MATHI 10:14 - AMÜSÜH HÜM CL Bible (BSI)

¹⁴ Tüsho sherünü nüsa müleangkhiba yungsho nüsa yubo maniba, ju yam yungsho kiuto chingnü nüsa chamachihchoki, nüsa jing kheaknü asungthulung adan khia bahang.

MATHI 10:14 Iomraidhean Croise

NEHEMIA 5:13

Tüsho I chim rümkhi shulünkhim dütründe inü tha, “Alokhikhi yande mürhimorü Thrünpuhnü ha ruk dütrünbah. Thrünpuhnü nüsa yambo tüsho nüsa kukruk tümü she maningshihde luakhinbah.” Mukhunga larü mihbüm abannü “Amen!” thsü tüsho Atungpuh mung shi. Tüsho limberübonü alokhikhi yande rhimo.

MATHI 10:13

Yamkhün ju thülünlasho, nüsa mungtsü ju kheak lashang. Tüshe müthülüna lasho, nüsa mungtsü nüsa kilim rholoshang.

MATHI 18:5

Tüsho shepünü I mung chingnü ha azürü nunu khülang leangkhichonü I leangkhichoh.

MARK 6:11

Tüsho sherünü nüsa müleangkhiba yungsho nüsa ki maniba, nüsa ju chingnü chamachihchoki arü azhihkhi thiyumütsan thsüde nüsa jing kheaknü asungthulung adankhia bahang.”

MARK 9:37

“Shepünü harü azürü anini bolung khülang I mung chingnü aleangkhibanü, I leangkhichoh; tüsho shepünü I leangkhichonü, I yung, tüshe I thiyibuh leangkhichoh.”

LUKNÜ ATHRÜTKHI THIYUSHEAK-ATSÜ HUHTANYU 9:48

tüsho arü ki tha, “Shepünü I mung chingnü ha azürü nunu leangkhichonü I leangkhichoh; tüsho shepünü I leangkhichonü I arüshihbuh leangkhichoh. Tümüde nüsa bolung shepü aninibeanü atobe ah.”

LUKNÜ ATHRÜTKHI THIYUSHEAK-ATSÜ HUHTANYU 9:5

Tüsho sherünü nüsa müleangkhibanü, ju kiuto chingnü nüsa wukhiukchoki arü azhihkhi amütsan nüsa jing kheak yo asungthulung adankhia bahang.”

JOHAN 13:20

Atsütsü inü nüsa ki thachoh, shepünü inü athiyikhi leangkhichonü I leangkhichoh; tüsho shepünü I leangkhichonü I thiyibuh leangkhichoh.”

YUNIRÜBO RHIMO 13:51

Tüshe anenü arü azhihde ane jing kheak yo asungthulung adankhia bah, tüsho Ikonium ching yü.

YUNIRÜBO RHIMO 18:6

Tüsho küyimki arünü api azhihde aluhkhea, apinü akhim chingnü asungthulung dütrüna bahde arü ki tha, “ Nüsa thiyih nüsa kubo kheak lashang! Inü a tümü mümükheah. Kheakü I khiungkerü kilim yübah.”

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.