü Tsührü ju Wuto khah tsülim binbah yinmi amo ching arükhi nüsanü angübah.”

MATHI 4:12

Küyimki Jisunü Johan ju rihyam ching zokhi sokhea apinü Galilee lim alode yü.

MARK 13:26

Judüki Mihtsürü Tsührü wu tüsho müretah ato lade amo ching arükhi arünü angübah.

LUKNÜ ATHRÜTKHI THIYUSHEAK-ATSÜ HUHTANYU 18:8

Apinü arü ki niokheamde mahkhapjihbah de inü nüsa ki thachoh. Judüalalashe, küyimki Mihtsürü Tsührü arübanü apinü tsükjide alomi kheak akin lakhi ngüba de?”

LUKNÜ ATHRÜTKHI THIYUSHEAK-ATSÜ HUHTANYU 21:27

Judüki arünü Mihtsürü Tsührü wu tüsho müretah ato lade amo ching arükhi ngübah.

JOHAN 7:1

Ju dunglim Jisunü Galilee ching tsah, tümütüsho Jihudarünü api laksahpü yimkhinü Judea ching tsahpü mükünde alakheah.

YUNIRÜBO RHIMO 17:10

Keoniorübonü niokheamde Paul le Sila büne azhing chingnü Berea lim thiyia tsoshih; tüsho küyimki ane akhiungkheanü Jihudarü sinagog ching yüzah.

YUNIRÜBO RHIMO 17:14

Keoniorübonü Paul ju niokheamde keto lim thiyia tsoshih; tüshe Sila le Timothi büne a Berea ching binlo.

YUNIRÜBO RHIMO 20:1

Alanaji kheam dunglim, Paulnü akinrübo jimukhung tüsho mulong tuthsukyu thabah arü ki chode thsü. Jushu apinü chamachihbah Macedonia lim yü.

YUNIRÜBO RHIMO 8:1

Tüsho api shekhi ju Saulnü mülüjih-a lakheah. Tüsho ju nimung Jirusalem ching borü azhihde thsümüchi ato akhiuk; tüsho amüsüh-thsangyurübo kheak hode, arü alala Judea tüsho Samaria lomibo ching müzütabah.