MATHI 10:18 - AMÜSÜH HÜM CL Bible (BSI)

¹⁸ Tüsho I dünkheaknü nüsabo ju kovünorbo tüsho kiulongthsürübo miki arü le khiungkerü ki amütsan thsüde bede arübah.

MATHI 10:18 Iomraidhean Croise

MUNGSHIKHÜN 119:46

Inü nü yukhümbo kiulongthsüpuh miki thabah, tüsho achih müngüde alabah.

MATHI 10:17

Tüshe mihtsürübo dünkheak kümkangang, tümüde arünü nüsa kiuthsü-binkiubo kilim jihbah tüsho sinagogbo ching nüsa rhapbah.

MATHI 10:19

Tüshe arünü nüsa ramchoki nüsanü küde athaba yungsho tümü thaba de mulong düsansan. Tümütüsho nüsanü tümü thabeanü ju kim ching nüsa kilim jihbah;

MATHI 8:4

Tüsho Jisunü api ki tha, “Aniang, nünü she ki dütha; tüshe nü limro ching yüang, amükeamrü ki nü huhang, tüsho Mosa yukhüm yande arü ki mütsan thsüpü thsambah jihang.”

MARK 13:9

“Tüshe nüsa thsungkheaknü kurhangang, tümüde nüsabo kiuthsübinkiu kilim jihbah, tüsho sinagogbo ching nüsa lakbah. Tüsho arü ki thiyumütsan thsüde I dünkheaknü nüsabo yakzanshuhrübo le kiulongthsürübo miki bedarübah.

2 TIMOTHI 1:8

Isa Atungpuh, yungsho api yo aramrü I dünkheak thiyumütsan thsüpü dachih, tüshe Thrünpuh wu ching thiyusheak-atsü thsungkheak thsünüpü ching shihcham luang,

AMIKHEAKAKHIUKKHI 1:9

I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah.

AMIKHEAKAKHIUKKHI 11:7

Tüsho küyimki ane thiyumütsan arün thsübanü alokhünbit chingnü akhiukkhi shiwühnü ane bede thirithsübah akukbah tüsho ane laksahbah,

AMIKHEAKAKHIUKKHI 6:9

Küyimki apinü ayümdokhi aphüngüpü khimshuhkhea, Thrünpuh yu dünkheak tüsho arünü thiyumütsan thsükhi dünkheak laksahkhi mebo kingaün sadam khüp inü ngü;