MATHI 10:22 - AMÜSÜH HÜM CL Bible (BSI)

²² Tüsho I mung dünkheaknü alalanü nüsa thraneanbah. Tüshe shepünü akheam khiungde arümbanü akhümkhitbah.

MATHI 10:22 Iomraidhean Croise

MÜCHITMUDU 29:27

Thiyuro-lungkirünü thiyuro mülarü thraneanchoh; mihbukmuyuknü alungkirü thraneanchoh.

MATHI 10:39

Shepü nihbuh rhangdung ngüchonü ju adükheakbah, tüsho shepünü I dünkheaknü api rhangdung dükheakchonü ju angübah.

MATHI 24:13

tüshe shepünü akheam khiungde arümbanü akhümkhitbah.

MATHI 24:9

“Judüki arünü nüsa thsümüchipü jihbah tüsho alaksahbah, tüsho I mung dünkheaknü trükshih alalanü nüsa thraneanbah.

MATHI 5:11

“I dünkheaknü arünü nüsa mükhemükimde thsümüchichoki tüsho arükchihnü nüsa azhihde amütsü alala thachoki nüsa asühpü.

MARK 13:13

Tüsho I mung dünkheaknü mihtsürü alalanü nüsa thraneanbah. Tüshe shepünü akheam khiungde arümbanü akhümkhitbah.

LUKNÜ ATHRÜTKHI THIYUSHEAK-ATSÜ HUHTANYU 21:17

Tüsho I mung dünkheaknü alalanü nüsa thraneanbah.

LUKNÜ ATHRÜTKHI THIYUSHEAK-ATSÜ HUHTANYU 21:19

Düküngde azhipkhi ching nüsa rhangdung alü thsübah.

LUKNÜ ATHRÜTKHI THIYUSHEAK-ATSÜ HUHTANYU 6:22

“Mihtsürü Tsührü dünkheaknü küyimki mihtsürübonü nüsa thraneanba, küyimki nüsa mükhemükimde khekhita bahba tüsho amütsü thade nüsa mung bahyukbanü nüsa asühpü!

LUKNÜ ATHRÜTKHI THIYUSHEAK-ATSÜ HUHTANYU 8:15

Tüsho alo atsü ching hiuyukkhi ju, thiyu sobah mulong atsü tüsho thiyuro ching düküngde ramrihcho, tüsho arümkheamde aso asoshihrü ah.

JOHAN 17:14

Inü arü kilim nü yu jihdo; tüsho alominü arü thraneando tümütüsho I alomi yo yungkhi nangde arübo alomi yo yung.

JOHAN 7:7

Alominü nüsa müthranean, tüshe ju rhimo amütsü lah de inü thiyumütsan thsümonü I thraneanchoh.

YUNIRÜBO RHIMO 9:16

tümütüsho I mung dünkheaknü küdükhüh thsünübeanü inü api ki huhbah.”

ROMRÜ KILIM PAULNÜ ATHRÜTKHI KIHÜM HUHTANYU 2:7

Atsü rhimode, müretah, wüntre, tüsho amüshebe rhangdung yimrü kilim apinü lün rhangdung jihbah.

2 KORINT 4:11

Tümütüsho isa ashebe pang ching api rhangdung ngüpü thsüde Jisu dünkheaknü isa rhangdung kamruhroro atrebe ashepü ching lakheah.

GALATIA 6:9

Tüsho isanü atsü rhimokhi ching mükeaksahnü, tümüde isanü mahiungsho kim dükdü ching yimlubah.

IBRI 3:14

Tümüde isanü akhuhbe mulongram lakhi ju akheam khiungde düküngde ramrihsho, isanü Khrista lung shihcham luchoh.

IBRI 6:11

Nüsa mulonglam mütsanpü thsüde, nüsa mihbüm abannü ha ruk düshihde akheam khiungde huhshihnelah,

JAKOB 1:12

Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah.

1 JOHAN 3:13

Keoniorübo, alominü nüsa thraneankhi dümüyinsah.

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’

AMIKHEAKAKHIUKKHI 2:26

Shepünü akuk ngücho tüsho akheam khiungde I yubo zochonü, inü api kilim trükshihbo kurungkheak wu jihbah,

AMIKHEAKAKHIUKKHI 2:3

Nü arümkheamkhi, I mung dünkheak thsünükhi tüsho nü mükeaksahkhi inü mükheahlah.

AMIKHEAKAKHIUKKHI 2:7

Shepü nükhün kihlanü, Menü borübo ki tümü thachonü apinü aniang. Akuk ngübuh kilim Thrünpuh sühakhimpung ching lakhi rhangdung sangdung aso tsühpü inü mülüjihbah.’

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.